|
Сауда рыноктарының қызметін ұйымдастыру ережесін бекіту туралы (2011.31.10. берілген өзгерістер мен толықтырулармен)
Осы редакция 2016 жылғы 25 ақпанда енгізілген өзгерістеріне дейін қолданылды
ҚР Үкіметінің 15.10.04 ж. № 1058 қаулысымен кіріспе толықтырылды «Сауда қызметiн реттеу туралы» Қазақстан Республикасының 2004 жылғы 12 сәуірдегі Заңын және «Аса маңызды азық-түлiк тауарларына бағаларды тұрақтандыру жөніндегі шаралар туралы» Қазақстан Республикасы Yкіметінiң 2001 жылғы 12 желтоқсандағы № 1623 қаулысының 4-тармағын орындау үшiн Қазақстан Республикасының Yкіметі қаулы етеді: 1. Қосымшаға сәйкес Сауда рыноктарының қызметiн ұйымдастыру ережесi (бұдан әрi - Ереже) бекітілсiн. 2. Облыстардың және Астана мен Алматы қалаларының әкiмдерi 2003 жылдың 1 желтоқсанына дейiн жұмыс iстеп тұрған сауда рыноктарының қызметiн жоғарыда аталған Ережеге сәйкес келтiрсiн. 3. Осы қаулы жарияланған күнінен бастап күшiне енедi.
Қазақстан Республикасының
Қазақстан Республикасы Yкіметінің 2003 жылғы 5 ақпандағы № 131 қаулысымен бекітілген
Сауда рыноктарының қызметiн ұйымдастыру ережесi
1. Жалпы ережелер. Ұғымдар мен терминдер
ҚР Үкіметінің 15.10.04 ж. № 1058 қаулысымен (бұр. ред. қара); 2010.18.08. № 822 Қаулысымен (2010 жылғы 18 тамыздан бастап қолданысқа енгізілді) (бұр. ред. қара) 1-тармақ өзгертілді 1. Сауда рыноктарының қызметiн ұйымдастырудың осы ережесi (бұдан әрі - Ереже) Қазақстан Республикасының аумағында орналасқан сауда рыноктарының қызметiн ұйымдастыру тәртібiн айқындайды және «Сауда қызметiн реттеу туралы» Қазақстан Республикасының 2004 жылғы 12 сәуірдегі Заңын iске асыру мақсатында, «Аса маңызды азық-түлік тауарларына бағаларды тұрақтандыру жөніндегі шаралар туралы» Қазақстан Республикасы Yкіметiнің 2001 жылғы 12 желтоқсандағы № 1623 қаулысының 4-тармағына, «Тұтынушылардың құқықтарын қорғау туралы» Қазақстан Республикасының 2010 жылғы 4 мамырдағы Заңына, Қазақстан Республикасының «Стандарттау туралы» 1999 жылғы 16 шiлдедегi № 433-І, «Өлшем бiрлiгiн қамтамасыз ету туралы» 2000 жылғы 7 маусымдағы № 53, «Сертификаттау туралы» 1999 жылғы 16 шiлдедегi № 434-І, «Халық санитарлық-эпидемиологиялық саулығы туралы» 2002 жылғы 4 желтоқсандағы Заңдарына, «Өнiм мен тауарлар сатуға және пайдалануға жарамсыз деп танылған жағдайда оларды жою немесе одан әрі қайта өңдеу тәртібін бекіту туралы» Қазақстан Республикасы Үкіметінің 1995 жылғы 29 желтоқсандағы № 1891 қаулысына, «Азық-түлік рыноктарын орнықтыруға, ұстауға және пайдалануға қойылатын санитарлық-гигиеналық талаптар» туралы 2002 жылғы 4 қыркүйектегi № 4.01.063.02. санитарлық ережелер мен нормаларға (бұдан әрі - СанЕмН) сәйкес әзiрленген. Осы Ереже сауда рыногының барлық субъектiлерiне (рынок әкiмшiлiгіне, сатушыларға, рыноктың басқа қызметкерлерiне) қолданылады. ҚР Үкіметінің 15.10.04 ж. № 1058 қаулысымен 2-тармақ өзгертілді (бұр. ред. қара); ҚР Үкіметінің 2011.31.10. № 1245 Қаулысымен 2-тармақ жаңа редакцияда (бұр.ред.