«Оралман мәртебесін беру немесе ұзарту» мемлекеттік көрсетілетін қызмет регламетін бекіту туралы» Алматы қаласы әкімдігінің 2015 жылғы 23 шілдедегі № 3/461 Қаулысы (2019.26.09. берілген өзгерістер мен толықтырулармен) (күші жойылды)

«Оралман мәртебесін беру немесе ұзарту» мемлекеттік көрсетілетін қызмет регламетін бекіту туралы
Алматы қаласы әкімдігінің 2015 жылғы 23 шілдедегі № 3/461 Қаулысы

(2019.26.09. берілген өзгерістер мен толықтырулармен)

Алматы қаласы әкімдігінің 2020 жылғы 20 қазандағы № 4/438 Қаулысымен күші жойылды

Алматы қаласы әкімдігінің 2019.22.04. № 2/248 Қаулысымен тақырыбы жаңа редакцияда (бұр.ред.қара)

Қазақстан Республикасының 2013 жылғы 15 сәуірдегі «Мемлекеттік көрсетілетін қызметтер туралы» Заңының 16-бабының 1-тармағына сәйкес, Қазақстан Республикасы Денсаулық сақтау және әлеуметтік даму министрінің 2015 жылғы 28 сәуірдегі № 279 «Әлеуметтік-еңбек саласындағы мемлекеттік көрсетілетін қызмет стандарттарын бекіту туралы» бұйрығын басшылыққа ала отырып, Алматы қаласының әкімдігі ҚАУЛЫ ЕТЕДІ:

Алматы қаласы әкімдігінің 2019.22.04. № 2/248 Қаулысымен 1-тармақ жаңа редакцияда (бұр.ред.қара)

1. Қоса беріліп отырған «Оралман мәртебесін беру немесе ұзарту» мемлекеттік көрсетілетін қызмет регламенті бекітілсін.

2. Алматы қаласы әкімдігі қаулыларының күші жойылды деп танылсын:

1) Алматы қаласы әкімдігінің «Оралман мәртебесін беру» мемлекеттік көрсетілетін қызмет регламентін бекіту туралы» 2014 жылғы 11 мамырдағы № 2/342 (нормативтік құқықтық актілерді мемлекеттік тіркеу Тізілімінде № 1048 болып тіркелген, 2014 жылғы 31 мамырда «Алматы ақшамы» және «Вечерний Алматы» газеттерінде жарияланған) қаулысы;

2) Алматы қаласы әкімдігінің «Оралман мәртебесін беру» мемлекеттік көрсетілетін қызмет регламентін бекіту туралы» 2014 жылғы 11 мамырдағы №2/342 қаулысына толықтыру енгізу туралы» 2014 жылғы 13 қазандағы № 4/839 (нормативтік құқықтық актілерді мемлекеттік тіркеу Тізілімінде №1096 болып тіркелген, 2014 жылғы 13 қарашада «Алматы ақшамы» және «Вечерний Алматы» газеттерінде жарияланған) қаулысы.

3. Алматы қаласы Мемлекеттік еңбек инспекциясы және көші-қон басқармасы осы қаулыны интернет-ресурста орналастыруды қамтамасыз етсін.

4. Осы қаулының орындалуын бақылау Алматы қаласы әкімінің орынбасары Ю. Ильинге жүктелсін.