«Кеме құжаттарының тізбесін, Кеме құжаттарын жүргізу қағидаларын және кеме құжаттарына қойылатын талаптарды бекіту туралы» Қазақстан Республикасы Үкіметінің 2011 жылғы 26 шілдедегі № 856 Қаулысы (2013.04.12. берілген өзгерістер мен толықтырулармен) (күші жойылды)

Кеме құжаттарының тізбесін, Кеме құжаттарын жүргізу қағидаларын және кеме құжаттарына қойылатын талаптарды бекіту туралы
Қазақстан Республикасы Үкіметінің 2011 жылғы 26 шілдедегі № 856 Қаулысы

(2013.04.12. берілген өзгерістер мен толықтырулармен)

 Қазақстан Республикасы Үкіметінің 2015 жылғы 10 тамыздағы № 623 Қаулысымен күші жойылды

ҚР Үкіметінің 2013.04.12. № 1316 Қаулысымен тақырыбы жаңа редакцияда (бұр.ред.қара)

«Сауда мақсатында теңізде жүзу туралы» Қазақстан Республикасының 2002 жылғы 17 қаңтардағы Заңының 4-бабы 2-тармағының 22) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған:

1) кеме құжаттарының тізбесі;

2) ҚР Үкіметінің 2013.04.12. № 1316 Қаулысымен алып тасталды (бұр.ред.қара)

ҚР Үкіметінің 2013.04.12. № 1316 Қаулысымен 3) тармақша жаңа редакцияда (бұр.ред.қара)

3) Кеме құжаттарын жүргізу қағидалары және кеме құжаттарына қойылатын талаптар бекітілсін.

2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі

Қазақстан Республикасы

Үкіметінің

2011 жылғы 26 шілдедегі

№ 856 қаулысымен

бекітілген

ҚР Үкіметінің 2013.04.12. № 1316 Қаулысымен тақырыбы жаңа редакцияда (бұр.ред.қара)

Кеме құжаттарын жүргізу қағидалары және кеме құжаттарына қойылатын

талаптар

1. Жалпы ережелер

ҚР Үкіметінің 2013.04.12. № 1316 Қаулысымен 1-тармақ жаңа редакцияда (бұр.ред.қара)

1. Осы Кеме құжаттарын жүргізу қағидалары және кеме құжаттарына қойылатын талаптар (бұдан әрі - Қағида) «Сауда мақсатында теңізде жүзу туралы» 2002 жылғы 17 қаңтардағы Қазақстан Республикасының Заңына сәйкес әзірленді және Қазақстан Республикасының Мемлекеттік туы астында жүзетін кемелердегі кеме құжаттарын жүргізу және кеме құжаттарына қойылатын талаптардың тәртібін айқындайды.