Жергілікті бюджеттен берілген кредиттер бойынша талаптарды тоқтату ережесін бекіту туралы Қазақстан Республикасы Үкіметінің 2003 ж. 17 наурыздағы № 254 қаулысы (ҚР Үкіметінің 29.01.04 ж. № 100 қаулысымен енгізілген өзгерістерімен) (күші жойылды)

Жергiлiктi бюджеттен берiлген кредиттер бойынша талаптарды тоқтату ережесін бекіту туралы
Қазақстан Республикасы Үкіметінің 2003 ж. 17 наурыздағы № 254 қаулысы
(ҚР Үкіметінің 29.01.04 ж. № 100 қаулысымен енгізілген өзгерістерімен)

ҚР Үкіметінің 2021 жылғы 27 желтоқсандағы № 936 Қаулысымен күші жойылды

Жергiлiктi бюджеттен берiлген кредиттер бойынша талаптарды тоқтату бөлiгiнде "Бюджет жүйесi туралы" Қазақстан Республикасының 1999 жылғы 1 сәуірдегі Заңының 21-бабына сәйкес Қазақстан Республикасының Үкіметі қаулы етеді:

1. Қоса берiлiп отырған Жергiлiктi бюджеттен берiлген кредиттер бойынша талаптарды тоқтату ережесi бекітілсiн.

2. Осы қаулы қол қойылған күнiнен бастап күшіне енедi.

Қазақстан Республикасының

Қазақстан Республикасы Yкіметінiң

2003 жылғы 17 наурыздағы

№ 254 қаулысымен

бекітілген

Жергілiкті бюджеттен берiлген кредиттер бойынша

талаптарды тоқтату ережесi

Осы Ереже жергiлiктi бюджеттен берiлген кредиттер бойынша талаптарды тоқтату мәселелерiн реттеу мақсатында әзiрлендi.

1. Жалпы ережелер

1. Осы Ережеде мынадай ұғымдар пайдаланылады:

1) агент - екiншi деңгейдегi банк немесе тиiстi шарттарды жасасу, қызмет көрсету, жергiлiктi бюджеттен берiлген кредиттердi қайтару, оларды пайдаланғаны үшiн сыйақылар, өсiмақылар, айыппұлдар бойынша қызметтердi және агенттiк келісімдерге сәйкес басқа да функцияларды орындайтын, банктiк операциялардың жекелеген түрлерiн жүзеге асыруға Қазақстан Республикасы Ұлттық Банкінің лицензиясы бар ұйым;

2) борышкер - жергiлiктi бюджеттен берiлген кредиттер бойынша берешегi бар заңды тұлға;

3) берешек - жергiлiктi бюджеттен берiлген кредиттер, оларды пайдаланғаны үшiн сыйақылар, өсiмақылар және айыппұлдар бойынша борышкердiң борыш сомасы;

4) кредитор - борышкерге жергiлiктi бюджеттен кредит берген жергiлiктi атқарушы орган;

5) жергiлiктi бюджеттiң кредиттер бойынша дебиторлық берешегiнiң тiзiлiмi - борышкерлердiң жергiлiктi бюджет алдындағы берешегi тiркелетiн құжат;

6) талаптардың тоқтатылуы - өндiрiп алынуы мүмкiн емес (борышкер таратылған жағдайда) борыштар бойынша дебиторлық берешектi есептен шығару;

7) жергiлiктi уәкiлеттi орган - тиiстi әкiмшiлiк-аумақтық бiрлiктiң қаржысын басқаруға әкiм уәкiлеттiк берген, жергiлiктi бюджеттен қаржыландырылатын атқарушы орган.

2. Жергiлiктi бюджеттiң алдындағы мiндеттемелердiң орындалуын

бағалау жөніндегі комиссия

2. Мiндеттемелердiң орындалуын бағалау жөнiнде қорытынды дайындау мақсатында, сондай-ақ олар бойынша талаптарды тоқтату мүмкiндiгiн қарастыру үшiн облыс, Астана және Алматы қалалары, қалалар (аудандық маңызы бар қалалардан басқа), қалалардағы аудандарды қоспағанда, аудан әкімі жанынан тұрақты жұмыс iстейтiн жергiлiктi бюджеттiң алдындағы мiндеттемелердiң орындалуын бағалау жөніндегі комиссия (бұдан әрi Комиссия) құрылады.

