«Бағалау қызметi субъектiлерiнiң зияткерлiк меншiк объектiлерiн бағалау әдiстерiне қойылатын талаптарды қолдануы жөніндегі ереженi бекіту туралы» Қазақстан Республикасы Әділет министрінің 2002 жылғы 2 желтоқсандағы № 184 бұйрығы (2003.30.06. берілген өзгерістермен) (күші жойылды)

Бағалау қызметi субъектiлерiнiң зияткерлiк меншiк объектiлерiн бағалау әдiстерiне қойылатын талаптарды қолдануы жөніндегі ереженi бекіту туралы
Қазақстан Республикасы Әділет министрінің 2002 жылғы 2 желтоқсандағы № 184 бұйрығы

(2003.30.06. берілген өзгерістермен)

ҚР Әділет министрінің 2012 жылғы 1 ақпандағы № 40 Бұйрығымен , ҚР Әділет министрінің 2012 жылғы 3 ақпандағы № 11-06/73 бұйрығымен күші жойлыды

«Қазақстан Республикасындағы бағалау қызметi туралы» Қазақстан Республикасының Заңын iске асыру жөніндегі шаралар туралы» Қазақстан Республикасы Үкіметінiң 2002 жылғы № 572 қаулысын iске асыру мақсатында БҰЙЫРАМЫН:

1. Қоса берiлiп отырған Бағалау қызметi субъектiлерiнiң зияткерлiк меншiк объектiлерiн бағалау әдiстерiне қойылатын талаптарды қолдануы жөніндегі ереже бекітілсiн.

2. Осы Бұйрықтың орындалуын бақылау Қазақстан Республикасы Әдiлет министрлігінiң Зияткерлiк меншiк құқығы жөніндегі комитетiнiң төрайымы Н.Н.Сахиповаға жүктелсiн.

3. Осы Бұйрық мемлекеттік тiркелген күннен бастап қолданысқа eнгізіледі.

Министр Ким Г.В.

«Келісілді»

Қазақстан Республикасы

Ұлттық банкі

Төрағасының орынбасары

2002 жылғы»____»________

Қазақстан Республикасы

Әдiлет министрінің

2002 жылғы 2 желтоқсандағы

№ 184 бұйрығымен бекітілдi

Бағалау қызметi субъектiлерiнiң зияткерлiк меншiк

объектiлерiн бағалау әдiстерiне қойылатын талаптарды

қолдануы жөніндегі ереже

1. Жалпы ережелер

1. Осы Ереже «Қазақстан Республикасындағы бағалау қызметi туралы» Қазақстан Республикасының Заңына сәйкес әзiрлендi.

Осы Ереже осындай бағалаудың қажеттiлiгi Қазақстан Республикасының заңнамасына сәйкес тапсырыс берушi мен бағалаушының арасындағы шартпен айқындалған жағдайда зияткерлiк меншiк объектiлерiн бағалау әдiстерiне (бұдан әрi - бағалау) қойылатын талаптарды белгiлейдi.

2. Осы Ереженiң талаптары бағалау қызметi субъектiлерi қолдану үшiн мiндеттi және Қазақстан Республикасының барлық аумағында қолданылады.

ҚР Әділет министрлігінің 30.06.03 ж. № 125 бұйрығымен 3-тармақ өзгертілді