|
|
|
Қазақстан Республикасында жылжымайтын мүлiкке құқықтарды және онымен ҚР Үкіметінің 2002 ж. 21 қарашадағы № 1228 қаулысымен осы қаулының күші жойылды "Қазақстан Республикасында жылжымайтын мүлiкке құқықтарды және онымен жасалатын мәмiлелердi мемлекеттік тiркеу жүйесiн жетiлдiру мен дамыту тұжырымдамасы туралы" Қазақстан Республикасы Үкіметінiң 2001 жылғы 4 желтоқсандағы № 1560 қаулысына сәйкес Қазақстан Республикасының Үкіметі қаулы етеді: 1. Қоса берiлiп отырған Қазақстан Республикасында жылжымайтын мүлiкке құқықтарды және онымен жасалатын мәмiлелердi мемлекеттік тiркеу жүйесiн жетiлдiру мен дамытудың 2002-2005 жылдарға арналған бағдарламасы бекітілсiн. 2. Мемлекеттік органдар қоса берiлiп отырған Бағдарламада көзделген iс-шаралардың орындалуын қамтамасыз етсiн. 3. Осы қаулы қол қойылған күнiнен бастап отыз күн iшiнде күшiне енедi. Қазақстан Республикасының
Yкіметінiң 2002 жылғы 26 шiлдедегi № 835 қаулысымен бекітілген Қазақстан Республикасында жылжымайтын мүлiкке құқықтарды және онымен жасалатын мәмiлелердi мемлекеттік тiркеу жүйесiн жетiлдiру мен дамытудың 2002-2005 жылдарға арналған бағдарламасы 1. Бағдарламаның паспорты Бағдарламаның Қазақстан Республикасында жылжымайтын мүлiкке атауы құқықтарды және онымен жасалатын мәмiлелердi мемлекеттік тiркеу жүйесiн жетiлдiру мен дамытудың 2002-2005 жылдарға арналған бағдарламасы Әзiрлеу үшін "Қазақстан Республикасында жылжымайтын мүлiкке негіздеме құқықтарды және онымен жасалатын мәмiлелердi мемлекеттік тiркеу жүйесiн жетiлдiру мен дамыту тұжырымдамасы туралы" Қазақстан Республикасы Үкіметінiң 2001 жылғы 4 желтоқсандағы № 1560 қаулысы Негiзгi әзiрлеуші Қазақстан Республикасының Әділет министрлігі Iске асыру 2002-2005 жылдар мерзiмi Бағдарламаның Даму үстіндегі жылжымайтын мүлiк рыногы үшін қажеттi мақсаттары мен инфрақұрылымды құру; мiндеттерi құқықтық кадастрдың бiрыңғай дерекқорын, қалыптастыруға жағдай жасау, сондай-ақ құқықтық; кадастрды енгізу үшiн қажеттi жер және қала құрылысы кадастрларының дерекқорын қолдану; жылжымайтын мүлiкке құқықтарды және онымен жасалатын мәмілелердi мемлекеттік тiркеудi жүзеге асыратын әдiлет органдарына бағынысты мемлекеттік кәсiпорындар қызметiн жетiлдiру; шағын бизнес субъектiлерi үшiн мемлекеттік тiркеу мерзiмдерiн қысқарту; жылжымайтын мүлiкке мүлiктiк құқықтар кепiлдiктерiн қамтамасыз ету есебiнен Қазақстанның инвестициялық тартымдылығын көтеру. Бағдарламаның Жылжымайтын мүлiкке құқықтарды және онымен негiзгi жасалатын мәмілелердi мемлекеттік тiркеу жүйесiн iс-шаралары жетiлдiруге және дамытуға бағытталған заңнамалық және өзге де нормативтік құқықтық актiлердi әзiрлеу; қоғамдық негiздегi консультациялық-кеңесшi орган ретiнде Ғылыми-әдiстемелiк кеңес құру; Қазақстан Республикасының Әдiлет министрлігі Тiркеу қызметi комитетiнiң (бұдан әрi - Комитет) Алматы және Атырау қалаларында (3-5 адамнан) құрылымдық бөлiмшелерiн құру мүмкiндiгiн қарастыру; бiрыңғай құқық