«Өсімдіктер карантині жөніндегі мемлекеттік инспекторлар туралы ережені бекіту туралы» Қазақстан Республикасы Ауыл шаруашылығы министрінің міндетін атқарушының 2013 жылғы 29 шілдедегі № 8/346 бұйрығы

Өсімдіктер карантині жөніндегі мемлекеттік инспекторлар туралы ережені бекіту туралы
Қазақстан Республикасы Ауыл шаруашылығы министрінің міндетін атқарушының 2013 жылғы 29 шілдедегі № 8/346 бұйрығы

«Өсімдіктер карантині туралы» 1999 жылғы 11 ақпандағы Қазақстан Республикасы Заңының 7-бабы 1-тармағының 5) тармақшасына сәйкес БҰЙЫРАМЫН:

1. Қоса беріліп отырған Өсімдіктер карантині жөніндегі мемлекеттік инспекторлар туралы ереже бекітілсін.

2. «Өсімдіктер карантині жөніндегі мемлекеттік инспекторлар туралы ережелерді бекіту туралы» Қазақстан Республикасы Премьер-Министрінің Орынбасары - Қазақстан Республикасы Ауыл шарушылығы министрінің 2003 жылғы 4 ақпандағы № 56 бұйрығының күші жойылды деп танылсын.

3. Осы бұйрық қол қойылған күнінен бастап қолданысқа енгізіледі.

Қазақстан Республикасы

Ауыл шаруашылығы министрінің

2013 жылғы 29 шілдедегі

№ 8/346 бұйрығымен бекітілген

Өсімдіктер карантині жөніндегі мемлекеттік инспекторлар туралы
ереже


1. Жалпы ережелер

1. Осы Өсімдіктер карантині жөніндегі мемлекеттік инспекторлар туралы ереже (бұдан әрі - Ереже) «Өсімдіктер карантині туралы» 1999 жылғы 11 ақпандағы Қазақстан Республикасы Заңының (бұдан әрі - Заң) 7-бабы 1-тармағының 5) тармақшасына сәйкес әзірленген және Қазақстан Республикасы Ауыл шаруашылығы министрлігінің және оның аумақтық бөлімшелерінің өсімдіктер карантині саласындағы ведомстваларының уәкілетті орган өсімдіктер карантині жөніндегі мемлекеттік инспекторлардың құқықтық мәртебесін айқындайды.

2. Агроөнеркәсіптік кешендегі мемлекеттік инспекция комитетінің төрағасы (бұдан әрі - Төраға) Қазақстан Республикасының Өсімдіктер карантині жөніндегі бас мемлекеттік инспекторы, ал оның орынбасары - Қазақстан Республикасының Өсімдіктер карантині жөніндегі бас мемлекеттік инспекторының орынбасары болып табылады.