«Жамбыл облысы әкімдігінің кейбір қаулыларының күші жойылды деп тану туралы» Жамбыл облысы әкімдігінің 2015 жылғы 28 желтоқсандағы № 319 Қаулысы

Жамбыл облысы әкімдігінің кейбір қаулыларының күші жойылды деп тану туралы
Жамбыл облысы әкімдігінің 2015 жылғы 28 желтоқсандағы № 319 Қаулысы

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына, «Нормативтік құқықтық актілер туралы» Қазақстан Республикасының 1998 жылғы 24 наурыздағы Заңына сәйкес Жамбыл облысының әкімдігі ҚАУЛЫ ЕТЕДІ:

1. Осы қаулының қосымшасына сәйкес Жамбыл облысы әкімдігінің кейбір қаулыларының күші жойылды деп танылсын.

2. «Жамбыл облысы әкімдігінің ауыл шаруашылығы басқармасы» коммуналдық мемлекеттік мекемесі заңнамада белгіленген тәртіппен және мерзімдерде осы қаулының 1-тармағында көрсетілген облыс әкімдігінің кейбір қаулыларының күші жойылды деп танылғаны жөнінде әділет органдарына және ресми жариялау көздеріне хабарлауды қамтамасыз етсін.

3. Осы қаулының орындалуын бақылау облыс әкімінің орынбасары А. Нұралиевке жүктелсін.

Жамбыл облысы әкімдігінің

2015 жылғы 28 желтоқсандағы

№ 319 қаулысына қосымша

Жамбыл облысы әкімдігінің күші жойылды деп танылған қаулыларының

 тізімі

1. «Ауыл шаруашылығы саласындағы электрондық мемлекеттік қызмет көрсету регламенттерін бекіту туралы» Жамбыл облысы әкімдігінің 2013 жылғы 4 наурыздағы № 48 қаулысы (Нормативтік құқықтық актілерді мемлекеттік тіркеу тізілімінде 2013 жылғы 26 маусымда № 1963 болып тіркелген, 2013 жылғы 13 шілдеде «Ақ жол» газетінде жарияланған).