(БҰРЫНҒЫ РЕДАКЦИЯ) «АДАМДАРҒА ЖҰМЫСПЕН ҚАМТУҒА ЖӘРДЕМДЕСУДІҢ БЕЛСЕНДІ Н...

Осы редакция 2017 жылғы 21 желтоқсанда енгізілген өзгерістеріне дейін қолданылды

Павлодар облысы әкімдігінің

2015 жылғы 28 шілдедегі

№ 222/8 қаулысымен бекітілді

Павлодар облыстық әкімдігінің 2016.26.02. № 82/3 Қаулысымен барлық мәтіні бойынша «Халыққа қызмет көрсету орталығымен» деген сөздер «Азаматтарға арналған үкімет» мемлекеттік корпорациясымен» деген сөздермен ауыстырылды (бұр.ред.қара)

«Адамдарға жұмыспен қамтуға жәрдемдесудің белсенді нысандарына қатысуға жолдамалар беру»
мемлекеттік көрсетілетін қызмет регламенті

(2016.26.02. берілген өзгерістермен)

1. Жалпы ережелер

1. «Адамдарға жұмыспен қамтуға жәрдемдесудің белсенді нысандарына қатысуға жолдамалар беру» мемлекеттік көрсетілетін қызметін (бұдан әрі - мемлекеттік көрсетілетін қызмет) осы Регламенттің 1-қосымшасына сәйкес аудандардың және облыстық маңызы бар қалалардың жұмыспен қамту және әлеуметтік бағдарламалар бөлімдері (бұдан әрі - көрсетілетін қызметті беруші) көрсетеді.

Өтінішті қабылдау және мемлекеттік қызмет көрсету нәтижесін беру:

1) көрсетілетін қызметті беруші;

2) www.egov.kz  «электрондық үкімет» веб-порталы (бұдан әрі - портал) арқылы жүзеге асырылады.

2. Мемлекеттік қызметті көрсету нысаны: электрондық (ішінара автоматтандырылған) және (немесе) қағаз түрінде.

3. Мемлекеттiк қызметтi көрсету нәтижесi адамдарға жұмыспен қамтуға жәрдемдесудiң белсендi шараларына қатысуға жолдама беру болып табылады, онда мыналар қамтылады:

1) жұмысқа орналасуға жолдама;

2) қоғамдық жұмыстарға жолдама;

3) адамдарға кәсiби даярлауға, қайта даярлауға және бiлiктiлiгiн арттыруға жолдама;

4) әлеуметтiк жұмыс орындарына жұмысқа орналасуға жолдама;

5) жастар практикасына жолдама;

6) адамдарға кәсiби бағдарлануға тегiн қызметтер көрсету.

Мемлекеттік көрсетілетін қызмет нәтижесін ұсыну нысаны: электрондық және (немесе) қағаз түрінде.

2. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің
(қызметкерлерінің) іс-қимыл тәртібін сипаттау