«Қаржылық есептіліктің нысандарын бекіту туралы» Қазақстан Республикасы Қаржы министрінің 2003 ж. 24 маусымдағы № 241 бұйрығы (күші жойылды)

"Қаржылық есептіліктің нысандарын бекіту туралы" Қазақстан Республикасы
Қаржы министрінің 2003 ж. 24 маусымдағы № 241 бұйрығы

ҚР Қаржы министрінің 2005.22.12. № 427 Бұйрығымен күші жойылды

"Кейбір акционерлік қоғамдар мен республикалық мемлекеттік кәсіпорындардың (ұлттық компаниялардың) қызметін тиімді басқару мен бақылауды ұйымдастыру жөніндегі шаралар туралы" Қазақстан Республикасы Үкіметінің 2001 жылғы 28 ақпандағы № 290 қаулысының 6-тармақшасына сәйкес, сондай-ақ қаржылық есептілікті "Бухгалтерлік есепке алу және қаржылық есеп беру туралы" Қазақстан Республикасының 1995 жылғы 26 желтоқсандағы Заңына сәйкес келтіру мақсатында БҰЙЫРАМЫН:

1. Бұқаралық ақпарат құралдарында жариялау үшін қоса беріліп отырған жылдық (тоқсандық) қаржылық есептіліктің нысандары бекітілсін.

2. "Қаржылық есептіліктің нысандарын бекіту туралы" Қазақстан Республикасы Қаржы министрлігінің 2001 жылғы 18 сәуірдегі № 201 бұйрығының күші жойылды деп танылсын.

3. Мемлекеттік бюджеттің атқарылуын ұйымдастыру департаменті белгіленген тәртіппен осы бұйрықтың Қазақстан Республикасының Әділет министрлігінде мемлекеттік тіркелуін қамтамасыз етсін.

4. Осы бұйрық Қазақстан Республикасының Әділет министрлігінде мемлекеттік тіркелген күнінен бастап күшіне енеді.

1-нысан

Қазақстан Республикасы

Қаржы министрінің

2003 жылғы 24 маусымдағы

№ 241 бұйрығымен

бекітілген

_______________(тоқсан, жыл) үшін БУХГАЛТЕРЛІК БАЛАНС

Ұйымның атауы _____________________________________________________

Ұйым қызметінің түрі ______________________________________________

Ұйымдастыру-құқықтық нысаны _______________________________________

Ұйымның заңды мекен-жайы __________________________________________