«Салыстырып тексерілетін өлшем құралдары туралы деректердің электрондық есебі және оларды мемлекеттік ғылыми метрологиялық орталыққа беру туралы Ережелерді бекіту туралы» Қазақстан Республикасы Индустрия және сауда министрлігі Техникалық реттеу және метрология жөніндегі комитетінің 2005 жылғы 20 қаңтардағы № 14 бұйрығы (күші жойылды)

Қазақстан Республикасының «Өлшем бірлігін қамтамасыз ету туралы» Заңын жүзеге асыру мақсатында БҰЙЫРАМЫН:

1. Қоса берілген салыстырып тексерілетін өлшем құралдары туралы деректердің электрондық есебі және оларды мемлекеттік ғылыми метрологиялық орталыққа беру туралы Ережелер бекітілсін.

2. Техникалық реттеу және метрология Комитетінің техникалық реттеу және метрология басқармасы белгіленген тәртіпте осы бұйрықты Қазақстан Республикасының Әділет Министрлігінде мемлекеттік тіркеуден өткізуді қамтамасыз етсін.

3. Осы бұйрықтың орындалуын бақылауды өзіме қалдырамын.

4. Осы бұйрық Қазақстан Республикасының Әділет Министрлігінде мемлекеттік тіркеуден өткен күнінен бастап күшіне енеді.

Төрағаның м.а.

Қазақстан Республикасы

Индустрия және сауда министрлігінің

Техникалық реттеу және метрология

Комитеті Төрағасының

2005 жылғы 20 қаңтардағы

№ 14 бұйрығымен бекітілген

Салыстырып тексерілетін өлшем құралдары туралы

деректердің электрондық есебі және оларды мемлекеттік

ғылыми метрологиялық орталыққа беру туралы

Ережелер

1 тарау. Жалпы ережелер

1. Осы Ережелер өлшем құралдарын салыстырып тексеру құқығына белгіленген тәртіпте аккредиттелген заңды тұлғалардың электрондық есебінің (әрі қарай - Салыстырып тексеретін субъекттер), салыстырып тексерілетін өлшем құралдары туралы деректердің электрондық есебі және оларды Мемлекеттік ғылыми метрологиялық орталыққа (әрі қарай - МҒМО) беру тәртібін анықтайды.