«Энергия үнемдеу және энергия тиімділігін арттыру аясындағы жеке кәсіпкерлік саласындағы тексеру парақтарының нысандарын және тәуекел дәрежесін бағалау өлшемдерін бекіту туралы» Қазақстан Республикасы Индустрия және жаңа технологиялар министрінің 2012 жылғы 29 маусымдағы № 222 және Қазақстан Республикасы Экономикалық даму және сауда министрінің м.а. 2012 жылғы 31 шілдедегі № 230 бірлескен бұйрығы (күші жойылды)

Энергия үнемдеу және энергия тиімділігін арттыру аясындағы жеке кәсіпкерлік саласындағы тексеру парақтарының нысандарын және тәуекел дәрежесін бағалау өлшемдерін бекіту туралы
Қазақстан Республикасы Индустрия және жаңа технологиялар министрінің 2012 жылғы 29 маусымдағы № 222 және Қазақстан Республикасы Экономикалық даму және сауда министрінің м.а. 2012 жылғы 31 шілдедегі № 230 бірлескен бұйрығы

ҚР Инвестициялар және даму министрінің 2015 жылғы 29 маусымдағы № 731 және ҚР Ұлттық экономика министрінің 2015 жылғы 20 шілдедегі № 544 бірлескен бұйрығымен күші жойылды

«Қазақстан Республикасындағы мемлекеттік бақылау және қадағалау туралы» Қазақстан Республикасы Заңының 13-бабының 4-тармағына, 15-бабының 1-тармағына және «Энергия үнемдеу және энергия тиімділігін арттыру туралы» Қазақстан Республикасы Заңының 5-бабының 18-тармақшасына сәйкес БҰЙЫРАМЫЗ:

1. Қоса беріліп отырған:

1) осы бұйрыққа 1-қосымшаға сәйкес, Мемлекеттік энергетикалық тізілім субъектілерін тексеру бойынша энергия үнемдеу және энергия тиімділігін арттыру аясындағы жеке кәсіпкерлік саласындағы тексеру парағының нысаны;

2) осы бұйрыққа 2-қосымшаға сәйкес, заңды тұлғалар мен жеке кәсіпкерлердің электр желілерінде қуаттылық коэффициентінің нормативтік мәнін және энергия тұтыну нормативтерін сақтау бойынша энергия үнемдеу және энергия тиімділігін арттыру аясындағы жеке кәсіпкерлік саласындағы тексеру парағының нысаны;

3) осы бұйрыққа 3-қосымшаға сәйкес, энергетикалық аудит пен энергия үнемдеу және энергия тиімділігін арттырудың сараптамасын жүргізу бойынша энергия үнемдеу және энергия тиімділігін арттыру аясындағы жеке кәсіпкерлік саласындағы тексеру парағының нысаны;

4) осы бұйрыққа 4-қосымшаға сәйкес, энергия үнемдеу және энергия тиімділігін арттыру аясындағы жеке кәсіпкерлік саласындағы тәуекел дәрежесін бағалау өлшемдері бекітілсін.

2. Қазақстан Республикасы Индустрия және жаңа технологиялар министрлігі Жаңа технологиялар және энергия үнемдеу департаменті (Т.А. Мұқанов) заңда белгіленген тәртіпте: