«Қазақстан Республикасы Табиғи монополияларды реттеу агенттігінің облыстар мен Астана және Алматы қалалары бойынша аумақтық органдарына лицензиялау және лицензиялық бақылау функцияларын табыстау туралы» Қазақстан Республикасы Табиғи Монополияларды реттеу және бәсекелестікті қорғау жөніндегі агенттігі 2008 жылғы 16 маусымдағы № 184-НҚ Бұйрығы

Қазақстан Республикасы Табиғи монополияларды реттеу агенттігінің облыстар мен Астана және Алматы қалалары бойынша аумақтық органдарына лицензиялау және лицензиялық бақылау функцияларын табыстау туралы
Қазақстан Республикасы Табиғи Монополияларды реттеу және бәсекелестікті қорғау жөніндегі агенттігі
 2008 жылғы 16 маусымдағы № 184-НҚ Бұйрығы

Қазақстан Республикасы Үкіметінің 2007 жылғы 12 қазандағы № 943 қаулысымен бекітілген Қазақстан Республикасы Табиғи монополияларды реттеу агенттігі туралы ереженің 15-тармағының 20) тармақшасына сәйкес БҰЙЫРАМЫН:

1. Осы бұйрыққа берілген қосымшаға сәйкес қызметтің түрлері мен кіші түрлері бойынша лицензиялау және лицензиялық бақылау жөніндегі функцияларын Қазақстан Республикасы Табиғи монополияларды реттеу агенттігінің облыстар мен Астана және Алматы қалалары бойынша аумақтық органдарына табысталсын.

2. Қазақстан Республикасы Табиғи монополияларды реттеу агенттігінің облыстар мен Астана және Алматы қалалары бойынша аумақтық органдары ұсынылған өкілеттіктердің шегінде осы бұйрыққа берілген қосымшаға сәйкес лицензиялау туралы Қазақстан Республикасының заңнамасында белгіленген тәртіппен бір облыстың, Астана, Алматы қалаларының шекараларында жүзеге асырылатын қызметтің түрлеріне және кіші түрлеріне лицензиялауды және лицензиялық бақылауды жүзеге асырсын.

3. Мыналарға:

1) лицензияларға қол қою құқығы Қазақстан Республикасы Табиғи монополияларды реттеу агенттігінің аумақтық органдарының бірінші басшыларына, олар болмаған жағдайда олардың орнын алмастыратын тұлғаларға;

2) осы бұйрықпен табысталған функцияларды тиісті дәрежеде орындау үшін жеке жауапкершікті Қазақстан Республикасы Табиғи монополияларды реттеу агенттігінің аумақтық органдарының бірінші басшыларына жүктелсін.

4. Қазақстан Республикасы Табиғи монополияларды реттеу агенттігінің Әкімшілік жұмысы департаменті (Е.О. Есіркепов):

1) осы бұйрықты бұқаралық ақпарат құралдарында жариялауды қамтамасыз етсін және Қазақстан Республикасы Табиғи монополияларды реттеу агенттігінің ресми сайтына орналастырсын;