«Қазақстан Республикасының кейбір заңнамалық актілеріне салық салу
мәселелері бойынша өзгерістер мен толықтырулар енгізу туралы» Қазақстан
Республикасының Заңын іске асыру жөніндегі шаралар туралы
Қазақстан Республикасы Премьер-Министрінің 2006 жылғы 16 ақпандағы
№ 27-Ө Өкімі
Осы редакция 2007 ж. 30 қаңтарда енгізілген өзгерістеріне дейін қолданылды
1. Қоса беріліп отырған «Қазақстан Республикасының кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» Қазақстан Республикасының 2005 жылғы 22 қарашадағы Заңын іске асыру мақсатында қабылдануы қажет нормативтік құқықтық кесімдердің тізбесі (бұдан әрі - Тізбе) бекітілсін.
2. Орталық атқарушы органдар Тізбеге сәйкес нормативтік құқықтық кесімдерді әзірлеу жөнінде қажетті шаралар қабылдасын.
| Премьер-Министр | Д. Ахметов |
Қазақстан Республикасы
Премьер-Министрінің
2006 жылғы 16 ақпандағы
№ 27-Ө өкімімен бекітілген
«Қазақстан Республикасының кейбір заңнамалық актілеріне
салық салу мәселелері бойынша өзгерістер мен
толықтырулар енгізу туралы» Қазақстан Республикасының
Заңын іске асыру мақсатында қабылдануы қажет
нормативтік құқықтық кесімдердің тізбесi
| Р/с N | Нормативтік құқықтық кесімдердің атауы | Кесімнің нысаны | Жауапты мемлекет- тік органдар | Орындау мерзімi |
| 1 | Арнайы экономикалық аймақтар аумағында сатылатын, оларды құру мақсатына сай келетін қызмет түрлерін арнайы экономикалық аймақтар аумағында жүзеге асыру процесінде тұтынылатын тауарлардың тізбесін бекіту туралы | Қазақстан Республикасы Үкіметінің қаулысы | ИСМ (жинақтау), Қаржымині, ЭБЖМ | 2006 жылғы ақпан |
| 2 | Акцизделетін тауарлардың жекелеген түрлерінің тізбесін және жиынтық төлем ставкаларын бекіту туралы | Қазақстан Республикасы Үкіметінің қаулысы | Қаржыминi | 2006 жылғы ақпан |
| 3 | "Оңтүстік" арнайы экономикалық аймағын құру мақсатына сай келетін қызмет түрлерi бойынша өзі өндіретін тауарлардың (жұмыстардың, қызметтердің) тізбесін бекіту туралы | Қазақстан Республикасы Үкіметінің қаулысы | ИСМ (жинақтау), Қаржымині, ЭБЖМ | 2006 жылғы ақпан |
