|
Қазақстан Республикасы Үкіметінің 2009 жылғы 15 желтоқсандағы № 2121 қаулысымен бекітілген
Осы редакция 2011 жылғы 28 мамырда енгізілген өзгерістеріне дейін қолданылды
«Заңды тұлғаны мемлекеттік тіркеу (қайта тіркеу) және заңды тұлғаның филиалы мен (2010.07.05. берілген өзгерістермен)
1. Жалпы ережелер
1. Заңды тұлғаны мемлекеттік тіркеу (қайта тіркеу) және заңды тұлғаның филиалы мен өкілдігін есептік тіркеу (қайта тіркеу) туралы куәліктің телнұсқасын беру (бұдан әрі - мемлекеттік қызмет) - өтініш берушіге заңды тұлғаны, филиал мен өкілдікті мемлекеттік (есептік) тіркеу (қайта тіркеу) туралы жоғалған куәліктің орнына беру рәсімі. 2. Көрсетілетін мемлекеттік қызметтің нысаны автоматтандырылмаған. 3. Мемлекеттік қызмет «Заңды тұлғаларды мемлекеттік тіркеу және филиалдар мен өкілдіктерді есептік тіркеу туралы» Қазақстан Республикасы Заңының негізінде жүзеге асырылады. ҚР Үкіметінің 2010.07.05. № 393 Қаулысымен 4-тармақ жаңа редакцияда (бұр.ред.қара) 4. Мемлекеттік қызметті Қазақстан Республикасы Әділет министрлігінің Тіркеу қызметі және құқықтық көмек көрсету комитеті (бұдан әрі - Комитет) мына мекенжайда: Қазақстан Республикасы, 010000, Астана қаласы, Орынбор көшесі, № 8 үй, 13-кіреберіс, 955-бөлме, телефоны 74-02-76, және аумақтық әділет органдары (бұдан әрі - уәкілетті орган) мекен-жайлары осы стандарттың 1-қосымшасында көрсетілген халыққа қызмет көрсету орталықтары (бұдан әрі - Орталық) арқылы көрсетіледі. ҚР Үкіметінің 2010.07.05. № 393 Қаулысымен 5-тармақ жаңа редакцияда (бұр.ред.қара) 5. Көрсетілетін мемлекеттік қызметтің аяқтау нысаны заңды тұлғаны (филиал мен өкілдікті) мемлекеттік (есептік) тіркеу, қайта тіркеу туралы куәліктің телнұсқасын беру болып табылады. ҚР Үкіметінің 2010.07.05. № 393 Қаулысымен 6-тармақ өзгертілді (бұр.ред.қара) 6. Заңды тұлғаны (филиал мен өкілдікті) мемлекеттік (есептік) тіркеу, қайта тіркеу туралы куәліктің телнұсқасы заңды тұлғаның, филиал мен өкілдіктің өкілдеріне өтініш бойынша беріледі. ҚР Үкіметінің 2010.07.05. № 393 Қаулысымен 7-тармақ жаңа редакцияда (бұр.ред.қара) 7. Мемлекеттік қызмет көрсету мерзімдері: Заңды тұлғаның, филиал мен өкілдіктің өтініші бойынша тіркеуші орган үш жұмыс күні ішінде (құжаттар қабылданған күн мен берілген күн мемлекеттік қызмет көрсету мерзіміне кірмейді) заңды тұлғаны мемлекеттік тіркеу (қайта тіркеу) туралы және филиалдар мен өкілдіктерді есептік тіркеу (қайта тіркеу) туралы куәліктің телнұсқасын беруді жүзеге асырады. Құжаттарды тапсырған кезде кезек күтудің рұқсат берілген ең ұзақ уақыты 30 минуттан аспайды. Құжаттарды алған кезде кезек күтудің рұқсат берілген ең ұзақ уақыты 30 минуттан аспайды. ҚР Үкіметінің 2010.07.05. № 393 Қаулысымен 8-тармақ өзгертілді (бұр.ред.қара) 8. Мемлекеттік қызмет Комитетке немесе Орталыққа заңды тұлғаларға, олардың филиалдары мен өкілдіктеріне мемлекеттік (есептік) тіркеу қайта тіркеу туралы куәліктің телнұсқасын бергені үшін бюджетке 0,25 айлық есептік көрсеткіш мөлшерінде алым төлегенін растайтын түбіртекті немесе құжатты ұсыну жолымен ақылы негізде көрсетіледі. 9. Мемлекеттік қызмет көрсету тәртібі туралы толық ақпарат Қазақстан Республикасы Әділет министрлігінің интернет-ресурсында (www.minjust.kz) және тізбесі осы стандартқа 1-қосымшада көрсетілген Орталықтардың үй-жайларындағы стендтерде, сондай-ақ ресми ақпарат кездерінде орналастырылады. ҚР Үкіметінің 2010.07.05. № 393 Қаулысымен 10-тармақ жаңа редакцияда (бұр.ред.қара) 10. Комитетте жұма, демалыс және мейрам күндерін қоспағанда, сағат 13.00-ден сағат 14.30-ға дейінгі үзіліспен, сағат 9.00-ден 17.00-ге дейін құжаттарды күнделікті қабылдауды қамтамасыз ететін кесте белгіленеді. Қабылдау кезек күту тәртібімен, алдын ала жазылусыз және жеделдетілген қызмет көрсетусіз жүзеге асырылады. Орталықтарда мемлекеттік қызмет көрсету, демалыс және мейрам күндерін қоспағанда, үзіліссіз сағат 9.00-ден сағат 20.00-ге дейін жүзеге асырылады, филиалдары мен өкілдіктер үшін демалыс және мейрам күндерін қоспағанда, бір сағаттық түскі үзіліспен, сағат 9.00-ден сағат 19.00-ге дейінгі жұмыс кестесі белгіленеді. Қабылдау «электронды» кезек тәртібімен, алдын ала жазылусыз және жеделдетілген қызмет көрсетусіз жүзеге асырылады. ҚР Үкіметінің 2010.07.05. № 393 Қаулысымен 11-тармақ өзгертілді (бұр.ред.қара) 11. Мемлекеттік қызмет заңды тұлғаның филиалдың және өкілдіктің орналасқан жері бойынша заңды тұлға, филиал және өкілдік тіркелген жердегі Комитеттің немесе Орталықтың мүмкіндігі шектеулі адамдар үшін жағдай жасалған ғимаратында көрсетіледі. Заңда анықтама бюросы, күту үшін креслолар, өтініштердің толтырылған бланк үлгілері бар ақпараттық стендтер орналасқан.
