(БҰРЫНҒЫ РЕДАКЦИЯ) ҚР МӘДЕНИЕТ ЖӘНЕ АҚПАРАТ МИН. 2007.25.05 № 154 БҰЙРЫҒЫ

Мұражайдың сақтау қоймасындағы мұражай жәдігерлері мен мұражай коллекцияларына қол жеткізу ережесін бекіту туралы
Қазақстан Республикасының Мәдениет және ақпарат министрлігінің 2007 жылғы 25 мамырдағы № 154 бұйрығы

(2013.14.08. берілген өзгерістермен)

Осы редакция 2015 жылғы 10 желтоқсанда енгізілген өзгерістеріне дейін қолданылды

ҚР Мәдениет және ақпарат министрінің 2013.14.08. № 190 бұйрығымен кіріспе жаңа редакцияда (бұр.ред.қара)

«Мәдениет туралы» 2006 жылғы 15 желтоқсандағы Қазақстан Республикасының Заңының 25-бабы 5-тармағына сәйкес БҰЙЫРАМЫН:

1. Қоса беріліп отырған Мұражайдың сақтау қоймасындағы мұражай жәдігерлері мен мұражай коллекцияларына қол жеткізу ережесі бекітілсін.

2. Тарихи-мәдени мұра департаменті белгіленген тәртіппен:

1) осы бұйрықты Қазақстан Республикасының Әділет министрлігіне мемлекеттік тіркеуге жіберсін;

2) осы бұйрықты мемлекеттік тіркеуден өткеннен кейін оны ресми жариялауды қамтамасыз етсін.

3. Осы бұйрықтың орындалуын бақылауды өзіме қалдырамын.

4. Осы бұйрық оның ресми жарияланған күнінен бастап қолданысқа енгізіледі.

Министрдің

міндетін атқарушы

Қазақстан Республикасы

Мәдениет және ақпарат министрінің

міндетін атқарушының

2007 жылғы 25 мамырындағы

№ 154 бұйрығымен бекітілген

Мұражайдың сақтау қоймасындағы мұражай жәдігерлері мен мұражай коллекцияларына қол жеткізу

ережесі

ҚР Мәдениет және ақпарат министрінің 2013.14.08. № 190 бұйрығымен 1-тармақ жаңа редакцияда (бұр.ред.қара)

1. Осы мұражайдың сақтау қоймасындағы мұражай жәдігерлері мен мұражай коллекцияларына қол жеткізу ереже «Мәдениет туралы» 2006 жылғы 15 желтоқсандағы Қазақстан Республикасының Заңының 25-бабына сәйкес әзірленген және мұражайдың қор сақтамасындығы мұражай жәдігерлері мен мұражай коллекцияларына қол жеткізу тәртібін белгілейді (әрі қарай - Ереже).

2. Мұражайдың сақтау қоймасын ашу, жабу және бекітуді қор сақтаушы жүргізеді.