ҚР Үкіметінің 29.01.04 ж. № 100 қаулысымен 3-тармақ өзгертілді

3. Комиссияның құрамы облыстардың, Астана және Алматы қалаларының, қалалардың (аудандық маңызы бар қалалардан басқа), қалалардағы аудандарды қоспағанда, аудандардың жергiлiктi атқарушы органдарының шешiмiмен бекітіледi.

Комиссияның құрамына тиiстi жергiлiктi өкiлдi органдардың депутаттары, жергiлiктi атқарушы органдардың өкiлдерi, Қазақстан Республикасы Бас прокуратурасының (келісім бойынша), Ұлттық қауiпсiздiк комитетiнiң (келісім бойынша), Қазақстан Республикасы Экономикалық және сыбайлас жемқорлық қылмысқа қарсы күрес жөніндегі агенттігiнiң (қаржы полициясы), Қазақстан Республикасының Iшкi iстер, Әдiлет, Қаржы министрлiктерiнiң өкiлдерi (аумақтық бөлiмшелерi бар болған ретте бiрiншi басшылары деңгейiнде) кiредi.

4. Комиссияның органдары:

1) Комиссияның төрағасы;

2) Комиссия төрағасының орынбасары;

3) жұмыс органы;

4) хатшы болып табылады.

5. Комиссияның төрағасы оның қызметiн басқарады, Комиссия отырыстарында төрағалық етедi, оның жұмысын жоспарлайды, оның шешiмдерiнiң iске асырылуына жалпы бақылауды жүзеге асырады және Комиссия жүзеге асыратын қызмет үшiн жауап бередi.

Комиссияның төрағасы болмаған уақытта оның функцияларын орынбасары орындайды.

6. Комиссияның хатшысы Комиссия отырысының күн тәртібі бойынша ұсыныстарды, қажеттi құжаттар мен материалдарды дайындайды, Комиссия отырысын өткiзгеннен кейiн хаттамалық шешiмдер мен қорытындыларды ресiмдейдi.

7. Комиссияның шешiмдерi ашық дауыс берумен қабылданады және егер олар үшiн Комиссия мүшелерi дауыстарының жалпы санынан үштен екiсi берiлсе, қабылданған болып саналады.

8. Комиссия мүшелерiнiң нақты мiндеттемелер бойынша ерекше пiкiр айтуға құқығы бар, ол айтылған жағдайда жазбаша түрде баяндалуы және отырыс хаттамасына қоса берiлуi тиiс.

9. Комиссияның жұмыс органының функциялары жергiлiктi уәкiлеттi органға жүктеледi.

Комиссияның жұмыс кестесiн Комиссия белгiлейдi.

3. Жергiліктi бюджеттiң кредиттер бойынша дебиторлық берешегi

талаптарының тiзiлiмi

10. Кредитор жергiлiктi бюджеттiң кредиттер бойынша дебиторлық берешегiнiң тiзiлiмiн жүргiзедi.

Кредитор басқару саласында салааралық үйлестiрудi және мемлекеттік қаржыны бақылауды жүзеге асыратын мемлекеттік органға тоқсан сайын жергiлiктi бюджеттiң дебиторлық берешегiнiң тiзiлiмi бойынша ақпарат беруге мiндеттi.

