«Мемлекеттік орман күзеті туралы ережені бекіту туралы» Қазақстан Республикасы Ауыл шаруашылығы министрінің 2015 жылғы 12 мамырдағы № 18-1/429 бұйрығы (2017.30.01. берілген өзгерістермен)

Мемлекеттік орман күзеті туралы ережені бекіту туралы
Қазақстан Республикасы Ауыл шаруашылығы министрінің 2015 жылғы 12 мамырдағы № 18-1/429 бұйрығы

(2017.30.01. берілген өзгерістермен)

Қазақстан Республикасының 2003 жылғы 8 шілдедегі Орман кодексінің 13-бабы 1-тармағының 18-38) тармақшасына сәйкес БҰЙЫРАМЫН:

1. Қоса беріліп отырған Мемлекеттік орман күзеті туралы ереже бекітілсін.

2. Қазақстан Республикасы Ауыл шаруашылығы министрлігінің Орман шаруашылығы және жануарлар дүниесі комитеті заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның мерзімді баспа басылымдарында және «Әділет» ақпараттық-құқықтық жүйесінде ресми жариялануға жіберілуін;

3) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

3. Осы бұйрық ол алғаш ресми жарияланған күнінен кейін күнтізбелік жиырма бір күн өткен соң қолданысқа енгізіледі.

ҚР Ауыл шаруашылығы министрінің 2015.26.10. № 18-03/947 бұйрығымен ережедегі барлық абзацтарда:

«бас орман күтушілер» деген сөздер «бас орманшылар» болып, «бас орман күтіушілердің орынбасары» деген сөздер «бас орманшылардың орынбасарлары» болып, «бас орман күтушісі» деген сөздер «бас орманшы» болып, «бас орман күтушінің орынбасары» деген сөздер «бас орманшының орынбасары» болып, «орман күтушісі» деген сөздер «орманшы» болып, «орман күтушінің көмекшісі» деген сөздер «орманшының көмекшісі» болып, «орманшылар» деген сөздер «орман күтушілері» болып жазылды (бұр.ред.қара)

Қазақстан Республикасы

Ауыл шаруашылығы министрінің

2015 жылғы 12 мамырдағы

№ 18-1/429 бұйрығымен

бекітілген

Мемлекеттік орман күзеті туралы

ереже


1. Жалпы ережелер

1. Мемлекеттік орман күзеті ормандарды күзету, қорғау, молықтыру және орман пайдалану мәселелерімен айналысатын орман шаруашылығы мемлекеттік мекемелері мен мемлекеттік табиғат қорғау мекемелерінің қызметкерлерінен тұрады.