«Жеке кәсіпкерлік субъектілеріне баруларды және тексерулерді есепке алу кітабының нысанын бекіту туралы» Қазақстан Республикасы Индустрия және сауда министрінің 2006 жылғы 12 шілдедегі № 190 Бұйрығы (күші жойылды)

«Жеке кәсіпкерлік субъектілеріне баруларды және тексерулерді есепке
алу кітабының нысанын бекіту туралы»
Қазақстан Республикасы Индустрия және сауда министрінің
2006 жылғы 12 шілдедегі № 190 Бұйрығы

ҚР Индустрия және сауда министрінің 2009 жылғы 28 желтоқсандағы № 354 бұйрығымен күші жойылды

«Жеке кәсіпкерлік туралы» Қазақстан Республикасы Заңының 1-бабы 9) тармақшасын іске асыру мақсатында бұйырамын:

1. Қоса берілген жеке кәсіпкерлік субъектілеріне баруларды және тексерулерді есепке алу кітабының нысаны бекітілсін.

2. Әкімшілік-құқықтық жұмыстар департаменті:

осы бұйрықты Қазақстан Республикасының Әділет министрлігінде мемлекеттік тіркеуді қамтамасыз етсін;

осы бұйрықты мемлекеттік тіркеуден кейін бұқаралық ақпарат құралдарында жарияласын.

3. Осы бұйрықтың орындалуын бақылау Индустрия және сауда вице-министрі А. Баталовқа жүктелсін.

4. Осы бұйрық алғаш рет ресми жарияланған күнінен бастап он күнтізбелік күн өткен соң қолданысқа енгізіледі.