Азаматтық әуе кемелерінің техникалық пайдалануын бақылау ережесін бекіту туралы Қазақстан Республикасы Көлік және коммуникациялар министрлігі Азаматтық авиация комитеті төрағасының 2003 ж. 17 шілдедегі № 339 бұйрығы (күші жойылды)

Азаматтық әуе кемелерінің техникалық пайдалануын бақылау ережесін бекітутуралы
Қазақстан Республикасы Көлік және коммуникациялар министрлігі Азаматтық авиация комитеті төрағасының 2003 ж. 17 шілдедегі № 339 бұйрығы

ҚР Көлік және коммуникация министрінің м.а. 2011 жылғы 28 маусымдағы № 403 бұйрығымен 2011 жылғы 1 қыркүйектен бастап күшін жойыды

Қазақстан Республикасының «Азаматтық авиацияны мемлекеттік реттеу туралы» 2001 жылғы 15 желтоқсандағы Заңын орындау мақсатында бұйырамын:

1. Осы Азаматтық әуе кемелерінің техникалық пайдалануын бақылау ережесі бекітілсін.

2. Осы бұйрықтың орындалуын бақылауды өзіме қалдырамын.

3. Осы бұйрық Қазақстан Республикасының Әділет министрлігінде тіркеуден өткен күннен бастап күшіне енеді.

Төраға міндетін атқарушы

Қазақстан Республикасының

Көлік және коммуникациялар

Министрлігінің Азаматтық

авиация комитеті

төрағасының 2003 жылғы

17 шілдедегі № 339

бұйрығымен бекітілген

Азаматтық әуе кемелерінің техникалық пайдаланылуын

бақылау ережесі

Жалпы ережелер

1. Азаматтық әуе кемелерінің техникалық пайдаланылуын бақылау ережесі (бұдан әрі - Ереже) «Азаматтық авиацияны мемлекеттік реттеу туралы» Қазақстан Республикасының 2001 жылғы 15 желтоқсандағы Заңын орындау мақсатында әзірленген және Қазақстан Республикасы аумағындағы азаматтық әуе кемелерін техникалық пайдалану саласындағы бірыңғай тәртіпті ұйымдастыру мен бақылау жүргізуді реттейді.

2. Осы Ережеде келесі ұғымдар қолданылған:

1) азаматтық әуе кемелерінің техникалық пайдаланылуын бақылау, берілген түрдегі авиациялық техникаға қызмет көрсету жөніндегі жұмысты әуе кемелері құрылысының, оның күштік қондырғыларының, жүйелері мен жабдықтарының жұмыс қабілеттігі мен дұрыс жұмыс істеуін қамтамасыз ету есебімен қызмет көрсетілген әуе кемелерінің ұшуды қауіпсіз орындауын кепіл ететін көлемде және сапада орындау авиациялық техникаға техникалық қызмет көрсету және жөндеу жөніндегі ұйымның (бұдан әрі - Ұйым) дайындығын (жарамдығын) растауға арналған шаралар жүйесі;