Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы Қазақстан Республикасы Президентінің 2004 жылғы 29 қыркүйектегі № 1449 Жарлығы (2014.25.08. берілген өзгерістерімен)

Қазақстан Республикасының мемлекеттік басқару жүйесiн одан әрi жетiлдiру жөнiндегі шаралар туралы
Қазақстан Республикасы Президентінің 2004 жылғы 29 қыркүйектегі № 1449 Жарлығы

(2014.25.08. берілген өзгерістерімен)

Мемлекеттік басқару жүйесiн одан әрi реттеуге және оның тиiмділігiн арттыруға бағытталған әкiмшiлiк реформаны жүргiзу мақсатында Қазақстан Республикасының Конституциясы 44-бабының 3) тармақшасына, «Қазақстан Республикасының Үкіметі туралы» Қазақстан Республикасының 1995 жылғы 18 желтоқсандағы Конституциялық заңы 22-бабының 2-тармағына және 23-бабының 1-тармағына сәйкес қаулы етемін:

1. ҚР Президентінің 2014.25.08. № 898 Жарлығымен алып тасталды (бұр.ред.қара)

2. Таратылатын Қазақстан Республикасы Төтенше жағдайлар жөніндегі агенттiгiнiң және Қазақстан Республикасы Мемлекеттік материалдық резервтер жөніндегі агенттiгiнiң базасында Қазақстан Республикасы Төтенше жағдайлар министрлiгі құрылсын.

3. Мыналар:

1) Қазақстан Республикасы Мәдениет министрлігінiң, Қазақстан Республикасы Ақпарат министрлігінiң және Қазақстан Республикасы Туризм және спорт жөніндегі агенттiгiнiң туризмдi дамыту функциялары Қазақстан Республикасы Индустрия және сауда министрлігіне, ал мемлекеттік жастар саясаты саласындағы функциялары Қазақстан Республикасы Білім және ғылым министрлігіне берiле отырып, Қазақстан Республикасы Мәдениет, ақпарат және спорт министрлігіне қосу жолымен;

2) Қазақстан Республикасы Индустрия және сауда министрлігі оның шағын кәсiпкерлiктi тiкелей қолдау функциялары жергiлiктi атқарушы органдарға берiле отырып, сондай-ақ оған мынадай:

Қазақстан Республикасы Денсаулық сақтау министрлігінiң фармацевтикалық және медициналық өнеркәсiптi реттеу;

Қазақстан Республикасы Ауыл шаруашылығы министрлігінiң ауыл шаруашылығы iрi машина жасау және өнеркәсiп;

Қазақстан Республикасы Білім және ғылым министрлігінiң инновацияларды дамытуды үйлестiру және қолданбалы ғылыми зерттеулер жүргiзу, инновациялық кәсiпкерлiк, қолданбалы ғылыми-техникалық бағдарламаларды қалыптастыру саласындағы функциялары берiле отырып;