(БҰРЫНҒЫ РЕДАКЦИЯ) ҚР ҮКІМЕТІНІҢ 2011.02.08 № 900 ҚАУЛЫСЫ

Қазақстан Республикасының қылмыстық-атқару жүйесін одан әрі жетілдірудің кейбір мәселелері туралы
Қазақстан Республикасы Үкіметінің 2011 жылғы 2 тамыздағы № 900 Қаулысы

Осы редакция 2011 жылғы 2 қыркүйекте енгізілген өзгерістеріне дейін қолданылды

«Қазақстан Республикасының пенитенциарлық жүйесі туралы» Қазақстан Республикасы Президентінің 2011 жылғы 26 шілдедегі № 129 Жарлығын іске асыру мақсатында Қазақстан Республикасының Үкіметі ҚАУЛЫ ЕТЕДІ:

1. Осы қаулының 1-қосымшасына сәйкес мемлекеттік мекемелері - аумақтық бөлімшелерімен бірге Қазақстан Республикасы Ішкі істер министрлігінің Қылмыстық-атқару жүйесі комитеті (бұдан әрі - Комитет) құрылсын.

2. Осы қаулының 2-қосымшасына сәйкес Қазақстан Республикасы Әділет министрлігінің Қылмыстық-атқару жүйесі комитеті мен оның мемлекеттік мекемелері - аумақтық бөлімшелері таратылып, оның функциялары мен өкілеттіктері құрылған Комитетке берілсін.

3. Осы қаулының 3-қосымшасына сәйкес Қазақстан Республикасы Әділет министрлігі Қылмыстық-атқару жүйесі комитетінің қарамағындағы ұйымдар Комитеттің қарамағына берілсін.

4. Комитет Қазақстан Республикасы Әділет министрлігінің таратылатын Қылмыстық-атқару жүйесі комитетінің міндеттемелері бойынша құқықтық мирасқор болып белгіленсін.

5. «Қазақстан Республикасы Әділет министрлігі Қылмыстық-атқару жүйесі комитетінің академиясы» мемлекеттік мекемесі «Қазақстан Республикасы Ішкі істер министрлігі Қылмыстық-атқару жүйесі комитетінің академиясы» мемлекеттік мекемесі болып қайта аталсын.

6. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.

7. Қазақстан Республикасы Әділет министрлігі:

1) заңнамада белгіленген тәртіппен Қазақстан Республикасы Әділет министрлігі Қылмыстық-атқару жүйесі комитетін таратуды, оның мүлкін, сондай-ақ штат санын мемлекеттік мекемелері - аумақтық органдарымен және ведомстволық бағынысты ұйымдарымен бірге беруді жүзеге асырсын;