Сорттар оригинаторларын тіркеу ережесін бекіту туралы Қазақстан Республикасы Ауыл шаруашылығы министрінің 2004 жылғы 23 ақпандағы № 91 бұйрығы (2013.13.05. берілген өзгерістермен)

Сорттар оригинаторларын тіркеу ережесін бекіту туралы
Қазақстан Республикасы Ауыл шаруашылығы министрінің 2004 жылғы 23 ақпандағы № 91 бұйрығы

(2013.13.05. берілген өзгерістермен)

ҚР Ауыл шаруашылығы министрінің 2013.13.05. № 15-07/222 бұйрығымен кіріспе жаңа редакцияда (бұр.ред.қара)

«Тұқым шаруашылығы туралы» Қазақстан Республикасы Заңының 6-бабы 1-тармағының 16) тармақшасына сәйкес БҰЙЫРАМЫН:

1. Қоса беріліп отырған Сорттар оригинаторларын тіркеу ережесі бекітілсін.

2. Осы бұйрық Қазақстан Республикасының Әділет министрлігінде мемлекеттік тіркелген сәттен бастап күшіне енеді.

Қазақстан Республикасы

Премьер-Министрінің

«Сорттар оригинаторларын

тіркеу ережесін бекіту туралы»

Қазақстан Республикасы

Ауыл шаруашылығы министрінің

2004 жылғы 23 ақпандағы

№ 91 бұйрығымен

бекітілген

Сорттар оригинаторларын тіркеу

ережесі

1. Жалпы ережелер

ҚР Ауыл шаруашылығы министрінің 2013.13.05. № 15-07/222 бұйрығымен 1-тармақ жаңа редакцияда (бұр.ред.қара)

1. Осы Сорттар оригинаторларын тіркеу ережесі (бұдан әрі - Ереже) «Тұқым шаруашылығы туралы» Қазақстан Республикасы Заңының 6-бабы 1-тармағының 16) тармақшасына сәйкес әзірленді және сорттар оригинаторларын тіркеу тәртібін айқындайды.

2. Сорттар оригинаторларын тіркеуді Қазақстан Республикасының Ауыл шаруашылығы министрлігі (бұдан әрі - Ауылшармині) жүргізеді.

3. Сорт оригинаторы болып патент иегері болып табылатын немесе сортты лицензия негізінде пайдаланатын жеке немесе заңды тұлға тіркеле алады.

4. Шетелдік селекция сортының оригинаторы болып жеке және заңды қазақстандық тұлға да, жеке және заңды шетелдік тұлға да тіркеле алады.

Бір сорт бойынша бір немесе бірнеше сорттар оригинаторлары тіркеле алады.

2. Сорттар оригинаторларын тіркеу тәртібі

ҚР Ауыл шаруашылығы министрінің 2013.13.05. № 15-07/222 бұйрығымен 5-тармақ өзгертілді (бұр.ред.қара)

5. Тіркеу үшін жеке немесе заңды тұлға Ауылшарминіне мына құжаттарды:

1) белгіленген үлгідегі өтінішті (қосымша);