қара) 2. Осы Ережеде мынадай терминдер қолданылады: 1) сауда базары - аумақта шаруашылық қызметін көрсету, басқару және күзет функциялары орталықтандырылған, тұрақты негізде жұмыс істейтін, маңындағы аумақтан бөлектенген, сауда қызметіне арналған және өз аумағының шекарасы шегінде автокөлік құралдарының тұрағы үшін алаңмен қамтамасыз етілген оқшауланған мүліктік кешен; 2) жабық базар - тұрақты инженерлік коммуникациясы бар, жерге іргетаспен берік байланыстырылған күрделі ғимарат. Жабық базардағы сауда орындары мен өздеріндегі тұрақты үлгідегі бөлімдермен (олардағы тауарларды алдын ала сатуға дайындауды жүзеге асыратын) байланысы жоқ. Әдетте, сатушылардың күнделікті ауысымына рұқсат беріледі, жабық базардың сауда орындарындағы тауарлық запас бір жұмыс күнімен шектеледі; 3) көтерме базар - бұл әрі қарай өткізу немесе өндірісте пайдалану мақсатында тауарларды партиялармен (үлкен санымен) сатып алу-сатуды жүзеге асыратын базар; 4) бөлшек сауда - бұл қызмет көрсетуді және тұтынушылардың тікелей өздеріне, тұрмыстық және отбасылық пайдалануына арналған тұтыну мақсатындағы тауарларды даналап немесе бірнеше сандық мөлшерде сатып алу-сатуды жүзеге асыратын базар; 5) сауда объектісі - арнайы құрал-жабдықпен жарақталған, тауарлар сату кезінде тауарларды қоюға, көрсетуге, сатып алушыларға қызмет етуге және сатып алушылармен ақшалай есеп айырысуға арналған және пайдаланылатын үй немесе үйдің бір бөлігі, құрылыс немесе құрылыстың бір бөлігі, ғимарат немесе ғимараттың бір бөлігі, автоматтандырылған құрылғы немесе көлік құралы; 6) сауда қызметі - тауарларды сатып алу-сатуды жүзеге асыруға бағытталған жеке және заңды тұлғалардың кәсіпкерлік қызметі; 7) тауар - айналымнан алынбаған, сатуға немесе айырбастауға арналған кез келген еңбек өнімі; 8) дүкен - сауда, қосалқы, әкімшілік-тұрмыстық үй-жайлармен, сондай-ақ тауарларды қабылдауға, сақтауға және сатуға дайындауға арналған үй-жайлармен қамтамасыз етілген, тұрақты жұмыс істейтін күрделі құрылыс немесе оның бір бөлігі; 9) дүңгіршек - сауда залы жоқ, арнайы бөлінген жер учаскесіне орнатылған сауда жабдықтарымен жарақталған күрделі емес тасымалды құрылыс; 10) шатыр - құрастырмалы-жинамалы конструкциядан жасалған, сауда жабдықтарымен жарақталған және арнайы бөлінген орынға орналастырылатын жеңіл құрылатын құрылыс; 11) сауда шағын базары (бұдан әрі - шағын базар) - бұл сауда орындарының саны 25-тен аспайтын, тауарларды зауыттық орамда (ыдыста) даналап, сондай-ақ азық-түлік тауарлары үшін арнайы сақтау жағдайларын талап етпейтін тауарларды сатуға арналған базар; 12) базардағы сауда орны - сатушының (сатушылардың) тауарларды, сауда мүкаммалын орналастыру және сатуға арналған тауарлар қорын сақтау үшін сөрелермен жабдықталған жұмыс аймағы. Сауда орны өткізілетін тауарлардың ассортименті есепке алына отырып, қажетті санитарлық-техникалық жағдайларға сәйкес болуы тиіс; 13) сауда қызметінің субъектісі - бұл сауда қызметін Қазақстан Республикасының заңнамасында белгіленген тәртіппен жүзеге асыратын жеке немесе заңды тұлға; 14) базар әкімшілігі - базар қызметін тікелей басқару