Шанхай ынтымақтастық ұйымының Аймақтық терроризмге қарсы құрылымы шеңберіндегі құпия ақпаратты қорғауды қамтамасыз ету туралы Келісім (2004 жылғы 17 маусым, Ташкент қаласы )

Шанхай ынтымақтастық ұйымының Өңiрлiк терроризмге қарсы құрылымы шеңберіндегі құпия ақпаратты қорғауды
қамтамасыз ету туралы
келісім
(2004 жылғы 17 маусым, Ташкент қаласы )

2005 ж. 15 желтоқсандағы № 103-III ҚР Заңымен  ратификацияланды

2015 жылғы 19 қарашада күшіне енді

Бұдан әрi Тараптар деп аталатын Қазақстан Республикасы, Қытай Халық Республикасы, Қырғыз Республикасы, Ресей Федерациясы, Тәжiкстан Республикасы, Өзбекстан Республикасы (бұдан әрі - мемлекеттер) және Шанхай ынтымақтастық ұйымы,

Тараптардың ынтымақтастығы барысында құпия ақпаратты қорғауды қамтамасыз етуге ұмтыла отырып,

2001 жылғы 15 маусымдағы Терроризмге, сепаратизмге және экстремизмге қарсы күрес туралы Шанхай конвенциясын және 2002 жылғы 7 маусымдағы Шанхай ынтымақтастық ұйымына мүше мемлекеттер арасындағы Аймақтық терроризмге қарсы құрылым туралы келісімдi назарға ала отырып, төмендегілер туралы келiстi:

1-бап

Осы Келiсімнiң мақсаттары үшiн қолданылатын терминдер мыналарды білдiредi:

1) "мемлекеттік құпия" (мемлекеттік құпиялар) - оларды заңсыз тарату мемлекеттердiң қауiпсiздігі мен мүдделерiне нұқсан келтiруi мүмкiн, мемлекеттер ұлттық заңнамаға сәйкес қорғайтын кез келген нысанда бiлдiрiлетін мәліметтер;

2) "құпия ақпарат" - мемлекеттердiң ұлттық заңнамасына сәйкес, ал Шанхай ынтымақтастық ұйымы Өңiрлiк терроризмге қарсы құрылымында - құпия ақпаратпен жұмыс істеу ережесіне сәйкес мемлекеттік құпия (мемлекеттік құпиялар) ретiнде қорғалатын Тараптардың ынтымақтастығы процесінде алынған (берілген) және (немесе) құрылған (ұйымдасқан) кез келген нысанда бiлдiрiлетiн мәлiметтер;

3) "құпия ақпарат (мемлекеттік құпия (мемлекеттік құпиялар) жеткiзгіштерi" - құпия ақпарат нышандар, үлгілер, белгілер, техникалық шешiмдер және процестер түрiнде өз көрінiсін табатын материалдық объектілер, оның iшiнде физикалық өрiстер;