(БҰРЫНҒЫ РЕДАКЦИЯ) ҚР ТӨТЕНШЕ ЖАҒДАЙЛАР МИНИСТРІНІҢ 2008.25.07 № 132...

Қазақстан Республикасы

Төтенше жағдайлар министрінің

2008 жылғы 25 шілдедегі

№ 132 бұйрығымен

бекітілген

Осы редакция 2009 жылғы 21 қазанда енгізілген өзгерістеріне дейін қолданылды

Алюминий, магний ұнтақтары мен опаларын және олардың негізіндегі қорытпаларды өндіру кезіндегі өнеркәсіптік
қауіпсіздік талаптары

Мазмұны

1-тарау. Негізгі ережелер

1. Осы Өнеркәсіптік қауіпсіздік талабы алюминий, магний ұнтақтары мен опаларын және олардың негізіндегі қорытпалар өндірісін жобалауға, салуға, пайдалануға, қайта құруға, кеңейтуге, техникалық қайта жарақтауға, консервациялауға, таратуға қолданылады.

2. Өндірістік процестерді ұйымдастыруға қойылатын талаптар:

1) технологиялық регламенттің, өнеркәсіптік, өрт және экологиялық қауіпсіздік параметрлерін сақтау;

2) сақтандырғыш бұйымдардың, дабылдың, бұғаттағыштың дұрыстығы, сығылған ауамен және электр энергиясымен үздіксіз жабдықтау, желдету қондырғыларының тиімді жұмыс істеуін қамтамасыз ету;

3) жабдық пен құбыр өткізгіштің герметикалығын, өндірістік орын-жайлардағы ауа ортасының жай-күйін жүйелі бақылау;

4) машиналар мен көтергіштердің, монтаждау жыралары мен дренаждық сыйымдылықтар жолдарының және тағы басқа жетектерінің берік орнығуы және қоршаулары мен барлық басқа да қозғалмалы және айналмалы бөліктерінің дұрыстығы;

5) электр оқшаулағыштың жай-күйін жүйелі бақылау.

3. Қоршаған ортаны қорғауға қойылатын негізгі талаптар:

1) технологиялық процесті жүргізу кезіндегі газ тазарту жабдығының жұмыс режимінің технологиялық параметрлерін сақтау;