үшін базардың меншік иесі (иегері) құрған басқару аппараты; 15) базардың меншік иесі (иегері) - бұл Қазақстан Республикасының заңнамасына сәйкес әрекет ететін, сауда қызметін жүзеге асыру үшін сауда орындарын беру және басқа да қызмет түрлерін көрсету мақсатында базардың мүліктерін иелену, пайдалану, билік ету құқығы бар заңды және/немесе жеке тұлға; 16) сатушы - Қазақстан Республикасының қолданыстағы заңнамасына сәйкес дербес құқық субъектісі болып табылатын, өзінің сауда қызметін жүзеге асыру үшін, базар қызметтерін пайдаланушы заңды және/немесе жеке тұлға; 17) сауда мүкаммалы - сауда қызметін жүзеге асыруға арналған заттар; 18) автодүкен - сауда жабдықтарымен жарақталған мамандандырылған автокөлік құралы; 19) жылжымалы сөре - арнайы бөлінген орынға орналастырылатын жеңіл құрылатын тасымалды немесе жылжымалы сауда орны; 20) көтерме сауда - кейіннен сатуға немесе жеке, отбасылық, үй-ішілік және осыған ұқсас өзге де пайдалануға байланысты емес өзге де мақсаттарға арналған тауарларды сату жөніндегі кәсіпкерлік қызмет; 21) бөлшек сауда - кәсіпкерлік қызметпен байланысты емес, сатып алушыға жеке, отбасылық, үй ішінде немесе өзгедей пайдалануға арналған тауарларды сату жөніндегі кәсіпкерлік қызмет; 22) сауда автоматы - тауарларды сатуға арналған автоматтандырылған құрылғы; 23) коммуналды базар - жергілікті атқарушы органдар шешімімен құрылатын, тұтынушылардың тікелей өздеріне, тұрмыстық және отбасылық пайдалануына арналған азық-түлік тауарларын сатып алу-сатуды жүзеге асыратын сауда базары. 3. Рыноктағы сауданы және қызмет көрсетудi арнайы жабдықталған сауда қатарлары мен орындары, сондай-ақ рынок аумағында орналасқан дүкендер, дүңгiршiктер, шатырлар желісі арқылы көтерме және бөлшек сауда түрiнде заңды және/немесе жеке тұлғалар жүзеге асырады. 4. Сауда рыноктарын жобалау, салу, қайта жаңарту өз құзыретi шегiнде белгiленген тәртiппен тиiстi органдармен келісілген жобалар бойынша қолданыстағы нормативтiк кесiмдерде көзделген талаптарға сәйкес жүргiзiледi. Белгiленген тәртiппен iске қосу (қабылдау) кесiмi ресiмделгенге дейiн рынокты пайдалануға тыйым салынады. 5. Тауарлық-салалық белгiсi бойынша рынок аумағын мамандандыруды және аймақтандыруды, сондай-ақ рынокта жүзеге асырылатын мәмілелердiң көлемi мен сипатына байланысты рыноктың үлгiсiн қолданыстағы нормативтерге сәйкес рынок әкiмшiлiгi айқындайды. ҚР Үкіметінің 15.10.04 ж. № 1058 қаулысымен 6-тармақ өзгертілді (бұр. ред. қара) 6. Рыноктар былайша жiктеледi: тауарлық мамандануы бойынша: 1) азық-түлiк тауарларын өткізу бойынша - азық-түлiктiк; 2) өнеркәсiп тауарларын, тұрмыстық техниканы және тағы басқаларды өткізу бойынша - азық-түлiктiк емес; 3) тауарлардың жекелеген топтарын (автомобиль, мал және т.с.с.) өткізу бойынша - мамандандырылған; 4) мамандандырылған сауда аймақтарында азық-түлiктiк және азық-түлiктiк емес тауарларды өткізу бойынша - әмбебап; мәмiлелердiң көлемi мен оларды жүзеге асыру тәсiлдерi бойынша: бөлшек; көтерме; түрлерi бойынша: жабық; шағын рынок; аралас. санаттары бойынша: I санат; II санат; III санат. Рыноктардың санаттарын осы Ережеге 1-қосымшаның талаптарына сәйкес сауда саласындағы жергiлiктi атқарушы органдар бередi. 