«Ұлттық компаниялар, «Самұрық» мемлекеттік активтерді басқару жөніндегі қазақстандық холдингі» акционерлік қоғамы, «Қазына» орнықты даму қоры акционерлік қоғамы және оларға қатысты Қазақстан Республикасы Ұлттық Банкі және Қазақстан Республикасы Президентінің Іс басқармасы республикалық мемлекеттік меншік құқықтары субъектісінің функцияларын жүзеге асыратын ұйымдарды қоспағанда, мемлекеттік кәсіпорындардың, акцияларының бақылау пакеті (қатысу үлестері) мемлекетке тиесілі акционерлік қоғамдардың (жауапкершілігі шектеулі серіктестіктердің) қаржы-шаруашылық қызметі жоспарларының орындалуы жөніндегі есептерді бекіту ережесін бекіту туралы» Қазақстан Республикасының Қаржы министрінің 2006 жылғы 15 тамыздағы № 302 бұйрығы (2011.04.05. берілген өзгерістер мен толықтыруларымен) (күші жойылды)

Ұлттық компаниялар және оларға қатысты Қазақстан Республикасы Ұлттық Банкі және Қазақстан Республикасы Президентінің Іс басқармасы республикалық мемлекеттік меншік құқықтары субъектісінің функцияларын жүзеге асыратын ұйымдарды
қоспағанда, мемлекеттік кәсіпорындардың, акцияларының бақылау пакеті (қатысу үлестері) мемлекетке тиесілі акционерлік қоғамдардың (жауапкершілігі шектеулі серіктестіктердің) қаржы-шаруашылық қызметі жоспарларының
орындалуы жөніндегі есептерді бекіту ережесін бекіту туралы
Қазақстан Республикасының Қаржы министрінің 2006 жылғы 15 тамыздағы № 302 бұйрығы

(2011.04.05. берілген өзгерістер мен толықтыруларымен)

ҚР Экономикалық даму және сауда министрінің 2012 жылғы 28 ақпандағы № 53 және ҚР Қаржы министрінің 2012 жылғы 7 наурыздағы № 141 Бірлескен бұйрығымен 2013 жылғы 1 қаңтардан бастап күші жойылды

ҚР Қаржы министрінің 2008.19.03. № 128 Бұйрығымен тақырыбы жене мәтіні өзгертілді (бұр.ред.қара)

Қазақстан Республикасы Үкіметінің 2006 жылғы 30 маусымдағы № 620 қаулысымен бекітілген «Мемлекеттік активтерді басқарудың» 2006-2008 жылдарға арналған бағдарламасын іске асыру жөніндегі Іс-шаралар жоспарының 1.4-тармағын орындау үшін БҰЙЫРАМЫН:

1. Қоса беріліп отырған «Ұлттық компаниялар және оларға қатысты Қазақстан Республикасы Ұлттық Банкі және Қазақстан Республикасы Президентінің Іс басқармасы республикалық мемлекеттік меншік құқықтары субъектісінің функцияларын жүзеге асыратын ұйымдарды қоспағанда, мемлекеттік кәсіпорындардың, акцияларының бақылау пакеті (қатысу үлестері) мемлекетке тиесілі акционерлік қоғамдардың (жауапкершілігі шектеулі серіктестіктердің) қаржы-шаруашылық қызметі жоспарларының орындалуы жөніндегі есептерді бекіту ережесі бекітілсін.