Стационарды алмастыру медициналық көмегін дамыту туралы Қазақстан Республикасы Денсаулық сақтау министрлігінің 2003 ж. 14 қарашадағы № 840 бұйрығы (ҚР Денсаулық сақтау министрлігінің 2004.29.12. № 899 бұйрығымен енгізілген өзгерістерімен) (күші жойылды)

Стационарды алмастыру медициналық көмегін дамыту туралы
 Қазақстан Республикасы Денсаулық сақтау министрлігінің 2003 ж. 14 қарашадағы № 840 бұйрығы

(ҚР Денсаулық сақтау министрлігінің 2004.29.12. № 899 бұйрығымен енгізілген өзгерістерімен)

ҚР Денсаулық сақтау министрінің м.а. 2009 жылғы 26 қарашадағы № 798 Бұйрығымен күші жойылды

«Денсаулық сақтау жүйесі туралы» Қазақстан Республикасының Заңына сәйкес бұйырамын:

1. Қоса беріліп отырған:

1) стационарды алмастыру бөлімшелері (палаталары) қызметінің ережесі;

2) стационарды алмастыру бөлімшелерінде (палаталарында) көрсетілетін медициналық көмектің бағдарлары мен көлемдері бекітілсін.

2. Облыстық, Астана және Алматы қалалары денсаулық сақтау басқармаларының (департаменттерінің), емдеу-алдын алу жұмыстарын жүзеге асыратын республикалық денсаулық сақтау ұйымдарының басшылары осы бұйрыққа сәйкес денсаулық сақтау ұйымдарында стационарды алмастыру бөлімшелерінің (палаталарының) жұмысын ұйымдастырсын.

3. Осы бұйрықтың орындалуын бақылау Қазақстан Республикасының Денсаулық сақтау вице-министрі С.Ә.Диқанбаеваға жүктелсін.

4. Осы бұйрық Қазақстан Республикасының Әділет министрлігінде мемлекеттік тіркелген күнінен бастап қолданысқа енгізіледі.

Қазақстан Республикасы

Денсаулық сақтау министрінің

2003 жылғы 14 қарашадағы

№ 840 бұйрығымен бекітілген

Стационарды алмастыру бөлімшелері

(палаталары) қызметінің ережесі

1. Стационарды алмастыру бөлімшелері қызметінің ережесі (бұдан әрі - Ереже) «Денсаулық сақтау жүйесі туралы» Қазақстан Республикасының Заңына сәйкес әзірленді.

2. Стационарды алмастыру көмегі - бұл меншік нысаны мен ведомстволық тиістілігіне қарамастан емдеу-алдын алу қызметін жүзеге асыратын денсаулық сақтау ұйымдарының жанындағы стационарлардағы күндізгі қарау бөлімшелерінде (палаталарында), емханалардың күндізгі стационарларында және үйдегі стационарларда (бұдан әрі - стационарды алмастыру бөлімшелері) көрсетілетін медициналық көмек.

ҚР Денсаулық сақтау министрлігінің 2004.29.12. № 899 бұйрығымен 3-тармақ толықтырылды