«Қазақстан Республикасы Бас прокуратурасының Арнайы прокурорлар департаменті туралы ережені бекіту туралы» Қазақстан Республикасы Бас Прокурорының 2013 жылғы 10 қаңтардағы № 3 бұйрығы (2013.18.07. берілген өзгерістермен) (күші жойылды)

Қазақстан Республикасы Бас прокуратурасының Арнайы прокурорлар департаменті туралы ережені бекіту туралы
Қазақстан Республикасы Бас Прокурорының 2013 жылғы 10 қаңтардағы № 3 бұйрығы

(2013.18.07. берілген өзгерістермен)

ҚР Бас Прокурорының 2015 жылғы 27 наурыздағы № 47 бұйрығымен күші жойылды

Арнайы прокурорлар департаменті құзыретінің қайта қаралуына байланысты, «Прокуратура туралы» Қазақстан Республикасы Заңының 11-бабының 4-тармағын басшылыққа ала отырып, БҰЙЫРАМЫН:

1. Қоса беріліп отырған Қазақстан Республикасы Бас прокуратурасының Арнайы прокурорлар департаменті туралы ереже бекітілсін.

2. Қазақстан Республикасы Бас Прокурорының 2011 жылғы 7 наурыздағы № 23 бұйрығының күші жойылды деп танылсын.

3. Бұйрықтың орындалуын бақылау Қазақстан Республикасы Бас Прокурорының орынбасары 3-сыныпты мемлекеттік әділет кеңесшісі Н.М. Исаевқа жүктелсін.

4. Осы бұйрық Бас прокуратураның құрылымдық бөлімшелері, Құқықтық статистика және арнайы есепке алу комитеті, Бас әскери прокуратура, Бас көлік прокуратура, облыстық және оларға теңестірілген прокуратуралар, Бас прокуратура жанындағы С. Есқараев атындағы Институт басшыларының назарына жеткізілсін.

Қазақстан Республикасы

Бас Прокурорының

2013 жылғы 10 қаңтардағы

№ 3 бұйрығымен бекітілген

Қазақстан Республикасы Бас прокуратурасының
Арнайы прокурорлар департаменті туралы
ереже


1. Жалпы ережелер

1. Арнайы прокурорлар департаменті (бұдан әрі - Департамент) Қазақстан Республикасы Бас прокуратурасының (бұдан әрі - Бас прокуратура) дербес құрылымдық бөлімшесі болып табылады.

2. Департамент өз қызметінде Қазақстан Республикасының Конституциясын, Қазақстан Республикасының Қылмыстық және Қылмыстық іс жүргізу кодекстерін, Қазақстан Республикасы Жоғарғы Сотының нормативтік қаулыларын, Қазақстан Республикасының өзге де нормативтік құқықтық актілерін, Қазақстан Республикасы Бас Прокурорының (бұдан әрі - Бас Прокурор) бұйрықтарын, нұсқаулықтарын, нұсқауларын, сондай-ақ осы Ережені басшылыққа алады.