«Мұнай өнімдерінің жекелеген түрлерін өндірушілерге (импорттаушыларға), сондай-ақ акцизделетін өнімдер мен мазуттың кейбір түрлерін өндірушілер мен импорттаушылардың тауарларына дербес сәйкестендіру нөмірін (ДСН-код) беру» мемлекеттік қызмет стандарты (Қазақстан Республикасы Үкіметінің 2011 жылғы 12 мамырдағы № 501 қаулысымен бекітілген) (күші жойылды)

Қазақстан Республикасы

Үкіметінің

2011 жылғы 12 мамырдағы

№ 501 қаулысымен

бекітілген

ҚР Үкіметінің 2012 жылғы 30 қарашадағы № 1519 Қаулысымен күші жойылды

«Мұнай өнімдерінің жекелеген түрлерін өндірушілерге (импорттаушыларға), сондай-ақ акцизделетін өнімдер
мен мазуттың кейбір түрлерін өндірушілер мен импорттаушылардың тауарларына дербес сәйкестендіру нөмірін (ДСН-код) беру»
 мемлекеттік қызмет стандарты

1. Жалпы ережелер

1. «Мұнай өнімдерінің жекелеген түрлерін өндірушілерге (импорттаушыларға), сондай-ақ акцизделетін өнімдер мен мазуттың кейбір түрлерін өндірушілер мен импорттаушылардың тауарларына дербес сәйкестендіру нөмірін (ДСН-код) беру» мемлекеттік қызметін (бұдан әрі - мемлекеттік қызмет) облыстар, Астана және Алматы қалалары бойынша салық департаменттері көрсетеді.

Облыстар, Астана және Алматы қалалары бойынша салық департаменттерінің мекенжайлары осы стандартқа 1-қосымшада келтірілген.

2. Мемлекеттік қызмет ішінара автоматтандырылған.