«Қазақстан Республикасы Бас прокуратурасының Арнайы прокурорлар департаменті туралы ережені бекіту туралы» Қазақстан Республикасы Бас Прокурорының 2011 жылғы 15 сәуірдегі № 34 бұйрығы (күші жойылды)

Қазақстан Республикасы Бас прокуратурасының Арнайы прокурорлар департаменті туралы ережені бекіту туралы
Қазақстан Республикасы Бас Прокурорының 2011 жылғы 15 сәуірдегі № 34 бұйрығы

ҚР Бас Прокурорының 2012 жылғы 7 наурыздағы № 23 бұйрығымен кші жойылды

Бас прокуратурада өткізілген құрылымдық және штаттық өзгерістерге байланысты Қазақстан Республикасының «Прокуратура туралы» Заңының 11-бабының 4-тармағын басшылыққа алып, БҰЙЫРАМЫН:

1. Қоса беріліп отырған Қазақстан Республикасы Бас прокуратурасының Арнайы прокурорлар департаменті туралы ереже бекітілсін.

2. Бас Прокурордың 2009 жылғы 11 қазан айындағы № 68 бұйрығының күші жойылған деп танылсын.

3. Бұйрықтың орындалуын бақылау Қазақстан Республикасы Бас Прокурорының орынбасары аға заң кеңесшісі Б.Н. Асыловқа жүктелсін.

4. Осы бұйрық Бас прокуратураның құрылымдық бөлімшелерінің, Құқықтық статистика және арнайы есепке алу жөніндегі комитеттің, Бас әскери прокуратураның, облыстық және оларға теңестірілген прокуратуралардың, Бас прокуратура жанындағы С. Есқараев атындағы Институттың басшыларына мәлімет үшін жолдансын.

Қазақстан Республикасы

Бас Прокурорының

2011 жылғы 15 сәуірдегі № 34

бұйрығымен бекітілген

Қазақстан Республикасы Бас прокуратурасының арнайы прокурорлар Департаменті туралы

ереже

1. Жалпы ережелер

1. Қазақстан Республикасы Бас прокуратурасының арнайы прокурорлар Департаменті (бұдан әрі - Департамент) қадағалау функцияларын, оның ішінде тексеру жүргізу, күрделі және маңызды қылмыстық істер бойынша алдын-ала тергеу өндірісін заңда көрсетілген тергелу ретінен тыс жүргізу арқылы жүзеге асыратын дербес құрылымдық бөлімше болып табылады.