ҚР мемлекеттік шекарасы арқылы өткізу пункттерінде бақылауды жүзеге асыру кезіндегі бақылаушы органдардың өзара іс-қимылының және оларды орналастырудың тәртібі туралы нұсқаулықты бекіту туралы ҚР Ұлттық қауіпсіздік комитеті төрағасының 2002 ж. 9 желтоқсандағы № 217, ҚР Көлік және коммуникациялар министрінің 2002 ж. 23 қазандағы № 353-І, ҚР Кедендік бақылау агенттігі төрағасының 2002 ж. 10 қазандағы № 47, ҚР Ауыл шаруашылығы министрінің 2003 ж. 7 қаңтардағы № 3, ҚР Денсаулық сақтау министрінің 2003 ж. 14 қаңтардағы № 34 бірлескен бұйрығы (2007.14.11. берілген өзгерістер мен толықтыруларымен) (күші жойылды)

Қазақстан Республикасының мемлекеттік шекарасы арқылы өткізу пункттерiнде бақылауды жүзеге асыру кезiндегi бақылаушы органдардың өзара iс-қимылының және оларды орналастырудың тәртібі туралы нұсқаулықты бекіту туралы
Қазақстан Республикасы Ұлттық қауіпсіздік комитеті төрағасының 2002 ж. 9 желтоқсандағы № 217, Қазақстан Республикасы Көлік және коммуникациялар министрінің 2002 ж. 23 қазандағы № 353-І, Қазақстан Республикасы Кедендік бақылау агенттігі төрағасының 2002 ж. 10 қазандағы № 47, Қазақстан Республикасы Ауыл шаруашылығы министрінің 2003 ж. 7 қаңтардағы № 3, Қазақстан Республикасы Денсаулық сақтау министрінің 2003 ж. 14 қаңтардағы № 34 бірлескен бұйрығы

(2007.14.11. берілген өзгерістер мен толықтыруларымен)

ҚР Қаржы министрінің 2017 жылғы 26 қаңтардағы № 56, ҚР Премьер-Министрінің орынбасары - ҚР Ауыл шаруашылығы министрінің 2017 жылғы 10 наурыздағы № 108, ҚР Инвестициялар және даму министрінің 2017 жылғы 17 наурыздағы № 157, ҚР Денсаулық сақтау министрінің 2017 жылғы 21 сәуірдегі № 194, ҚР Ұлттық қауіпсіздік комитеті төрағасының 2017 жылғы 24 сәуірдегі № 22 бірлескен бұйрығымен күші жойылды

 «Қазақстан Республикасының аумағында автомобиль тасымалдарына бiрыңғай мемлекеттік бақылау жүйесiн құру туралы» Қазақстан Республикасы Үкіметінiң 2000 жылғы 8 қыркүйектегi № 1358 қаулысын орындау үшiн, сондай-ақ, Қазақстан Республикасының мемлекеттік шекарасы арқылы өткізу пункттерiнде автокөлiк құралдарына бақылау жүргiзудi реттеу және халықаралық келісімдер мен Қазақстан Республикасының заңнамасының орындалуын қамтамасыз ету мақсатында БҰЙЫРАМЫЗ:

1. Қоса берiлiп отырған Қазақстан Республикасының мемлекеттік шекарасындағы бiрыңғай бақылау-өткізу пункттерiнде бақылауды жүзеге асыру кезiнде бақылаушы органдардың өзара iс-қимылының тәртібі туралы нұсқаулық бекітілсiн.

2. Осы бұйрықтың орындалуын бақылауды өзiмiзге қалдырамыз.

3. Осы бұйрық мемлекеттік тiркелген күнiнен бастап күшiне енедi.