(БҰРЫНҒЫ РЕДАКЦИЯ) «СОЛТҮСТІК ҚАЗАҚСТАН ОБЛЫСЫН ӘЛЕУМЕТТІК-ЭКОНОМИКАЛЫҚ...

Солтүстік Қазақстан облысын әлеуметтік-экономикалық дамытудың 2018 - 2021 жылдарға арналған кешенді жоспарын бекіту туралы
Қазақстан Республикасы Үкіметінің 2018 жылғы 12 қыркүйектегі № 562 Қаулысы

(2019.21.08. берілген өзгерістермен)

Осы редакция 2021 жылғы 5 мамырда енгізілген өзгерістеріне дейін қолданылды

Солтүстік Қазақстан облысын әлеуметтік-экономикалық дамыту мақсатында Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Солтүстік Қазақстан облысын әлеуметтік-экономикалық дамытудың 2018 - 2021 жылдарға арналған кешенді жоспары (бұдан әрі - Жоспар) бекітілсін.

2. Орталық атқарушы органдар, Қазақстан Республикасының Президентіне тікелей бағынатын және есеп беретін мемлекеттік органдар, Солтүстік Қазақстан облысының әкімдігі және мүдделі ұйымдар (келісім бойынша) Жоспарда көзделген іс-шаралардың уақтылы орындалуын қамтамасыз етсін және жартыжылдықтың қорытындылары бойынша 15 қаңтардан және 15 шілдеден кешіктірмей олардың іске асырылу барысы туралы ақпаратты Қазақстан Республикасының Ұлттық экономика министрлігіне ұсынсын.

3. Қазақстан Республикасының Ұлттық экономика министрлігі жартыжылдықтың қорытындылары бойынша Жоспардың іске асырылу барысы туралы жиынтық ақпаратты 1 ақпаннан және 1 тамыздан кешіктірмей Қазақстан Республикасының Үкіметіне ұсынсын.

4. Осы қаулының орындалуын бақылау Қазақстан Республикасының Ұлттық экономика министрлігіне жүктелсін.

5. Осы қаулы қол қойылған күнінен бастап қолданысқа енгізіледі

ҚР Үкіметінің 2019.21.08. № 615 Қаулысымен кешенді жоспары өзгертілді (бұр.ред.қара)

Қазақстан Республикасы Үкіметінің

2018 жылғы 12 қыркүйектегі

№ 562 қаулысымен бекітілген

Солтүстік Қазақстан облысын әлеуметтік-экономикалық дамытудың 2018 - 2021 жылдарға арналған

кешенді жоспары

Солтүстік Қазақстан облысы стратегиялық, аграрлық-өнеркәсіптік өңір болып табылады. Облыс барлық ауыл шаруашылығы өнімінің 11 %-ын, Қазақстанда өсірілетін бидайдың 25 %-ын өндіреді.