Қазақстан Республикасы Үкіметінің 2000 жылғы 25 мамырдағы № 789 қаулысына толықтырулар мен өзгерістер енгізу туралы Қазақстан Республикасы Үкіметінің 2002 ж. 12 сәуірдегі № 426 қаулысы

Қазақстан Республикасы Үкіметінің 2000 жылғы 25 мамырдағы № 789 қаулысына
толықтырулар мен өзгерістер енгізу туралы Қазақстан Республикасы
Үкіметінің 2002 ж. 12 сәуірдегі № 426 қаулысы

Бағдарламалар әзірлеу процесін жетілдіру мақсатында Қазақстан Республикасының Үкіметі қаулы етеді:

1. "Қазақстан Республикасында Бағдарламаларды әзірлеудің ережесін бекіту туралы" Қазақстан Республикасы Үкіметінің 2000 жылғы 25 мамырдағы № 789 қаулысына (Қазақстан Республикасының ПҮКЖ-ы, 2000 ж., № 24, 275-құжат) мынадай толықтырулар мен өзгерістер енгізілсін:

көрсетілген қаулымен бекітілген Қазақстан Республикасында Бағдарламаларды әзірлеудің ережесінде:

2-тармақ мынадай мазмұндағы сөйлеммен толықтырылсын:

"Бағдарламалар, тек, егер онда баяндалған проблемаларды шешу тиісті мемлекеттік орган - әзірлеушінің құзыреті шеңберінде жүзеге асыру мүмкін емес жағдайда әзірленеді.";

3-тармақта:

1) тармақшадағы "салалық" деген сөзден кейін "(секторалдық)" деген сөзбен толықтырылсын;

2) тармақша мынадай редакцияда жазылсын:

"2) іске асыру мерзімдері бойынша: қысқа мерзімді (2 жылға дейін) және орта мерзімді (3 жылға дейін);";

4-тармақта:

1) тармақша алынып тасталсын;

3) тармақшада "стратегиялық" деген сөзден кейін "және индикативтік" деген сөздермен толықтырылсын;

5) тармақшадағы "(секторлық)" деген сөз "(секторалдық)" деген сөзбен ауыстырылсын;

7) тармақшаның екінші сөйлемі алынып тасталсын;

5-тармақтың 2) тармақшасында "салалық" деген сөзден кейін "(секторалдық)" деген сөзбен толықтырылсын;

мынадай мазмұндағы 5-1-тармақпен толықтырылсын:

"5-1. Бағдарламалық іс-шараларды іске асыруға арналған, мемлекеттік, салалық (секторалдық) және аймақтық бағдарламаларда көзделген шығыстардың жалпы көлемі республикалық және жергілікті бюджеттердің үш жылдық кезеңге арналған болжамдық көрсеткіштері шеңберінде айқындалады.";

6-тармақта "Экономика" деген сөзден кейін "және сауда" деген сөздермен толықтырылсын;

2-бөлім алынып тасталсын;

12-тармақтағы "ірі және" деген сөздер алынып тасталсын;