«Қазақстан Республикасы Үкіметінің кейбір шешімдеріне кәсіпкерлік мәселелері бойынша өзгерістер мен толықтырулар енгізу туралы» Қазақстан Республикасы Үкіметінің 2010 жылғы 13 шілдедегі № 711 Қаулысы

Қазақстан Республикасы Үкіметінің кейбір шешімдеріне кәсіпкерлік мәселелері бойынша өзгерістер мен толықтырулар енгізу туралы
Қазақстан Республикасы Үкіметінің 2010 жылғы 13 шілдедегі № 711 Қаулысы

Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.

2. Осы қаулы қол қойылған күнінен бастап қолданысқа енгізіледі.

Қазақстан Республикасы Үкіметінің

2010 жылғы 13 шілдедегі

№ 711 қаулысымен

бекітілген

Қазақстан Республикасы Үкіметінің кейбір шешімдеріне енгізілетін

өзгерістер мен толықтырулар

1. «Бизнестің жол картасы 2020» бағдарламасын бекіту туралы» Қазақстан Республикасы Үкіметінің 2010 жылғы 13 сәуірдегі № 301 қаулысында:

көрсетілген қаулымен бекітілген «Бизнестің жол картасы 2020» бағдарламасында:

«Бағдарламаның паспорты» деген 1-бөлімде:

«Қаржыландыру көздері мен көлемі» деген жолдағы «2010 жылға» деген сөздер «2010 жылы» деген сөздермен ауыстырылсын;

«Кіріспе» деген 2-бөлім мынадай мазмұндағы бөлікпен толықтырылсын:

«2010 жылы Бағдарламаны іске асыруға бөлінген 30 млрд. теңге шегіндегі қаржыландыру көлемі бойынша Қаржы агентінің қызметтеріне ақы төлеу 366 млн. теңгені құрайды.»;

«Міндеттері» деген 4.3-бөлімде:

«Бірінші бағыт: жаңа бизнес бастамаларды қолдау» деген кіші бөлімде:

Пайыздық ставканы субсидиялау шарттарында:

бесінші бөліктегі «12%-дан» деген сөздер «14%-дан» деген сөздермен ауыстырылсын;

«5» деген сан «7» деген санмен ауыстырылсын;

Банктердің кредиттері бойынша кепілдіктер беру шарттарында:

сегізінші бөліктегі «12» деген сандар «14» деген сандармен ауыстырылсын;

«Екінші бағыт: кәсіпкерлік секторды сауықтыру» деген кіші бөлімде:

үшінші бөлік мынадай редакцияда жазылсын:

«Мыналар:

Бағдарламаға 1-қосымшаға сәйкес экономиканың басым секторларында жұмыс істейтін кәсіпкерлер (Қазақстан Республикасының Индустрия және сауда министрлігі Техникалық реттеу және метрология комитеті төрағасының 2007 жылғы 14 желтоқсандағы № 683-од бұйрығымен бекітілген экономикалық қызмет түрлерінің жалпы жіктеуішіне (бұдан әрі - ЭҚЖЖ) сәйкес);