«Аэротүсірілім, геодезиялық және картографиялық жұмыстарды жүргізуді тіркеу, есепке алу және оларға рұқсаттар беру ережесін бекіту туралы» Қазақстан Республикасы Үкіметінің 2003 жылғы 4 маусымдағы № 530 қаулысына өзгерістер енгізу туралы» Қазақстан Республикасы Үкіметінің 2012 жылғы 19 қаңтардағы № 126 Қаулысы (күші жойылды)

«Аэротүсірілім, геодезиялық және картографиялық жұмыстарды жүргізуді тіркеу, есепке алу және оларға рұқсаттар беру ережесін бекіту туралы» Қазақстан Республикасы Үкіметінің 2003 жылғы 4 маусымдағы № 530 қаулысына өзгерістер енгізу туралы
Қазақстан Республикасы Үкіметінің 2012 жылғы 19 қаңтардағы № 126 Қаулысы

ҚР Үкіметінің 2022 жылғы 18 наурыздағы № 141 Қаулысымен күші жойылды

Қазақстан Республикасының Үкіметі ҚАУЛЫ ЕТЕДІ:

1. «Аэротүсірілім, геодезиялық және картографиялық жұмыстарды жүргізуді тіркеу, есепке алу және оларға рұқсаттар беру ережесін бекіту туралы» Қазақстан Республикасы Үкіметінің 2003 жылғы 4 маусымдағы № 530 қаулысына (Қазақстан Республикасының ПҮАЖ-ы, 2003 ж., № 25, 235-құжат) мынадай өзгерістер енгізілсін:

тақырыбы мынадай редакцияда жазылсын:

«Аэротүсірілім жұмыстарын жүргізуге рұқсаттарды тіркеу, есепке алу және беру қағидаларын бекіту туралы»;

1-тармақ мынадай редакцияда жазылсын:

«1. Қоса беріліп отырған Аэротүсірілім жұмыстарын жүргізуге рұқсаттарды тіркеу, есепке алу және беру қағидалары бекітілсін.»;

көрсетілген қаулымен бекітілген Аэротүсірілім, геодезиялық және картографиялық жұмыстарды жүргізуді тіркеу, есепке алу және оларға рұқсаттар беру ережесі осы қаулыға қосымшаға сәйкес жаңа редакцияда жазылсын.

2. Осы қаулы 2012 жылғы 30 қаңтардан бастап қолданысқа енгізіледі және ресми жариялануға тиіс.

Қазақстан Республикасы

Үкіметінің

2012 жылғы 19 қаңтардағы

№ 126 қаулысына

қосымша

Қазақстан Республикасы

Үкіметінің

2003 жылғы 4 маусымдағы

№ 530 қаулысымен

бекітілген

Аэротүсірілім жұмыстарын жүргізуге рұқсаттарды тіркеу, есепке алу және беру

 қағидалары

Осы Қағидалар «Геодезия және картография туралы» Қазақстан Республикасының 2002 жылғы 3 шілдедегі Заңына сәйкес әзірленді және аэротүсірілім жұмыстарын жүргізуге рұқсаттарды тіркеу, есепке алу және оларды беру тәртібін айқындайды.

1. Жалпы ережелер