«Ауыл шаруашылығын қолдауға арналған кредиттер (лизинг) бойынша сыйақы ставкасын өтеу бойынша субсидиялау» мемлекеттiк қызмет стандарты (Қазақстан Республикасы Үкіметінің 2012 жылғы 31 тамыздағы № 1108 Қаулысымен бекітілген) (2013.13.02. берілген өзгерістермен) (күші жойылды)

ҚР Үкіметінің 2014.25.02. № 150 Қаулысымен күші жойылды

Қазақстан Республикасы

Үкіметінің

2012 жылғы 31 тамыздағы

№ 1108 қаулысымен

бекітілген

ҚР Үкіметінің 2013.13.02. № 129 Қаулысымен тарқырыбы жаңа редакцияда (бұр.ред.қара)

«Ауыл шаруашылығын қолдауға арналған кредиттер (лизинг) бойынша сыйақы ставкасын өтеу бойынша субсидиялау»
мемлекеттiк қызмет стандарты

(2013.13.02. берілген өзгерістермен)

1. Жалпы ережелер

ҚР Үкіметінің 2013.13.02. № 129 Қаулысымен 1-тармақ өзгертілді (бұр.ред.қара)

1. Мемлекеттік қызметті Қазақстан Республикасы Ауыл шаруашылығы министрлігі (бұдан әрі - Министрлік) Астана қаласы, Кенесары көшесі, 36-үй, мекенжайы бойынша көрсетеді.

Осы стандартта мынадай ұғымдар мен анықтамалар пайдаланылады:

1) бағдарлама - тиiстi қаржы жылына арналған республикалық бюджет бағдарламасы;

2) қаржы институттары - екінші деңгейлі банктер, банктік қызметті жүзеге асыру құқығына ие тиісті лицензиясы бар кредиттік ұйымдар, лизингтік компаниялар;

3) қарыз алушы - меншік нысанына қарамастан, шаруа (фермер) қожалықтарын қоса алғанда, ауыл шаруашылығы өнімдерін қайта өңдеумен, азық-түлік тауарларын өндірумен айналысатын жеке, заңды тұлға, меншік құқығында сервистік дайындау орталығы бар заңды тұлға және ауыл шаруашылығы өнімдерін дайындау, сақтау, тасымалдау және өткізу жөнінде қызметтер көрсететін селолық тұтыну кооперативі;

4) кредит (лизинг) - кредиттік келісім негізінде қаржы институтының қарыз алушыға берген ақша сомасы (лизинг мәні);

5) кредиттік келісім - қаржы институты мен қарыз алушы арасында жасалған қарыз (қаржы лизингі) шарты;

6) сыйақы ставкасы - қаржы институты мен қарыз алушы арасындағы кредиттік келісімде кредитті (лизингті) пайдаланғаны үшін белгіленген сыйақы мөлшері;

7) комиссия - Министрліктің бағдарламаны іске асыруға қатысатын қаржы институттарын айқындау және субсидиялауды бөлу үшін құрылған комиссиясы.

2. Көрсетілетін мемлекеттік қызметтің нысаны: автоматтандырылмаған.

3. Мемлекеттік қызмет:

1) «2012 - 2014 жылдарға арналған республикалық бюджет туралы» Қазақстан Республикасының 2011 жылғы 24 қарашадағы Заңының;