«Ұялы байланыс қызметтерін көрсету ережесін бекіту туралы» Қазақстан Республикасы Ақпараттандыру және байланыс агенттігі төрағасының 2009 жылғы 23 қаңтардағы № 33 бұйрығы (2009.02.11. берілген өзгерістер мен толықтырулармен) (күші жойылды)

Ұялы байланыс қызметтерін көрсету ережесін бекіту туралы
Қазақстан Республикасы Ақпараттандыру және байланыс агенттігі төрағасының 2009 жылғы 23 қаңтардағы № 33 бұйрығы

(2009.02.11. берілген өзгерістер мен толықтырулармен)

ҚР Көлік және коммуникация министрінің 2012 жылғы 6 маусымдағы № 313 бұйрығымен күші жойылды

«Байланыс туралы» Қазақстан Республикасы Заңының 8-бабы 1-тармағының 8) тармақшасына сәйкес, БҰЙЫРАМЫН:

1. Қоса беріліп отырған Ұялы байланыс қызметтерін көрсету ережесі бекітілсін.

2. Күшін жойды деп танылсын:

1) Қазақстан Республикасы Ақпараттандыру және байланыс агенттігі төрағасының 2005 жылғы 2 тамыздағы № 264-Ө «Ұялы байланыс қызметтерін көрсету ережесін бекіту туралы» бұйрығы (нормативтік-құқықтық актілерді тіркеу Реестрінде № 3817 тіркелген, 2005 жылғы 11 қарашадағы № 209-210 «Юридическая газета» және «Заң газетінде» жарияланған);

2) Қазақстан Республикасы Ақпараттандыру және байланыс агенттігі төрағасының міндетін атқарушының 2007 жылғы 9 ақпандағы № 63-п «Қазақстан Республикасы Ақпараттандыру және байланыс агенттігі төрағасының 2005 жылғы 2 тамыздағы № 264-Ө «Ұялы байланыс қызметтерін көрсету ережесін бекіту туралы» бұйрығына өзгеріс енгізу туралы» бұйрығы, (нормативтік-құқықтық актілерді тіркеу Реестрінде № 4573 тіркелген, 2007 жылғы наурызда Қазақстан Республикасы Орталық атқарушы және өзге де мемлекеттік органдар актілерінің жинағында жарияланған.

3. Қазақстан Республикасы Ақпараттандыру және байланыс агенттігінің Байланыс департаменті (А.Е. Баймұратов) белгіленген заңнама тәртібінде қамтамасыз етсін:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Әділет министрлігінде мемлекеттік тіркеуден өткізгеннен кейін оның бұқаралық ақпарат құралдарында ресми жариялануын.

3. Осы бұйрықтың орындалуын бақылау Қазақстан Республикасы Ақпараттандыру және байланыс агенттігі төрағасының орынбасары А.Д. Бишіғаевқа жүктелсін.

4. Осы бұйрық ресми жарияланған күнінен бастап қолданысқа енгізіледі.