4. Талаптарды тоқтату жөнiнде шешiмдер қабылдаудың рәсiмi

11. Борышкер таратылғаннан кейiн агент немесе агент болмаған жағдайда Комиссияның жұмыс органы бiр ай мерзiмде Комиссияға таратылған борышкерлердiң берешегiн есептен шығару туралы ұсыныстарды және талаптардың тоқтатылуын жүзеге асыру үшiн қажеттi мынадай құжаттарды:

1) борышкермен жасасқан қайтарымды және ақылы негiзде жергiлiктi бюджеттен қаражат беру (ол болған кезде) туралы кредиттiк шарттардың және оларға қосымша келісімдердiң көшiрмелерiн;

2) борышкерден берешектi өндiрiп алу жөніндегі шаралардың жүзеге асырылғанын растайтын:

кредитордың борышкерге талаптар қойғаны туралы;

берешектi өтеуге кепiлдiк берушiлер (кепiлгер) болып табылатын тұлғаларға, сондай-ақ Қазақстан Республикасының заңнамасында көзделген жағдайларда борышкердiң мiндеттемелерi бойынша субсидиарлық (ортақ) жауапкершiлiк жүктелетiн тұлғаларға және борышкердiң мүлкін заңсыз алған үшiншi тұлғаларға талаптаp қойылғаны туралы;

тиiстi материалдарды құқық қорғау органдарына (құқыққа қарсы әрекеттер анықталған жағдайда) жiбергенi туралы;

өндiрiп алудың сот тәртібімен жүзеге асырылғанын растайтын материалдар және сот шешiмдерi (борышкердi банкрот деп тану туралы, конкурстық өндiрiстiң аяқталуы туралы, қуыну мерзiмiнiң өтуi салдарынан қуыным талаптарынан бас тарту туралы және т.б.);

өндiрiп алуға байланысты өзге де қажеттi құжаттар;

3) борышкердiң таратылғанын растайтын:

заңды тұлғалардың бiрыңғай мемлекеттік тiзiлiмiнен оған борышкердi тарату туралы жазба енгiзiлгенi туралы үзiндiнi жiбередi.

12. Борышкердiң берешегi бойынша талаптарды тоқтату үшiн Комиссияның жұмыс органы осы Ереженiң 11-тармағында көрсетiлген құжаттарды, сондай-ақ жергiлiктi бюджеттiң кредиттер бойынша дебиторлық берешегiнiң тiзiлiмiнен таратылған борышкерлер бойынша үзiндiлердi Комиссия мүшелерiне жiбередi.

13. Комиссияның отырыстары олар бойынша кемiнде жарты жылда бiр рет талаптарды тоқтату ұсынылатын нақты мiндеттемелер бойынша өткiзiледi.

14. Комиссия мынадай:

борышты есептен шығару және жергiлiктi бюджеттен берiлген кредиттер бойынша берешектiң талаптарын тоқтату туралы тиiстi жергiлiктi өкiлдi орган шешiмiнiң жобасын әзiрлеу жөнiнде ұсынымдар берудiң негiздiлiгi туралы;

борышкерлердiң берешегiн өндiрiп алу мақсатында жергiлiктi уәкiлеттi органның немесе агенттiң қабылдауы қажет iс-шараларды көрсете отырып, борышкердiң берешегiн өндiрiп алу жөніндегі қосымша iс-шараларды жүргiзудiң орындылығы туралы шешiмдердi қабылдайды;

Комиссияның шешiмi ұсынымдық сипатта болады.

15. Комиссия отырысы өткiзiлгеннен кейiн он күн мерзiмде отырысқа қатысқан оның мүшелерi қол қоятын хаттама және жергiлiктi өкiлдi орган шешiмiнiң жобасына олар бойынша талаптардың тоқтатылуы мүмкiн борышкерлер бойынша берешек талаптарының тiзбесiн енгізу жөнiнде қорытынды жасалады.

16. Комиссияның хаттамалары және осы Ереженiң 15-тармағында көрсетiлген қорытындылар жергiлiктi өкiлдi орган шешiмiнiң жобасын қалыптастыру үшiн облыстың, Астана және Алматы қалаларының, ауданның (қаланың) бюджет комиссиясына жiберiледi.

17. Борышкерлерге қойылған талаптардың тоқтатылуы жергiлiктi өкiлдi орган шешiмiнiң негiзiнде жергiлiктi бюджеттен берiлген кредиттер, оларды пайдаланғаны үшiн сыйақылар, өсімақылар және айыппұлдар бойынша өтелмеген берешектiң сомасына жүзеге асырылады.