«Мемлекеттік материалдық резервтің дебиторлық берешегін есептен шығару қағидасын бекіту туралы» Қазақстан Республикасының Үкіметінің 2010 жылғы 10 қарашадағы № 1184 қаулысы (күші жойылды)

Мемлекеттік материалдық резервтің дебиторлық берешегін есептен шығару қағидасын бекіту туралы
Қазақстан Республикасының Үкіметінің 2010 жылғы 10 қарашадағы № 1184 қаулысы

ҚР Үкіметінің 2016 жылғы 31 наурыздағы № 166 Қаулысымен күші жойылды

«Мемлекеттік материалдық резерв туралы» Қазақстан Республикасының 2000 жылғы 27 қарашадағы Заңының 5-бабының 14) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Мемлекеттік материалдық резервтің дебиторлық берешегін есептен шығару қағидасы бекітілсін.

2. Осы қаулы қол қойылған күнінен бастап қолданысқа енгізіледі.

Қазақстан Республикасы

Үкіметінің

2010 жылғы 10 қарашадағы № 1184

қаулысымен бекітілген

Мемлекеттік материалдық резервтің дебиторлық берешегін есептен шығару

қағидасы

1. Осы Мемлекеттік материалдық резервтің дебиторлық берешегін есептен шығару қағидасы (бұдан әрі - Қағида) мемлекеттік материалдық резервтің (бұдан әрі - мемлекеттік резерв) материалдық құндылықтарының жетіспеуі, ұрлануы немесе жоғалуы нәтижесінде пайда болған дебиторлық берешекті есептен шығару тәртібін айқындайды.

2. Мемлекеттік резервтің материалдық құндылықтарын орналастыруды, есепке алуды және оларды саны мен сапасы үшін бақылауды «Мемлекеттік материалдық резерв туралы» Қазақстан Республикасының 2000 жылғы 27 қарашадағы Заңына және Қазақстан Республикасының басқа да нормативтік құқықтық актілеріне сәйкес мемлекеттік резерв саласындағы уәкілетті орган (бұдан әрі - уәкілетті орган) жүзеге асырады.

3. Мемлекеттік резервтің дебиторлық берешегін есептен шығару Қазақстан Республикасы Үкіметінің шешімімен жүзеге асырылады.

Қағидаға сәйкес мыналардың:

Қазақстан Республикасы Үкіметінің шешімдері бойынша қарызға алу тәртібімен және белгіленген мерзімде қалпына келтірілмеген, сондай-ақ уәкілетті органның шарттық қарым-қатынастары бойынша материалдық құндылықтарды шығару;