«Міндетті теле-, радиоарналар тізбесін бекіту туралы» Қазақстан Республикасы Ақпарат және қоғамдық даму министрінің 2019 жылғы 17 маусымдағы № 171 бұйрығы (2024.15.05. берілген өзгерістер мен толықтырулармен)

Міндетті теле-, радиоарналар тізбесін бекіту туралы
Қазақстан Республикасы Ақпарат және қоғамдық даму министрінің 2019 жылғы 17 маусымдағы № 171 бұйрығы

(2024.15.05. берілген өзгерістер мен толықтырулармен)

ҚР Ақпарат және қоғамдық даму министрінің м.а. 2022.29.07. № 287 бұйрығымен кіріспе жаңа редакцияда (бұр.ред.қара)

«Телерадио хабарларын тарату туралы» Қазақстан Республикасы Заңының 7-бабы 1-тармағының 12-1) тармақшасына сәйкес БҰЙЫРАМЫН:

1. Қоса беріліп отырған міндетті теле-, радиоарналар тізбесі бекітілсін.

2. Мыналардың:

1) «Міндетті теле-, радиоарналар тізбесін бекіту туралы» Қазақстан Республикасы Инвестициялар және даму министрінің міндетін атқарушының 2016 жылғы 13 сәуірдегі № 368 бұйрығының (Нормативтік құқықтық актілерді мемлекеттік тіркеу тізілімінде № 13707 болып тіркелген, 2016 жылғы 21 мамырда «Казахстанская правда» № 96 (28222) және «Егемен Қазақстан» № 96 (28824) республикалық газеттерінде жарияланған);

2) «Міндетті теле-, радиоарналар тізбесін бекіту туралы» Қазақстан Республикасы Инвестициялар және даму министрінің міндетін атқарушының 2016 жылғы 13 сәуірдегі № 368 бұйрығына өзгеріс енгізу туралы» Қазақстан Республикасы Ақпарат және коммуникациялар министрінің 2018 жылғы 31 мамырдағы № 246 бұйрығының (Нормативтік құқықтық актілерді мемлекеттік тіркеу тізілімінде № 17043 болып тіркелген, 2018 жылғы 18 маусымда Қазақстан Республикасы нормативтік құқықтық актілерінің электрондық эталондық бақылау банкінде жарияланған) күші жойылды деп танылсын.

3. Қазақстан Республикасы Ақпарат және қоғамдық даму министрлігінің Бұқаралық ақпарат құралдары саласындағы мемлекеттік саясат департаменті заңнамада белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;