Мемлекеттік қызмет көрсетудің стандарты «Халыққа қызмет көрсету орталықтары арқылы Қазақстан Республикасының азаматтарына паспорттар, жеке куәліктер беру» (Қазақстан Республикасы Әділет министрінің м.а. 2007 жылғы 12 қазандағы № 288 бұйрығына 1-қосымша) (2009.12.02. берілген өзгерістер мен толықтыруларымен) (күші жойылды)

Қазақстан Республикасы Әділет

министрінің м.а. 2007 жылғы

12 қазандағы № 288 бұйрығына

1-қосымша

ҚР Әділет министрінің 2010 жылғы 30 наурыздағы № 91 Бұйрығымен күші жойылды

Мемлекеттік қызмет көрсетудің
стандарты

«Халыққа қызмет көрсету орталықтары арқылы Қазақстан Республикасының

азаматтарына паспорттар, жеке куәліктер беру»

(2009.12.02. берілген өзгерістер мен толықтыруларымен)

1. Жалпы ережелер

1. Осы стандарт Қазақстан Республикасы азаматтарының паспорттарын, куәліктерін беру - өздерінің конституциялық және азаматтық құқықтарын (бұдан әрі - мемлекеттік қызмет) жүзеге асыру үшін Қазақстан Республикасының азаматтарына жеке басын куәландыратын құжаттарды берудің тәртібін анықтайды.

2. Көрсетілетін мемлекеттік қызметтің нысаны: ішінара автоматтандырылған.

3. Мемлекеттік қызмет «Қазақстан Республикасының халқын құжаттандыру және тіркеу ережесін бекіту туралы» Қазақстан Республикасы Үкіметінің 2000 жылғы 12 шілдедегі № 1063 қаулысының және «Қазақстан Республикасының халқын құжаттандыру және тіркеу ережесін әділет органдарының қолдануы жөніндегі нұсқаулықты бекіту туралы» Қазақстан Республикасы Әділет министрінің 2005 жылғы 4 наурыздағы № 74 бұйрығының (Нормативтік құқықтық актілердің мемлекеттік тізілімінде № 3513 болып тіркелген), негізінде жүзеге асырылады.

4. Мемлекеттік қызметті аумақтық әділет органдары (бұдан әрі - уәкілетті орган) халыққа қызмет көрсету орталықтары (бұдан әрі - Орталық) арқылы көрсетіледі.

5. Мемлекеттік қызметті көрсетудің аяқтау нысаны Қазақстан Республикасының азаматтарына паспорттар және (немесе) жеке куәліктер беру болып табылады.

6. Мемлекеттік қызмет Қазақстан Республикасының азаматтарына көрсетіледі.

7. Мемлекеттік қызмет көрсету кезіндегі уақыт бойынша шектеу мерзімдері:

ҚР Әділет министрінің 2009.12.02. № 14 Бұйрығымен 1) тармақша жаңа редакцияда (бұр.ред.қара)

1) Жеке басын куәландыратын құжаттар (паспорт және жеке куәліктер) құжат алуға 1-н арызды ресімдеген күннен бастап екі ай мерзімнен кешіктірілмей беріледі.