7. Рыноктардың жұмыс режимiн рыноктар әкiмшілiгi белгілейдi. 2. Рынок аумақтарын ұстауға жабдықтауға және жарақтандыруға қойылатын талаптар 8. Рынокты ұйымдастыру кезiнде Қазақстан Республикасының қолданыстағы заңнамасына сәйкес СанЕмН, өртке қарсы ережелер, сәулет, құрылыс, ветеринарлық, экологиялық және басқа да талаптар міндетті түрде сақталуы тиiс. 9. Рынок аумағында орналасқан құрылыстар, сондай-ақ тиiстi бейіндегі (үлгілiк) объектiлер үшiн белгiленген қауiпсiздiк техникасы ережелерiне, ветеринарлық, санитарлық, өртке қарсы және басқа да талаптарға жауап беруi тиiс. 10. Рынок аумағындағы ғимараттар мен жабдықтардың орналасуы тұтынушылардың сауда орындарына еркiн келуiн, өрт қауiпсiздiгi талаптарының сақталуын және апатты жағдайда немесе төтенше жағдайларда адамдар мен материалдық құндылықтарды шұғыл көшiру мүмкiндiгiн қамтамасыз етуге тиiс. 11. Рыноктың санитарлық жай-күйi Мемсанэпидқадағалау органдары мен мекемелерi белгiлеген талаптарға сәйкес болуы тиiс. 12. Рынок аумағының көрнекі орындарына мынадай барлық қажеттi объектiлер: сауда қатарлары, анықтама бюросы, зертханалар, санитарлық желiлер, бақылау таразылары, құқықтық тәртiптi қорғау органдарының бөлмелерi және тағы басқалары көрсетіле отырып, «Рынок жоспары» орналасады. Рынок аумағы сауда қатарларына (көкөнiс, жемiс-жидек, ет, сүт, тұрмыстық тауарлар, киім, аяқ киім және т.б.), тамақтану орындарына, бақылау таразыларына, автобус аялдамаларына, шығуға бағытталған сiлтемелермен және т.б. жарақтандырылады. Әрбiр азық-түліктік сауда залында өлшеудi бақылау құралдары орнатылады. Өлшеу құралдары Қазақстан Республикасының қолданыстағы заңнамасында белгiленген тәртiппен тексерiлуге тиiс. ҚР Үкіметінің 15.10.04 ж. № 1058 қаулысымен 13-тармақ өзгертілді (бұр. ред. қара) 13. Рынок қажеттi сауда мұқаммалымен, жабдықтармен оның iшiнде «Өлшем бiрлiктерiн қамтамасыз ету туралы» Қазақстан Республикасы Заңының талаптарына сәйкес қолдануға рұқсат берiлген өлшем құралдарымен жарақтандырылады. Рынок аумағындағы қоғамдық тамақтандыру, сауда, халыққа тұрмыстық қызметтер көрсету объектiлерiн және басқа да қызметтердi орналастыру мен жабдықтау Мемсанэпидқадағалау және өрттен қорғау органдары мен мекемелерінің рұқсатымен әрі олардың келісімi бойынша жүргiзiледi. 14. Азық-түлiктiк емес сауда залдарында заттарды (киім, аяқ киім) сату кезiнде, оларды өлшеп, киiп көру үшiн жағдай, ал тексеруi талап ететiн күрделi-техникалық және басқа да тауарлар үшiн - оны өткізуге арналған жағдай жасалуға тиiс. 15. Рынок аумағындағы сумен жабдықтау және кәріз СанЕмН талаптарына жауап беруге тиiс. 16. Рынокта кәрiз болмаған жағдайда шаруашылық және сарқынды суды аластату және ағызу тәртібі Мемсанэпидқадағалау органдарының келісімi бойынша белгiленедi. 17. Рынокта ауыл шаруашылығы тауарларын сақтау және өткізу СанЕмН талаптарына сәйкес жүзеге асырылады. 