«Жаңартылған аккредиттеу стандарттарының пилоттық тестілеуін өткізу туралы» Қазақстан Республикасы Денсаулық сақтау министрінің м.а. 2011 жылғы 26 шілдедегі № 477 бұйрығы (күші жойылды)

Жаңартылған аккредиттеу стандарттарының пилоттық тестілеуін өткізу туралы
Қазақстан Республикасы Денсаулық сақтау министрінің м.а. 2011 жылғы 26 шілдедегі № 477 бұйрығы

ҚР Денсаулық сақтау министрінің 2018.10.12. № 696 бұйрығымен күші жойылды

«Қазақстан Республикасы және Қайта жаңартудың және дамытудың Халықаралық Банкі арасында (Қазақстан Республикасы Денсаулық сақтау секторында технологияларды беру және институционалдық реформаны жүргізу бойынша жоба) заем туралы келісімді бекіту туралы» Қазақстан Республикасының 2008 жылғы 6 қарашадағы № 77-IV Заңымен бекітілген «Қазақстан Республикасы Денсаулық сақтау секторында технологияларды беру және институционалдық реформаны жүргізу» Дүниежүзілік банк жобасының В1 кіші компонентінің серіктестік өзара әрекеттестігі іс-шараларын іске асыру шеңберінде, жаңартылған аккредиттеу стандарттарына тестілеу жүргізу мақсатында БҰЙЫРАМЫН:

1. Жаңартылған аккредиттеу стандарттарды тестілеу кезінде (бұдан әрі -тестілеу):

1) осы бұйрыққа 1-қосымшаға сәйкес медициналық ұйымдардың жаңартылған аккредиттеу стандарттарына сәйкестігіне өзін өзі бағалау жүргізуге арналған әдістемесі.

2) осы бұйрыққа 2-қосымшаға сәйкес медициналық ұйымдардың жаңартылған аккредиттеу стандарттарына сәйкестігіне сыртқы кешендік бағалау жүргізуге арналған әдістемесі бекітілсін.

2. Осы бұйрыққа 3-қосымшаға сәйкес Қазақстан Республикасының Денсаулық сақтау министрлігінің Медициналық және фармацевтикалық қызметті бақылау комитеті (бұдан әрі-Комитет) 2011 жылғы 19 қыркүйек пен 1 қазан аралығында Астана, Көкшетау қалаларының медициналық ұйымдарында тестілеу өткізу іс-шараларын үйлестірсін.