(БҰРЫНҒЫ РЕДАКЦИЯ) ҚР ҮКІМЕТІНІҢ 08.09.03 Ж. № 910 ҚАУЛЫСЫ

Жердің ерекше қорғалатын табиғи аумақтарға жатқызу және жерді осы

аумақтардың резервiне қалдыру ережесiн бекiту туралы Қазақстан

Республикасы Үкіметінің 2003 ж. 8 қыркүйектегі N 910 қаулысы

Осы редакция ҚР Үкіметінің 2004 жылғы 29 желтоқсандағы N 1417 қаулысымен енгізілген өзгерістеріне дейін қолданылды

"Ерекше қорғалатын табиғи аумақтар туралы" Қазақстан Республикасының 1997 жылғы 15 шiлдедегi Заңына және Қазақстан Республикасының 2003 жылғы 20 маусымдағы Жер кодексiне сәйкес Қазақстан Республикасының Yкiметi қаулы етеді:

1. Қоса берiлiп отырған Жердi ерекше қорғалатын табиғи аумақтарға жатқызу және жердi осы аумақтардың резервiне қалдыру ережесi бекiтiлсiн.

2. "Қазақстан Республикасындағы Ерекше қорғалатын табиғи аумақтардың жерлерiн резервте сақтау, ерекше қорғалатын табиғи аумақтардың мемлекеттiк есебiн және мемлекеттiк кадастрын жүргiзу ережелерiн бекіту туралы" Қазақстан Республикасы Үкiметiнiң 2001 жылғы 18 шiлдедегi N 973 қаулысына (Қазақстан Республикасының ПYКЖ-ы, 2001 ж., N 27, 337-құжат) мынадай өзгерiс енгiзiлсiн:

1-тармақтың екiншi абзацы алынып тасталсын.

3. Осы қаулы қол қойылған күнiнен бастап күшiне енедi.

Қазақстан Республикасының

Қазақстан Республикасы

Үкіметінің

2003 жылғы 8 қыркүйектегі

N 910 қаулысымен

бекiтілген

Жердi ерекше қорғалатын табиғи аумақтарға жатқызу

және жердi осы аумақтардың резервiне қалдыру

ережесi

1. Жердi ерекше қорғалатын табиғи аумақтарға жатқызу, сондай-ақ басқа санаттардың құрамындағы жердi олардың нысаналы мақсатының өзгеруiне байланысты жердi ерекше қорғалатын табиғи аумақтардың санатына ауыстыруды Қазақстан Республикасының Үкiметi және облыстық атқарушы органдар (республикалық маңызы бар қала, астана) Қазақстан Республикасының Жер кодексiнде белгiленген жер учаскелерiн алып қою және беру жөнiндегi өзiнiң құзыретi шегiнде жүргiзедi.

Жердi ерекше қорғалатын табиғи аумақтарға жатқызу мүдделi орталық атқарушы органдардың ұсынымы бойынша мемлекеттiк экологиялық сараптаманың және қоршаған ортаны қорғау саласындағы орталық атқарушы органның табиғи-ғылыми және техникалық-экономикалық негiздемелерiне оң қорытынды болған кезде жүргiзiледi.

2. Облыстық атқарушы органның (республикалық маңызы бар қала, астана) тапсырмасы бойынша және қоршаған ортаны қорғау саласындағы облыстық аумақтық органның (республикалық маңызы бар қала, астана) (бұдан әрi - қоршаған ортаны қорғау жөнiндегi облыстық орган) ұсыныстары негiзiнде тиiстi облыстық (республикалық маңызы бар қала, астана) жер ресурстарын басқару жөнiндегi аумақтық орган (бұдан әрi - облыстық жер ресурстарын басқару жөнiндегi орган) сұралған жердi жергiлiктi маңызы бар ерекше қорғалатын табиғи аумақтарға жатқызу жөнiндегi жерге орналастыру жобасын әзiрлеудi ұйымдастырады және қамтамасыз етедi.

Жердi жергiлiктi маңызы бар ерекше қорғалатын табиғи аумақтарға жатқызу жөнiндегi жерге орналастыру жобасы облыстық қоршаған ортаны қорғау жөнiндегi, ауыл шаруашылығы органдарымен келiсiледi және облыстық жер ресурстарын басқару жөнiндегi орган бекiтедi.

Жердi жергiлiктi маңызы бар ерекше қорғалатын табиғи аумақтарға жатқызу туралы бекiтiлген жерге орналастыру жобасының негiзiнде тиiстi облыстық жер ресурстарын басқару жөнiндегi орган облыстық атқарушы органның осы мәселе бойынша шешiмiнiң жобасын дайындайды.

Жердi жергiлiктi маңызы бар ерекше қорғалатын табиғи аумақтарға жатқызу облыстық атқарушы органның (республикалық маңызы бар қала, астана) шешiмi бойынша жүргiзiледi.

3. Жердi республикалық маңызы бар ерекше қорғалатын табиғи аумақтарға жатқызу үшiн қоршаған ортаны қорғау саласындағы орталық атқарушы органның ұсынымы негiзiнде жер ресурстарын басқару жөнiндегi орталық уәкiлеттi орган тиiстi жерге орналастыру жобасын әзiрлеудi ұйымдастырады.

Жердi республикалық маңызы бар ерекше қорғалатын табиғи аумақтарға жатқызу жөнiндегi жерге орналастыру жобасы қоршаған ортаны қорғау, ауыл шаруашылығы саласындағы орталық атқарушы органдармен келiсiледi және жер ресурстарын басқару жөнiндегi орталық уәкiлеттi орган бекiтедi.