2. Мемлекеттік қызмет көрсету тәртібі
ҚР Үкіметінің 2010.07.05. № 393 Қаулысымен 12-тармақ өзгертілді (бұр.ред.қара) 12. Заңды тұлғаларды, филиалдар мен өкілдіктерді мемлекеттік тіркеу (қайта тіркеу) туралы куәліктің телнұсқасын ресімдеу бойынша мемлекеттік қызмет алу үшін тұтынушылар Комитетке немесе Орталыққа мынадай құжаттар ұсынады: 1) Қазақстан Республикасы Әділет министрлігі белгілеген нысан бойынша өтініш; 2) заңды тұлғаны мемлекеттік тіркеу (қайта тіркеу) және филиал мен өкілдікті есептік тіркеу (қайта тіркеу) туралы куәліктің түпнұсқасын жоғалтқаны туралы ақпаратты мерзімді басылымға жариялағанын растайтын құжат; 3) заңды тұлғаларға, олардың филиалдары мен өкілдіктеріне мемлекеттік (есептік) тіркеу (қайта тіркеу) туралы куәліктің телнұсқасын бергені үшін бюджетке алым төлегенін растайтын түбіртек немесе құжат. 13. Бланкілер Орталықтың күту залындағы арнайы тағанда орнатылады. 14. Құжаттарды қабылдау «терезенің» арналғаны және атқаратын функциясы туралы ақпарат ілінген «терезелер» арқылы жүзеге асырылады, сондай-ақ Орталық инспекторының тегі, аты, әкесінің аты және лауазымы көрсетіледі. Орталық инспекторы мемлекеттік қызметті көрсету барысында құжаттардың осы стандарттың 12-тармағының талаптарына сәйкестігін тексеруді, журналға тіркеуді және құжаттарды жинақтау бөлімінің инспекторына өткізуді жүзеге асырады. Орталықтың жинақтау бөлімінің инспекторы құжаттарды жинауды, тізілімді жүргізуді және уәкілетті органға жіберуді жүзеге асырады. Орталық өтініштерді қоса берілген құжаттармен тиісті уәкілетті органға жеткізуді және кері қайтаруды осы өтініштерді қабылдаған күні кемінде 2 рет курьерлік байланыс арқылы жүзеге асырады. Уәкілетті орган Орталықтан құжаттар пакетін алғаннан кейін олардың қолданыстағы заңнамаға сәйкестігін тексеруді жүзеге асырады және осы стандарттың 7-тармағында көзделген мерзімде тіркеу рәсімін жүзеге асырады. Тіркеу мынадай тәртіппен жүргізіледі: 1) ұсынылған құжаттар пакетінің толықтығын және олардың дұрыс дайындалғанын, Қазақстан Республикасының заңнамалық актілеріне сәйкестігін тексереді; 2) құрылтай құжаттары Қазақстан Республикасының заңнамалық актілеріне сәйкес болған жағдайда заңды тұлғаны (филиалдар мен өкілдіктерді) мемлекеттік (есептік) тіркеу (қайта тіркеу) туралы куәліктің телнұсқасын беру туралы бұйрық шығарады. Орындалған (дайын) құжаттар тіркеуші органнан Орталыққа қолхатта көрсетілген беру мерзімі біткенге дейін бір күн бұрын түсуі тиіс. 15. Орталық құжаттарды қабылдау барысында тұтынушыға: 1) сұрау салудың нөмірі және қабылдаған күні; 2) сұралып отырған мемлекеттік қызметтің түрі; 3) қоса берілген құжаттардың саны мен атауы; 4) құжаттар берілген күн, уақыты және орны; 5) құжаттарды ресімдеуге өтінішті қабылдаған Орталық инспекторының тегі, аты, әкесінің аты көрсетілген тиісті құжаттарды қабылдағаны туралы қолхат беріледі. 16. Тұтынушыға дайын құжаттарды беруді Орталық инспекторы «терезе» арқылы мерзімі көрсетілген қолхат негізінде жүзеге асырылады. Егер тұтынушы құжаттарды алуға мерзімінде хабарласпаған жағдайда, Орталық олардың бір ай ішінде сақталуын қамтамасыз етеді, содан кейін оларды уәкілетті органдарға береді. 17. Уәкілетті орган құжаттарды рәсімдеудегі қателерді анықтаған, осы стандарттың 12-тармағында көзделген құжаттар пакетін толық ұсынбаған және құжаттар тиісті рәсімделмеген жағдайда, құжаттар пакетін алғаннан кейін үш жұмыс күні ішінде оларды бас тартудың/қайтарудың себебін жазбаша негіздемемен Орталыққа қайтарады. Заңды тұлғаларды, филиалдар мен өкілдіктерді мемлекеттік-тіркеу (қайта тіркеу) туралы куәліктің телнұсқасын ресімдеу үшін төленген алымды қайтару Қазақстан Республикасының Салық кодексінде көзделген жағдайларда жүргізіледі.