18. Ауыл шаруашылығы өнiмдерiнiң саудасы СанЕмН-ға сәйкес тамақ өнiмдерiмен жанасу үшiн Мемсанэпидқадағалау органдары мен мекемелерi рұқсат берген материалдардан дайындалған ыдыстардан тауарлық көршiлiк қағидаттарын сақтау, өнiмдердiң тікелей жермен жанасуынан сақтау жолымен жүзеге асырылады. 3. Рынок әкімшiлiгінiң жұмыстарын ұйымдастыру ҚР Үкіметінің 2010.18.08. № 822 Қаулысымен 19-тармақ өзгертілді (2010 жылғы 18 тамыздан бастап қолданысқа енгізілді) (бұр. ред. қара) 19. Рынок әкiмшiлігі: 1) Қазақстан Республикасының сауда қызметiн реттейтiн қолданыстағы заңнамасына, осы Ережеге және рынок субъектiлерiнiң өзара қатынастарының iшкі тәртібін айқындайтын рынок регламентiне сәйкес рыноктың қалыпты жұмыс iстеуiне және оның жұмысын ұйымдастыруға арналған қажеттi жағдайларды қамтамасыз етедi; 2) рыноктың мiндеттi түрде мыналар көрсетiлетiн регламентiн әзiрлейдi: жұмыс режимi және рынокқа сатушылардың, сатып алушылардың және рыноктың басқа да қызметкерлерінің келу тәртібi; қосымша қызмет түрлерiнiң тiзбесi; сатушыларға сауда орындарын берудiң тәртібі, олардың сипаттамасы, шарттары және жалға алу құны. Рынокта сатушыларға сауда орындарын беру Қазақстан Республикасының қолданыстағы заңнамасына сәйкес шарттық негiзде жүзеге асырылады; 3) рынок аумағын уақытылы тазалауды және көркейтудi қамтамасыз етедi; 4) Мемсанэпидқадағалау органымен және мекемелерiмен келісілген кестеге сәйкес рынокта санитарлық күн өткiзедi; 5) рыноктың мамандануына қарай энергиямен, сумен жылумен жабдықтау бөлiгiнде рынок аумағындағы сауда объектiлерi мен орындарына сервистік қызмет көрсетуi, сондай-ақ пайдалану шарттарына және оларға белгiленген талаптарға және СанЕмН-ге сәйкес сауда мұқаммалының және бақылау таразыларының болуын қамтамасыз етедi; 6) қоғамдық тәртiптi, өртке қарсы қауiпсiздiктi қорғау, қарауылдық күзетті ұйымдастыру және рынокты көрiктендiру жөніндегі iс-шараларды өткізу бойынша шаралар қабылдайды; 7) қолданыстағы заңнамаға сәйкес, осы Ережеге, құрылыс нормалары мен ережелерiне, СанЕмН-ге, өрт қауiпсiздiгi ережелерiне, экологиялық және басқа да талаптарға сәйкес рынок жұмысын ұйымдастырады; 8) рынок аумағы кiреберiсiне рыноктың үлгiсi, мамандануы, атауы, жұмыс режимi көрсетiле отырып маңдайша (мемлекеттік және орыс тілдерiнде) орнатады; 9) келуге болатын көрнекi жерлерге мыналарды: мамандану бойынша сауда аймақтарының сілтемелерiн; сатушылар мен келушілердiң назарына мынадай ақпараттар: рыноктағы бiр жолғы талондардың құны; рынокта сауда орындарын берудiң және қызмет көрсетудiң тәртібi мен шарттары; бақылау таразыларының, пiкiрлер мен ұсыныстар кітабының тұрған орны; рынок жұмысына қатысты мәселелер туындаған жағдайда, өтiнiш жасауға қажет рынок әкiмшiлігі, Мемсанэпидқадағалаудың аумақтық органдары мен мекемелерi, ветеринария және өсiмдiктер карантинi жөніндегі органдар, iшкi iстер бөлiмi телефондарының нөмiрлерi; санитарлық-ветеринариялық сараптама жүргiзу үшiн азық-түлік тауарларынан алынатын iрiктеу нормалары (мұндай ақпараттың