белгiлеушi құжат ретiнде мемлекеттік тiркеу туралы куәлiктi енгізу; Комитеттiң "Жылжымайтын мүлiк жөніндегі орталықтар" (бұдан әрi - Орталықтар) республикалық мемлекеттік кәсiпорындарын қазыналық кәсiпорындар етiп қайта құру; шағын бизнес субъектiлерi үшiн тiркеу мерзiмiн қысқарту; объектiнiң түрiне қарай жылжымайтын мүлiк объектiлерiн және тiркелетiн құқықты тiркегенi үшiн сараланған алым алу, тiркеушi органдар көрсететiн қызметтер үшiн төлемдi төмендету; мемлекеттік тiркеу әрi ақпараттық қызметтер көрсету тәртібін оңайлату және мерзiмiн қысқарту; түрлi кадастрларды қалыптастыру кезiнде мемлекеттік органдар әрекеттерiнiң бiрiн-бiрi қайталауын болдырмау. Қаржыландыру Орталықтардың қаражаты көздерi Күтiлетiн соңғы жер, қала құрылысы кадастрларын және құқықтық кадастр нәтиже құру, заңды және жеке тұлғаларға құқық белгiлейтiн және өзге де құжаттарды беру кезiнде мемлекеттік органдардың әрекетiн мейлiнше жақындастыру әрi бiрдейлендiру; құндық және техникалық сипаттамаларын ескере отырып, жылжымайтын мүлiктi тiркеу жөнiнде республика бойынша бiрыңғай автоматтандырылған дерекқор құру; мүлiкке салынатын салықтардың түсу көлемiн көтеру мақсатында тiркелген жылжымайтын мүлiк объектiлерi санын, құқықтық кадастрдағы ақпараттардың толықтығын бiртiндеп ұлғайту. 2. Кiріспе Қазақстан Республикасында жылжымайтын мүлiкке құқықтарды және онымен жасалатын мәмiлелердi мемлекеттік тiркеу жүйесiн жетiлдiру мен дамытудың осы бағдарламасы (бұдан әрi - Бағдарлама) "Қазақстан Республикасында жылжымайтын мүлiкке құқықтарды және онымен жасалатын мәмiлелердi мемлекеттік тiркеу жүйесiн жетiлдiру мен дамыту тұжырымдамасы туралы" Қазақстан Республикасы Үкіметінiң 2001 жылғы 4 желтоқсандағы № 1560 қаулысына сәйкес 2002 және 2005 жылдар аралығындағы кезеңге әзiрлендi. Бағдарлама нарықтық қатынастарды тұрақтандыруға және жылжымайтын мүлiкпен жасалатын мәмiлелер бойынша шиеленiскен жағымсыз үрдiстердi басуға бағытталған, мемлекеттік тiркеудiң бiрыңғай жүйесiн қалыптастыру бойынша базалық заң актiсi болған Қазақстан Республикасы Президентінің "Жылжымайтын мүлiкке құқықтарды және онымен жасалатын мәмiлелердi мемлекеттік тiркеу туралы" 1995 жылғы 25 желтоқсандағы № 2727 заң күшi бар Жарлығы қабылданған сәттен бастап жылжымайтын мүлiкке құқықтарды және онымен жасалатын мәмiлелердi мемлекеттік тiркеу жүйесiн дамытудың қазiргі заманғы әлемдiк үрдiстерi мен осы салада болған өзгерістердi ескередi. Жылжымайтын мүлiкке заңды және жеке тұлғалардың меншiк институтының дамуына ерекше мән беруiне Қазақстан Республикасында жүргiзiлген экономикалық саясат, жылжымайтын мүлiк рыногының, бiрiншi кезекте тұрғын үйлердiң, өндiрiс және өндiрiстiк емес мақсаттағы үйлер мен ғимараттардың, сондай-ақ жер учаскелерiнiң дәйектi түрде қалыптасуына себепшi болды, соның нәтижесiнде меншiк субъектiлерiнiң құқықтары мен кепiлдiктерiн тиiсінше мемлекеттік қорғаудың аса зәрулiгi туындады. Егемен Қазақстан бұрынғы Кеңес Одағы елдерiнен бiрiншi болып осы саладағы құқықтық қатынастарды заңдық тұрғыда ретке келтiрдi. Бiрыңғай технологиялық реттiлiкпен жылжымайтын мүлiктi тiркеудi жүзеге асыратын тiркеушi органдардың қызметi тиiстi құжаттарда жылжымайтын мүлiк объектiлерiнiң техникалық, құндық және құқықтық сипаттамаларын көрсете отырып, көбiнесе заң базасын жетiлдiруге байланысты болады. 