«Жұмыссыз азаматтарды тіркеу және есепке қою» мемлекеттік көрсетілетін қызмет регламенті (Павлодар облысы әкімдігінің 2014 жылғы 24 сәуірдегі № 136/4 Қаулысымен бекітілді) (2014.26.08. берілген толықтырулармен) (күші жойылды)

Павлодар облыстық әкімдігінің 2015 жылғы 28 шілдедегі № 222/8 Қаулысымен күші жойылды

Павлодар облысы әкімдігінің

2014 жылғы 24 сәуірдегі

№ 136/4 қаулысымен

бекітілді

«Жұмыссыз азаматтарды тіркеу және есепке қою»

мемлекеттік көрсетілетін қызмет регламенті

(2014.26.08. берілген толықтырулармен)

1. Жалпы ережелер

1. «Жұмыссыз азаматтарды тіркеу және есепке қою» мемлекеттік көрсетілетін қызметті (бұдан әрі - мемлекеттік көрсетілетін қызмет) осы регламенттің 1-қосымшасына сәйкес облыстық маңызы бар қалалар мен аудандардың жұмыспен қамту және әлеуметтік бағдарламалар бөлімдері (бұдан әрі - көрсетілетін қызметті беруші) көрсетеді.

Сондай-ақ мемлекеттік қызмет:

Қазақстан Республикасы Көлік және коммуникация министрлігі Мемлекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрі - ХҚО);

www.egov.kz «электрондық үкімет» веб-порталы арқылы (бұдан әрі - портал) көрсетіледі.

2. Мемлекеттік қызмет көрсету нысаны: электрондық (ішінара автоматтандырылған) және (немесе) қағаз түрінде.

3. Мемлекеттік қызметті көрсетудің нәтижесі қағаз немесе электрондық түрде жұмыссыз ретінде тіркеу және есепке алу туралы хабарлама болып табылады.

2. Мемлекеттік қызмет көрсету үдерісінде көрсетілетін қызметті берушінің құрылымдық бөлімшелерінің (қызметкерлерінің) іс-қимыл тәртібін сипаттау

1. Мемлекеттік қызметті көрсету жөніндегі рәсімді (іс-қимылды) бастау үшін негіздеме:

1) көрсетілетін қызметті алушының жеке басын куәландыратын құжат Қазақстан Республикасы азаматының жеке куәлігі немесе паспорты, шетелдіктің Қазақстан Республикасында тұруға ықтиярхаты және азаматтығы жоқ адамның куәлігі), сондай-ақ оралмандар үшін - оралман куәлігі (сәйкестендіру үшін).

Салыстырып тексеру үшін құжаттың түпнұсқасы беріледі, содан кейін құжаттың түпнұсқасы көрсетілетін қызметті алушыға қайтарылады.