ет және жемiс-көкөнiс павильондарында орналасуы мiндеттi); рынокта жеңілдiктерi бар тұлғалардың тiзбесi көрсетiлетiн ақпараттық стенд орнатады. ҚР Үкіметінің 15.10.04 ж. № 1058 қаулысымен 10) тармақша толықтырылды 10) мынадай нормативтiк құқықтық кесiмдерi болуы тиiс: «Тұтынушылардың құқықтарын қорғау туралы» Қазақстан Республикасының Заңы; Қазақстан Республикасының»Сауда қызметiн реттеу туралы«, «Стандарттау туралы»,»Өлшемдер бiрлігін қамтамасыз ету туралы», «Халықтың санитарлық-эпидемиологиялық саулығы туралы» Заңдары; «Өткізуге және пайдалануға жарамсыз деп танылған жағдайда өнімдер мен тауарларды жою немесе оларды одан әрi қайта өңдеу жөніндегі тәртiптi бекіту туралы» Қазақстан Республикасы Үкіметінiң 1995 жылғы 29 желтоқсандағы № 1891 қаулысы; Сауда рыноктары қызметiн ұйымдастырудың осы ережесi және СанЕмН. Қажеттілiк туындаған жағдайда аталған нормативтiк құқықтық кесiмдер сауда рыногының барлық субъектiлерiне танысу үшiн ұсынылады. 11) Қазақстан Республикасының заңнамасында көзделген жағдайларды қоспағанда, рынок көрсететін қызметтер ақысының ставкасын (сауда орындары мен үй-жайларды жалға алу, сондай-ақ басқа да қосымша қызмет көрсетулер) дербес белгiлейдi; 12) Қазақстан Республикасының заңнамасына сәйкес рынок аумағында сауда немесе өндiрiстiк қызмет жүргiзу құқығына заңды және/немесе жеке тұлғалармен сауда орнын жалға алу шарттарын жасасады (жария немесе жазбаша түрде); 13) рынок көрсететiн қызметтер бойынша азаматтардың жекелеген санаттарына жеңілдiктер беру туралы дербес шешiм қабылдайды. Бұл ретте жеңілдiктер беру туралы хабарландыру мен тиiстi жеңiлдiктерi бар тұлғалардың тiзбесi жалпыға қол жетiмдi орындарда орналастырылады; 14) шарттық негізде құқықтық тәртіпті қopғау, Мемсанэпидқадағалау ветеринариялық қадағалау және өрттен қорғау органдарына тұрақты пункттердi орналастыру үшiн қызметтiк үй-жайлар береді; 15) рынок сатушылары мен басқа да қызметкерлерi үшiн ақылы қызметтер ұсынады (тоңазытқыштарда, қоймаларда және басқа да қойма үй-жайларында тауарларды, өнiмдердi, сондай-ақ сатушылардың жеке заттарын сақтау; ет шабу; жүктi сауда орындарына тасу; тауар таразыларында өнiм өлшеу; автотұрақтарды пайдалану; радио арқылы хабарландырулар және басқалар); 16) белгiленген тәртіппен сауда орнының мөлшерiн айқындайды. 20. Рынок иесiнiң/әкiмшiлiгiнiң бюджетпен есеп айырысу тәртібі Қазақстан Республикасының салық заңнамасына сәйкес айқындалады. 21. Рыноктың қызметкерлерi, сондай-ақ техникалық қызметшiлерi сауда рыногы аумағында шаруашылық қызметтi санитарлық киімде жүзеге асыруға, санитарлық-гигиеналық талаптарды сақтауға, сондай-ақ белгіленген тәртіппен профилактикалық медициналық тексеруден өтуге мiндетті. Медициналық тексеруден өткізу тәртібі денсаулық сақтау iстерi жөніндегі уәкiлеттi органның қолданыстағы бұйрығына сәйкес белгiленеді. ҚР Үкіметінің 2011.31.10. № 1245 Қаулысымен 21-1-тармақпен толықтырылды 21-1. Жергілікті атқарушы органдармен келісім бойынша коммуналды базардың әкімшілігімен апта сайынғы негізде