«Қазақстан Республикасының радиожиілік спектрін пайдалануға рұқсат беру» мемлекеттік көрсетілетін қызмет стандарты (Қазақстан Республикасы Үкіметінің 2014 жылғы 28 ақпандағы № 158 қаулысымен бекітілген) (күші жойылды)

ҚР Үкіметінің 2015 жылғы 11 қыркүйектегі № 774 Қаулысымен күші жойылды

Қазақстан Республикасы

Үкіметінің

2014 жылғы 28 ақпандағы

№ 158 қаулысымен

бекітілген

«Қазақстан Республикасының радиожиілік спектрін пайдалануға рұқсат беру»
 мемлекеттік көрсетілетін қызмет стандарты

«Қазақстан Республикасы радиожиілік спектрін пайдалануға рұқсат беру» мемлекеттік көрсетілетін қызмет регламентін қараңыз

1. Жалпы ережелер

1. «Қазақстан Республикасының радиожиілік спектрін пайдалануға рұқсат беру» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Көлік және коммуникация министрлігі (бұдан әрі - Министрлік) әзірледі.

3. Мемлекеттік қызметті Министрліктің Байланыс және ақпараттандыру комитетінің аумақтық бөлімшелері (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік қызметті көрсету нәтижелерін беру:

1) көрсетілетін қызметті берушінің кеңсесі арқылы;

2) «электрондық үкімет» www.еgov.kz веб-порталы немесе

«Е-лицензиялау» www.elicense.kz  веб-порталы (бұдан әрі - Портал) арқылы жүзеге асырылады.

2. Мемлекеттік қызметті көрсету тәртібі

4. Мемлекеттік қызметті көрсету мерзімі:

1) көрсетілетін қызметті алушы құжаттар топтамасын көрсетілетін қызметті берушіге тапсырған сәттен бастап:

Қазақстан Республикасының радиожиілік спектрін пайдалануға рұқсат беру - 27 (жиырма жеті) жұмыс күнінен аспайды;

халықаралық үйлестіруді және радиожиіліктерді Қазақстан Республикасы әскери басқармасының орталық атқарушы органымен келісу рәсімін жүргізу қажет болған жағдайда мерзімі төрт айдан аспайтын уақытқа ұзартылады;

көрсетілетін қызметті алушы құжаттар топтамасын көрсетілетін қызметті берушіге тапсыру үшін күтудің рұқсат етілетін ең ұзақ уақыты - 15 минут;

көрсетілетін қызметті алушыға қызмет көрсетудің рұқсат етілетін ең ұзақ уақыты - 15 минут.

2) көрсетілетін қызметті алушы Порталға өтініш берген кезде - 27 (жиырма жеті) жұмыс күнінен аспайды.