«Атыс қаруын алып жүру, сақтау және оны пайдалану құқығы берілген кеден органдары лауазымды адамдарының санаттарын, кеден органдарының лауазымды адамдары қолданатын арнаулы құралдардың және атыс қаруы мен оқ-дәрі түрлерінің тізбелерін бекіту туралы» Қазақстан Республикасы Үкіметінің 2010 жылғы 2 қазандағы № 1014 Қаулысы (күші жойылды)

Атыс қаруын алып жүру, сақтау және оны пайдалану құқығы берілген кеден органдары лауазымды адамдарының
санаттарын, кеден органдарының лауазымды адамдары қолданатын арнаулы құралдардың және атыс қаруы
 мен оқ-дәрі түрлерінің тізбелерін бекіту туралы
Қазақстан Республикасы Үкіметінің 2010 жылғы 2 қазандағы № 1014 Қаулысы

ҚР Үкіметінің 2017 жылғы 29 желтоқсандағы № 906 Қаулысымен күші жойылды

«Қазақстан Республикасындағы кеден ісі туралы» Қазақстан Республикасының 2010 жылғы 30 маусымдағы Кодексінің 493, 494-баптарына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған:

1) атыс қаруын алып жүру, сақтау және оны пайдалану құқығы берілген кеден органдары лауазымды адамдарының санаттары;

2) кеден органдарының лауазымды адамдары қолданатын арнаулы құралдардың тізбесі;

3) кеден органдарының лауазымды адамдары қолданатын атыс қаруы мен оқ-дәрі түрлерінің тізбесі бекітілсін.

2. Мыналардың күші жойылды деп танылсын:

1) «Заңнамалық кесімдерге сәйкес құқық қорғау органдарының функцияларын жүзеге асыратын, атыс қаруын алып жүру, сақтау және пайдалану құқығы берілген кеден органдары лауазымды адамдарының санаттарын және кеден органдарының лауазымды адамдары қолданатын атыс қаруы мен оқ-дәрілер және арнаулы құралдар түрлерінің тізбелерін бекіту туралы» Қазақстан Республикасы Үкіметінің 2004 жылғы 22 қаңтардағы № 65 қаулысы;

2) «Қазақстан Республикасы Үкіметінің 2004 жылғы 22 қаңтардағы № 65 қаулысына толықтыру енгізу туралы» Қазақстан Республикасы Үкіметінің 2005 жылғы 22 сәуірдегі № 383 қаулысы.

3. Осы қаулы қол қойылған күнінен бастап қолданысқа енгізіледі.

Қазақстан Республикасы

Үкіметінің

2010 жылғы 2 қазандағы

№ 1014 қаулысымен

бекітілген

Атыс қаруын алып жүру, сақтау және оны пайдалану құқығы берілген кеден органдары

лауазымды адамдарының санаттары