18. Орталықтардың қызметі адамның конституциялық құқықтарын, қызметтік борышын орындау кезінде заңдылықты сақтауға негізделеді және әдептілік толық ақпаратты ұсыну, оның сақталуын, қорғалуын және құпиялылығын қамтамасыз ету қағидаттарында жүзеге асырылады.
19. Тұтынушыларға мемлекеттік қызмет көрсету нәтижелері осы стандартқа 2-қосымшаға сәйкес сапа және қол жетімділік көрсеткіштерімен өлшенеді. 20. Мемлекеттік қызмет көрсететін мемлекеттік органның, мекеменің немесе өзге де субъектілердің жұмысы бағаланатын мемлекеттік қызметтердің сапа және қол жетімділік көрсеткіштерінің нысаналы мәнін жыл сайын арнайы құрылған жұмыс топтары бекітеді.
21. Мемлекеттік қызметті ұсыну сапасына наразылықтар болған жағдайда шағым Орталық басшысының және (немесе) Қазақстан Республикасы Әділет министрлігі басшылығының атына беріледі. Орталық инспекторының әрекетіне (әрекетсіздігіне) шағымдану тәртібі туралы ақпаратты Орталықтың ақпараттық-анықтамалық: 580058 телефоны бойынша алуға болады. 22. Шағымдар ауызша немесе жазбаша нысанда почта арқылы немесе қолданыстағы заңнамада көзделген жағдайларда электронды түрде не Орталықтың кеңсесі арқылы жұмыс күндерінде қолма-қол қабылданады. Шағым Орталық басшысының атына беріледі. Орталықтардың мекен-жайы мен басшыларының телефондары осы стандарттың 1-қосымшасында көрсетілген. 23. Қабылданған шағым Орталықтың ақпараттарды есепке алу журналында тіркеледі және күнтізбелік он бес күн ішінде қаралады, қосымша зерделеу немесе тексеру жүргізу қажет болған жағдайларда, қарау мерзімі күнтізбелік 30 күннен аспайтын мерзімге ұзартылуы мүмкін. Арыз иесіне шағымды қарау нәтижелер туралы жазбаша түрде почта арқылы хабарланады.
24. Орталықтар басшыларының жұмыс және қабылдау кестесі осы стандарттың 10-тармақшасында көзделген Орталықтың жұмыс кестесіне сәйкес жүзеге айқындалады. Орталықтардың байланыс телефондары, мекен-жайы осы стандартқа 1-қосымшада, сондай-ақ ресми ақпарат кездерінде және Орталықтың үй-жайларында орнатылған стендтерде көрсетілген. Орталықтар басшыларының байланыс телефондары осы стандартқа 1-қосымшада көрсетілген. 25. Қазақстан Республикасы Әділет министрлігінің мекен-жайы: 010000, Астана қаласы, Орынбор көшесі, № 8 үй, интернет-ресурсы: www.minjust.kz.
«Заңды тұлғаны мемлекеттік тіркеу (қайта тіркеу) және заңды тұлғаның филиалы мен өкілдігін есептік тіркеу (қайта тіркеу) туралы куәліктің телнұсқасын беру» мемлекеттік қызмет стандартына 1-қосымша
«Заңды тұлғаны мемлекеттік тіркеу (қайта тіркеу) және заңды тұлғаның филиалы мен өкілдігін есептік тіркеу (қайта тіркеу) туралы куәліктің телнұсқасын беру» мемлекеттік қызмет стандартына 2-қосымша
Кесте. Сапа мен қол жетімділік көрсеткіштерінің мәні
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||