(БҰРЫНҒЫ РЕДАКЦИЯ) ҚР ТАБИҒИ МОНОПОЛИЯЛАРДЫ РЕТТЕУ АГЕНТТІГІ ТӨРАҒАС...

Теңіз порттарының қызметтерін көрсететін табиғи монополиялар субъектілерінің
табыстарды, шығындар мен қолданысқа енгізілген активтерді бөлектеп есепке алуды жүргізу ережесін бекіту туралы
Қазақстан Республикасы Табиғи монополияларды реттеу агенттігі Төрағасының
2005 жылғы 26 қыркүйектегі № 280-НҚ Бұйрығы

Осы редакция 2010 жылғы 24 қыркүйекте енгізілген өзгерістеріне дейін қолданылды

«Табиғи монополиялар туралы» Қазақстан Республикасы Заңының 14-бабы 1-тармағының 15) тармақшасына, Қазақстан Республикасы Үкіметінің 2004 жылғы 28 қазандағы № 1109 қаулысымен бекітілген Қазақстан Республикасы Табиғи монополияларды реттеу агенттігі туралы ереженің 18-тармағының 1) тармақшасына сәйкес бұйырамын:

1. Қоса беріліп отырған Теңіз порттарының қызметтерін көрсететін табиғи монополиялар субъектілерінің табыстарды, шығындар мен қолданысқа енгізілген активтерді бөлектеп есепке алуды жүргізу ережесі бекітілсін.

2. Теңіз порттарының қызметтерін көрсететін табиғи монополиялар субъектілері:

1) есеп саясаттарына тиісті өзгерістер енгізсін және оларды 2006 жылғы 1 сәуірге дейін табиғи монополиялар салаларындағы қызметті реттеу мен бақылауды жүзеге асыратын уәкілетті органға келісуге ұсынсын;

2) Қазақстан Республикасы Табиғи монополияларды реттеу агенттігіне 2006 жылғы 1 тамызға дейін осы бұйрықпен бекітілген Теңіз порттарының қызметтерін көрсететін табиғи монополиялар субъектілерінің табыстарды, шығындар мен қолданысқа енгізілген активтерді бөлектеп есепке алуды жүргізу ережесіне берілген қосымшаларға сәйкес 2006 жылдың бірінші жартыжылдығы үшін қызметтердің түрлері бойынша есептілікті ұсынсын.

3. Қазақстан Республикасы Табиғи монополияларды реттеу агенттігінің Темір жол көлігі және порттар саласындағы реттеу мен бақылау департаменті (Ә.М. Жұмабаева):

1) осы бұйрықты Қазақстан Республикасы Әділет министрлігінде заңнамада белгіленген тәртіппен мемлекеттік тіркеуді;

2) теңіз порттарының қызметтерін көрсететін табиғи монополиялар субъектілері ұсынған есеп саясаттарын келісуді қамтамасыз етсін.