коммуналды базарда сатылатын азық-түлік тауарларына ұсынылатын бөлшек бағалар белгіленеді. ҚР Үкіметінің 2011.31.10. № 1245 Қаулысымен 21-2-тармақпен толықтырылды 21-2. Жергілікті атқарушы органдармен келісім бойынша коммуналды базардың әкімшілігімен жыл сайынғы негізде тоқсанына бір реттен кем емес түзету мүмкіндігімен көрсетілетін қызметтердің барлық түрлері бойынша (сауда алаңдарын жалға беру, тауарларды сақтау, қаттап тастау, сұрыптау және буып-түю, сонымен қатар жүк және жеңіл машиналардың кіруі және тұрақта болуы) тіркелген тарифтер белгіленеді. 4. ҚР Үкіметінің 15.10.04 ж. № 1058 қаулысымен алынып тасталды (бұр. ред. қара) 5. Рыноктардың жұмысын бақылау ҚР Үкіметінің 15.10.04 ж. № 1058 қаулысымен 24-тармақ өзгертілді (бұр. ред. қара) 24. Осы Ереже талаптарының сақталуын бақылауды Қазақстан Республикасының заңнамалық кесiмдерiнде белгіленген тәртiппен уәкiлетті мемлекеттік органдар жүзеге асырады. ҚР Үкіметінің 15.10.04 ж. № 1058 қаулысымен 24-1-тармақпен толықтырылды 24-1. Рыноктың басшысы уәкiлетті органдардың лауазымды тұлғаларына тексерiс жүргізуде жәрдем көрсетедi және осындай тексерiстiң барысында айқындалған кемшiлiктер мен бұзушылықтарды жою жөнiндегі шараларды қабылдайды. ҚР Үкіметінің 15.10.04 ж. № 1058 қаулысымен 24-2-тармақпен толықтырылды 24-2. Жүзеге асырылған тексерiс нәтижелерi бойынша Қазақстан Республикасы заңнамасының бұзылуы анықталған кезде бақылаушы органдар Қазақстан Республикасының заңнамасында көзделген шараларды қолданады. ҚР Үкіметінің 15.10.04 ж. № 1058 қаулысымен 24-3-тармақпен толықтырылды 24-3. Меншiк иесi және/немесе басшы, рынок қызметкерлерi осы Ереженi бұзғаны үшiн Қазақстан Республикасының заңнамалық кесiмдерiне сәйкес жауап бередi. ҚР Үкіметінің 15.10.04 ж. № 1058 қаулысымен 24-4-тармақпен толықтырылды 24-4. Рынокта жүргiзiлген тексеру нәтижелерi тиiстi актiмен ресiмделедi және белгiленген нысанға сәйкес бақылау журналында тiркеледi (осы Ережеге 2-қосымша). 6. Сатушылардың жұмысын және сауда процесiн ұйымдастыру 25. Сауда рыногының аумағында кәсiпкерлiк қызметтi жүзеге асыратын сатушы санитарлық киіммен жұмыс iстеуге, санитарлық-гигиеналық талаптарды сақтауға, сондай-ақ белгiленген тәртіппен профилактикалық медициналық тексеруден өтуге мiндетті. Медициналық тексеруден өткізу тәртібі денсаулық сақтау iстерi жөніндегі уәкiлеттi органның қолданыстағы бұйрығына сәйкес белгiленедi. 26. Сатушы мынадай жағдайларда: өнiмдердiң сапасы мен қауiпсiздiгiн куәландыратын құжаттарсыз және/немесе тұтынушылардың өмiрi немесе денсаулығы үшiн қауiпсiздiк талаптарына жауап бермейтiн тауарларды (оның iшiнде Қазақстан Республикасының аумағына одан тысқары жерлерден әкелiнген) сатса, сондай-ақ тауарлардың қауiпсiздiк талаптарына сәйкестiгiн куәландыратын ресми құжатты заңсыз пайдаланса; сатылатын тауардың сапасына қатысты сатып алушыларды алдаса; тұтынушыны кем өлшеу арқылы алдаса; СанЕмН-дi бұзып тауарлар сатса Қазақстан Республикасының заңнамасында көзделген жауапкершiлiкте болады. 