| ||||||||||||||||||||
|
|
|
Мүгедектерге бензин үшiн ақшалай өтемақы төлеу Қазақстан Республикасы Үкіметінің 2002 жылғы 28 маусымдағы № 703 қаулысына сәйкес осы қаулының күшi жойылды Бензиннiң қымбаттауына байланысты жеңiл автомобильдерi немесе мотокүймелерi бар мүгедектерге бензинге жұмсаған шығындарын өтеу мақсатында Қазақстан Республикасының Министрлер Кабинетi қаулы етедi: 1. Медициналық айғақтамалары бойынша арнайы автокөлiгi бар Ұлы Отан соғысының мүгедектерiне, әскери қызметшiлер арасындағы мүгедектерге, еңбек жарақатынан, кәсiптiк және жалпы аурудан, бала кезiнен мүгедектерге, сондай-ақ тегiн берiлуге тиесiлi "Запорожец", "Таврия" автомобильдерi немесе қолмен немесе әдеттегiдей басқарылатын басқа модификациялары құны ескерiле отырып, автомобиль сатып алған Ұлы Отан соғысының мүгедектерiне, жеке меншiк ретiнде пайдаланып жүрген жеңiл автомобильдерi бар Ұлы Отан соғысының I және II топтағы мүгедектерiне 1992 жылғы 1 қазаннан бастап ай сайын төленетiн ақшалай өтемақы белгiленсiн. Ақшалай өтемақы автомобильдерге А-76 бензинiнiң 50 литр мөлшерiне және мотокүймелерге А-76 бензинiнiң 25 литрiне аталған аумақтың мұнай өнiмдерiн сату жөніндегі кәсiпорындарының ағымдағы айдың бiрiншi күніндегі қалыптасқан босатылатын бөлшек бағасы бойынша белгiленсiн. Ескерту. Бiрiншi тармаққа өзгерістер енгiзiлген - ҚРМК-нiң 1995.06.02. № 770 қаулысымен. Ескерту. 1-тармақтағы сандар өзгердi - ҚРҮ-нiң 1997.04.15. № 566 қаулысымен. 2. Жергiлiктi әкiмдер бензинге берiлетiн ақшалай өтемақыны жергiлiктi бюджеттерден әлеуметтiк қамсыздандыруға жұмсалатын қаржының шегiнде төлеудi қамтамасыз етсiн. Еңбек жарақатынан және кәсiптiк аурудан мүгедек болғандарға бензин үшiн ақшалай өтемақы денсаулығына зиян келтiрген кәсiпорынның есебiнен төленедi. 3. Қазақстан Республикасы Министрлер Кабинетінің "Мүгедектерге бензин үшiн төленетiн өтемақының мөлшерiн көбейту туралы" 1992 жылғы 11 тамыздағы № 667 қаулысының күшi жойылған деп танылсын. Қазақстан Республикасының Премьер-министрi
Доступ к документам и консультации
от ведущих специалистов |