3. Қазақстан Республикасында жылжымайтын мүлiкке құқықтарды және онымен жасалатын мәмiлелердi тiркеудiң қазiргi жай-күйiн талдау Тiркеудiң осы жүйесi халықаралық тәжiрибенi ескере отырып құрылған және мынадай ерекшелiктермен сипатталады: 1) мемлекеттік тiркеу жүргiзiлгенге дейiнгi пайда болған құқықтар мемлекеттік тiркеусiз де танылады; 2) жылжымайтын мүлiкке құқықтар және онымен жасалатын мәмiлелер тиiсiнше мемлекеттік тiркелген сәтiнен бастап пайда болды және жасалды (егер заң актілерінде өзгеше белгiленбесе) деп саналады; 3) жылжымайтын мүлiкке құқықтарды да, онымен жасалатын мәмiлелердi де мемлекеттік тiркеу жүргiзiледi. Бұрын қызмет жасап келген, 1995 жылы Жылжымайтын мүлiктi бағалау және тiркеу жөніндегі басқарма болып қайта құрылған, Техникалық түгендеу бюросы мүлiктiң есебiн алуды жүзеге асырды, бұл меншiк құқығы субъектiлерiнiң құқықтарын қорғаудың мемлекеттік кепiлдiктерiн қамтамасыз етпедi. Қазiргi кезде жылжымайтын мүлiкке құқықтарды мемлекеттік тiркеудi Комитетке бағынысты 16 орталық пен оның филиалдары жүзеге асырады, бұл қажеттi материалдық-техникалық базаны жасауға және мемлекет бюджетiне едәуiр қаражаттың түсуiн қамтамасыз етуге мүмкiндiк бердi. 4. Бағдарламаның мақсаттары мен мiндеттерi Бағдарламаның басты мақсаты жылжымайтын мүлiкке құқықтарды және онымен жасалатын мәмiлелердi мемлекеттік тiркеу жүйесiн жетiлдiру мен дамыту болып табылады. Осы Бағдарламаны толық көлемде iске асыру үшiн мынадай мақсаттарға қол жеткiзу қажет: 1) жылжымайтын мүлiкке құқықтарды және онымен жасалатын мәмiлелердi мемлекеттік тiркеудi жүзеге асыратын әдiлет органдарына бағынысты мемлекеттік кәсiпорындар қызметiн жетiлдiру; 2) құқықтық кадастрдың бiрыңғай дерекқорын, сондай-ақ мүдделi мемлекеттік органдар құқықтық кадастрды енгізу үшiн қажеттi жер және қала құрылысы кадастрларының дерекқорын қалыптастыруға жағдай жасау; 3) шағын бизнес субъектiлерi үшiн мемлекеттік тiркеу мерзiмдерiн қысқарту; 4) тiркеушiлердiң функциялары мен оларға қойылатын талаптарды анықтау; 5) құқықтық және ұйымдық бiрлiкте жылжымайтын мүлiктi техникалық түгендеу, бағалау және тiркеу мәселелерiн шешу. Осы Бағдарлама мынадай мiндеттердiң шешiлуiн көздейдi: 1) жылжымайтын мүлiкке құқықтарды және онымен жасалатын мәмiлелердi мемлекеттік тiркеу жүйесiн жетiлдiруге және дамытуға бағытталған заңнамалық және өзге де нормативтiк құқықтық актiлердi әзiрлеу; 2) түрлi кадастрларды қалыптастыру және енгізу кезiнде республикалық және жергiлiктi деңгейлерде мемлекеттік органдар функцияларының бiрiн-бiрi қайталауын болдырмау, мониторинг пен олардың деректерiн пайдалану кезiнде толық өзара iс-әрекеттерге қол жеткiзу. 