Жердi республикалық маңызы бар ерекше қорғалатын табиғи аумақтарға жатқызу туралы бекiтiлген жерге орналастыру жобасы және облыстық атқарушы органның осы мәселе бойынша шешiмi негiзiнде қоршаған ортаны қорғау саласындағы орталық атқарушы орган жер ресурстарын басқару жөнiндегi орталық уәкiлеттi органмен бiрлесiп Қазақстан Республикасы Үкiметiнiң осы мәселе бойынша шешiмiнiң жобасын дайындайды.

Жердi республикалық маңызы бар ерекше қорғалатын табиғи аумақтардың санатына жатқызу Қазақстан Республикасы Yкiметiнiң шешiмi бойынша жүргiзiледi.

4. Ерекше қорғалатын табиғи аумақтарға жатқызуға арналған жер құрамына енгiзiлген жердi жер учаскелерiнiң меншiк иелерiнен және жер пайдаланушылардан алып қою (сатып алу) жер заңнамасында белгiленген тәртiппен жүргiзiледi.

5. Жердi ерекше қорғалатын табиғи аумақтардың резервiне қалдыру үшiн белгiленген тәртiппен бекiтiлген ерекше қорғалатын табиғи аумақтар желiсiн дамыту және орналастыру бағдарламасы негiз болып табылады.

6. Жердi ерекше қорғалатын табиғи аумақтардың резервiне қалдыру облыс (республикалық маңызы бар қала, астана) әкiмдiгiнiң қаулысы негiзiнде жүзеге асырылады.

7. Жердi ерекше қорғалатын табиғи аумақтардың резервiне қалдыру жөнiндегi ұсыныстарды әзiрлеу үшiн облыс (республикалық маңызы бар қала, астана) әкiмдiгi белгiленген тәртiппен құрамында облыстық (республикалық маңызы бар қала, астана), қалалық және аудандық әкiмдiктердiң, жер ресурстарын басқару жөнiндегi облыстық органның, қоршаған ортаны қорғау жөнiндегi облыстық (қалалық) органның, орман және аңшылық шаруашылығы облыстық аумақтық органының және басқа да мүдделi ұйымдардың өкiлдерi бар арнайы комиссия құрады.

8. Арнайы комиссия жер учаскелерiнiң мүдделi меншiк иелерi мен жер пайдаланушылар өкiлдерiнiң қатысуымен ерекше қорғалатын табиғи аумақтар резервiн қалдыруға арналған жер учаскелерiн орналасқан жерiнде зерттейдi.

9. Ерекше қорғалатын табиғи аумақтар резервiн қалдыруға арналған жердi далалық зерттеудiң нәтижелерi арнайы комиссия мүшелерi мен жер учаскелерiнiң меншiк иелерi мен жер пайдаланушылардың өкiлдерi қол қоятын зерттеу жоспарының (сызба) қосымшасымен бiрге актімен ресiмделедi.

Бұл құжаттарда ерекше қорғалатын табиғи аумақтардың резервiне қалдырылатын жердiң орналасқан жерi, олардың алаңы, жердiң сапалық жағдайы, бұл аумақтарды қорғау және пайдалану режимдерi, оларда ғимараттар мен құрылыстардың болуы және олардың құны туралы барлық мәлiметтер көрсетiледi.

10. Арнайы комиссияның, осы комиссия мүшелерiнiң жалпы санының көпшiлiк дауысымен қабылданған ұсынысы бойынша және ерекше қорғалатын табиғи аумақтардың желiсiн дамыту және орналастыру желiсiнiң бағдарламасына сәйкес облыс (республикалық маңызы бар қала, астана) әкiмдiгi ерекше қорғалатын табиғи аумақтардың жер резервiн қалдыру туралы қаулы шығарады.

11. Жердi ерекше қорғалатын табиғи аумақтардың резервiне қалдыру кезiнде заңнамада белгiленген тәртiппен оларды пайдалануда мемлекеттiк табиғи-қорық қор объектiлерiн сақтауды қамтамасыз ететiн шектеулер көзделедi.

12. Жердi ерекше қорғалатын табиғи аумақтардың резервiне қалдыру жер пайдаланушылардан және жер учаскелерiнiң меншiк иелерiнен жердi алмай-ақ жүргiзiледi.

Ерекше қорғалатын табиғи аумақтар жерiнiң құрамына белгiленген тәртiппен берiлгенге дейiн резервке қалдырылған жердi бұрынғы мемлекеттiк немесе мемлекеттiк емес жер пайдаланушылар мен жер учаскелерiнiң меншiк иелерi Қазақстан Республикасының ерекше қорғалатын табиғи аумақтар туралы заңнамасына сәйкес пайдаланылады.

13. Резервке қалдырылған жер учаскелерiне оларды ерекше қорғалатын табиғи аумақтар жерiнiң құрамына беру кезiнде жер пайдалану құқығын беру ұйымдастырылатын ерекше қорғалатын табиғи аумақтардың санатына және осы учаскелерге енгiзілетiн құқықтық қорғау режимiне қарай (республикалық немесе жергiлiктi маңызы бар) белгіленген тәртiппен Қазақстан Республикасы Үкiметiнiң немесе облыс (республикалық маңызы бар қала, астана) әкiмдiгiнiң қаулыларымен жүргiзiледi.

14. Жердi ерекше қорғалатын табиғи аумақтардың резервiне қалдыру жөнiндегi жерге орналастыру жұмыстары осы ерекше қорғалатын табиғи аумақтардың санатына қарай республикалық және жергiлiктi бюджеттердiң қаражаты есебiнен жүргiзiледi.

15. Ерекше қорғалатын табиғи аумақтардың резервiне қалдырылған жердiң шекараларын белгiлеудi жергiлiктi жерде мүдделi мемлекеттiк органдардың қатысуымен жер ресурстарын басқару жөнiндегi аумақтық орган жүзеге асырады.