«Iс-шараларды қоршаған ортаны қорғау жөніндегі іс-шараларға жатқызу ережесін бекіту туралы» Қазақстан Республикасы Үкіметінің 2005 жылғы 1 шілдедегі № 674 Қаулысы (күші жойылды)

“Iс-шараларды қоршаған ортаны қорғау жөніндегі iс-шараларға жатқызу
ережесін бекіту туралы”
Қазақстан Республикасы Үкіметінің 2005 жылғы 1 шілдедегі № 674 Қаулысы

ҚР Үкіметінің 2008 жылғы 18 қаңтардағы № 29 қаулысымен   күші жойылды

"Қоршаған ортаны қорғау туралы" Қазақстан Республикасының 1997 жылғы 15 шілдедегі Заңының 7-бабына сәйкес Қазақстан Республикасының ?кіметi ҚАУЛЫ ЕТЕДI:

1. Қоса берiлiп отырған Iс-шараларды қоршаған ортаны қорғау жөніндегі iс-шараларға жатқызу ережесi бекітілсiн.

2. Осы қаулы қол қойылған күнінен бастап қолданысқа енгiзiледi.

Қазақстан Республикасының

Қазақстан Республикасы

Үкіметінің

2005 жылғы 1 шілдедегі

№ 674 қаулысымен

бекітілген

Iс-шараларды қоршаған ортаны қорғау жөніндегі

iс-шараларға жатқызу ережесi

1. Осы Іс-шараларды қоршаған ортаны қорғау жөніндегі iс-шараларға жатқызу ережесi (бұдан әрi - Ереже) "Қоршаған ортаны қорғау туралы" Қазақстан Республикасының 1997 жылғы 15 шiлдедегi Заңының 7-бабына сәйкес әзiрленген.

2. Ереже iс-шараларды қоршаған ортаны қорғау жөнiндегі іс-шараларға жатқызу бойынша жұмысты жүйелендiру және тәртiпке келтiру мақсатында әзiрленген және iс-шараларды қоршаған ортаны қорғау жөніндегі iс-шараларға жатқызу ұғымын, өлшемдерiн айқындайды.

3. Қоршаған ортаны қорғау жөніндегі iс-шаралар - қоршаған ортаны қорғауға және оның сапасын жақсартуға бағытталған технологиялық, техникалық, ұйымдастырушылық, әлеуметтiк және экономикалық шаралардың кешенi.

4. Іс-шара, егер ол мынадай өлшемдерге сәйкес келсе, қоршаған ортаны қорғау жөнiндегі iс-шараларға жатқызуға болады:

1) экологиялық қауiпсiздiктi қамтамасыз етуге және табиғат пен адамның үйлесiмдi өзара iс-қимылына бағытталған болса;

2) қоршаған ортаның (атмосфералық ауа, Жердiң озон қабатты, су және жер ресурстары, жер қойнауы, жануарлар мен өсiмдiктер әлемi, сондай-ақ климат) сапалық сипаттарын арттыру арқылы қоршаған орта құрауыштарының жай-күйiн жақсартса;

3) экологиялық жүйенiң жай-күйiн тұрақтандыруға және жақсартуға, биологиялық алуантүрлiлiктi сақтауға, табиғи ресурстарды ұтымды пайдалануға және молайтуға ықпалын тигiзсе;

4) қоршаған ортаға және халықтың денсаулығына зиян келтiрудi ескертсе және болдырмаса;

5) қоршаған ортаны қорғауға және табиғатты ұтымды пайдалануға бағытталған әдiстер мен технологияларды жетiлдiрсе;

6) халыққа экологиялық білімдi насихаттауға, экологиялық тәрбиелеуге ықпалын тигiзсе.

Ереженiң негiзiнде қоршаған ортаны қорғау саласындағы уәкiлеттi орган қоршаған ортаны қорғау жөніндегі ic-шаралар тiзбесiн әзiрлейдi және бекiтедi.