27. Сатушылардың тауарлар сатуы кезiнде: 1) рыноктағы сауда ережесін және рыноктың iшкi тәртібін сақтауы; 2) санитарлық және өртке қарсы талаптарды сақтауы; 3) жөнелтпе құжаттың түпнұсқасы және басқа да нормативтiк кесiмдермен көзделген тауардың iлеспе құжаттары; тауарлардың сапасы мен қауiпсiздiгiн растайтын құжаттар, Қазақстан Республикасының салық заңнамасында белгiленген жағдайларда бiр жолғы талон болуы қажет. 28. Осы Ереженiң 27-тармағының 3-тармақшасында аталған құжаттар бүкiл жұмыс уақыты iшiнде сатушыда сақталады және олар бақылаушы органдар мен рынок әкiмшiлiгiнiң бiрiншi талабы бойынша берiледi. 29. Сауда орнын үшiншi тұлғаға беру тараптардың (сатушы мен рынок әкiмшiлiгi) келісімi бойынша жүргiзiледi. 30. Рынокта қызметiн жүзеге асыратын сатушылардың бюджетпен есеп айырысу тәртібi Қазақстан Республикасының салық заңнамасына сәйкес айқындалады. 31. Рынокта сатуға тыйым салынған тамақ өнiмдерiнiң тiзбесi СанЕмН-ның талаптарымен айқындалады. 32. Қазақстан Республикасының заңнамасына сәйкес еркiн сатуға тыйым салынған тауарларды рынокта сатуға тыйым салынады. ҚР Үкіметінің 15.10.04 ж. № 1058 қаулысымен 33-тармақ жаңа редакцияда (бұр. ред. қара) 33. Рыноктарда ветеринарлық-санитарлық сараптама жүргізу мiндетті болып табылады. Жануарлардан алынатын өнiмдер мен шикiзаттарды ветеринарлық-санитарлық сараптама жүргізбей сатуға тыйым салынады. ҚР Үкіметінің 2011.31.10. № 1245 Қаулысымен 33-1-тармақпен толықтырылды 33-1. Коммуналды базарда 70%-дан кем емес сауда алаңдары азық-түлік тауарларын сатуға тиіс, олардың 10%-дан кем емес сауда орындары тікелей ауыл шаруашылығы өндірушілері үшін жеке өнімдерін сату үшін ұсынылуға тиіс. Бұл ретте азық-түлік тауарларын сату үшін сауда орындарының нақты санын және ауыл шаруашылығы тауарын өндірушілері үшін сауда орындарының нақты санын айқындауды жергілікті атқарушы органдар келісім бойынша коммуналды базар әкімшілігі жүзеге асырады. ҚР Үкіметінің 2011.31.10. № 1245 Қаулысымен 33-2-тармақпен толықтырылды 33-2. Коммуналды базарда Қазақстан Республикасы Үкіметінің 2010 жылғы 1 наурыздағы № 145 қаулысымен бекітілген Әлеуметтік маңызы бар азық-түлік тауарларының тізбесіне сәйкес әлеуметтік маңызы бар азық-түлік тауарларының ағымдағы бөлшек бағалары туралы ақпараттық стендтер орнатылады. Ақпараттық стенді өзге де азық-түлік тауарларының ағымдағы бөлшек бағалары туралы ақпаратты да қамтуы мүмкін.
7. Сатылатын тауарлардың сапасы мен қауiпсiздiгi 34. Сапасы мен қауiпсiздiгi тексеруден өткен тауарларды рынокта сатуға рұқсат етіледi. Рынокқа келіп түсетін азық-түлiк тауарларының сапасы мен қауiпсiздігі өнiмге қолданыстағы санитарлық нормативтiк құжаттардың талаптарына сәйкес болуы және ол тиiстi құжаттармен расталуы тиiс, ал малдан алынған шикiзат рынок зертханаларында мiндеттi түрде ветеринарлық-санитарлық сараптамадан өткізілуге тиic. Мiндеттi сертификаттауға жататын өнiмдер сәйкестiк сертификатымен бiрге жүруге тиiс. 35. Сату уақытында сапасын жоғалтқан және сапасыз тауарлар разрядына өткен тауар сатудан алынады. |