5. Бағдарламаның негiзгi бағыттары және оны iске асыру тетiктерi Бағдарламаны iске асырудың негiзгi бағыттары мыналар болып табылады: 1) жылжымайтын мүлікке мүліктік құқықтық кепілдіктерді қамтамасыз ету есебінен Қазақстанның инвестициялық тартымдылығын көтеру; 2) мүдделi мемлекеттік органдардың жер, қала құрылысы кадастрларының және жылжымайтын мүлiктiң құқықтық кадастрының дерекқорларын құру әрi кейiннен оларды бiрiктiру үшiн жағдай жасау; 3) жылжымайтын мүлiкке құқықтарды және онымен жасалатын мәмiлелердi мемлекеттік тiркеудi жүзеге асыратын әдiлет органдарына бағынысты мемлекеттік кәсiпорындар қызметiн жетiлдiру. Негiзгi тетiктерi мыналар болып табылады: 1) Комитеттің жанынан консультациялық-кеңесшi орган ретiнде Ғылыми-әдiстемелiк кеңес құру; 2) жылжымайтын мүлiкке құқықтарды тiркеу және бағалау қызметi туралы заңнаманы iске асыру, осы салада, соның iшiнде лицензиаттарды бақылауды қамтамасыз ету үшiн Қазақстан Республикасы Әдiлет министрлігінiң жалпы штат санының шегiнде Комитеттiң Алматы және Атырау қалаларында 3-5 адамнан тұратын құрылымдық бөлiмшелерiн құру мүмкiндiктерiн қарастыру; 3) бiрыңғай құқық белгiлеушi құжат ретiнде жылжымайтын мүлiктi мемлекеттік тiркеу туралы куәлiктi енгізу; 4) құндық және техникалық сипаттамаларын ескере отырып, тiркелген жылжымайтын мүлiк құқықтары жөнiнде республиканың бүкiл аумағы бойынша бiрыңғай автоматтандырылған дерекқор құру; 5) орталықтарды қазыналық кәсiпорындар етiп қайта құру; 6) заң және өзге де нормативтiк құқықтық актiлерге өзгерістер енгізу; 7) жылжымайтын мүлiкке құқықтарды және онымен жасалатын мәмiлелердi тiркеу үшiн сараланған алым алу жөнiнде ұсыныстар әзiрлеу. 6. Қажеттi ресурстар және оларды қаржыландыру көздерi Осы Бағдарламаны iске асырудың қаржыландыру көздерi Орталықтардың қаражаты болып табылады. 7. Бағдарламаны iске асырудан күтiлетiн нәтиже Бағдарламаны iске асыру нәтижесiнде: 1) жер, қала құрылысы кадастрларын және құқықтық кадастрды құру, заңды және жеке тұлғаларға құқық беретiн және өзге де құжаттарды беру кезiнде мемлекеттік органдардың әрекетiн мейлiнше жақындастыру әрi бiрдейлендiру; 2) түрлi кадастрларды қалыптастыру кезiнде мемлекеттік органдар әрекеттерiнiң бiрiн-бiрi қайталауын болдырмау; 3) бiрыңғай құқықтық кадастрдың дерекқорын, сондай-ақ жылжымайтын мүлiктiң құқықтық кадастрын енгізу үшiн қажеттi жер, қала құрылысы кадастрларының дерекқорын құруға жағдай жасау; 4) Орталықтарды қазыналық кәсiпорындар етiп қайта құру; 5) Комитеттiң құрылымдық бөлiмшелерiн және Ғылыми-әдiстемелiк кеңес құру; 6) жылжымайтын мүлiкке құқықтарды және онымен жасалатын мәмiлелердi тiркеу саласында заңнамалық және өзге де нормативтiк құқықтық кесiмдердi әзiрлеу болжанып отыр. 8. Бағдарламаны iске асыру жөніндегі iс-шаралар жоспары
Доступ к документам и консультации
от ведущих специалистов |