«Петропавл қаласы город Петропавловск Солтүстік Қазақстан облысы Петропавл қаласының аумағында стационарлық емес сауда объектілерін орналастыру орындарын айқындау және бекіту туралы» Солтүстік Қазақстан облысы Петропавл қаласы әкімдігінің 2023 жылғы 26 сәуірдегі № 515 Қаулысы (2023.01.09. берілген өзгерістермен)

Петропавл қаласы город Петропавловск Солтүстік Қазақстан облысы Петропавл қаласының аумағында стационарлық емес сауда объектілерін орналастыру орындарын айқындау және бекіту туралы
Солтүстік Қазақстан облысы Петропавл қаласы әкімдігінің 2023 жылғы 26 сәуірдегі № 515 Қаулысы

(2023.01.09. берілген өзгерістермен)

Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабы 1-тармағының 4-2) тармақшасына, Қазақстан Республикасының «Құқықтық актілер туралы» Заңының 27-бабына, «Ішкі сауда қағидаларын бекіту туралы» 2015 жылғы 27 наурыздағы № 264 Қазақстан Республикасы Ұлттық экономика министрінің міндетін атқарушының (Нормативтік құқықтық актілерді мемлекеттік тіркеу тізілімінде № 11148 тіркелген) бұйрығына сәйкес, Петропавл қаласының әкімдігі ҚАУЛЫ ЕТЕДІ:

1. Солтүстік Қазақстан облысы Петропавл қаласының аумағында стационарлық емес сауда объектілерін орналастыру орындары осы қаулының қосымшасына сәйкес айқындалсын және бекітілсін.

2. Солтүстік Қазақстан облысы Петропавл қаласы әкімдігінің кейбір қаулыларының күші жойылды деп танылсын:

1) 2018 жылғы 29 желтоқсандағы № 1967 «Петропавл қаласының аумағында көшпелі сауданы жүзеге асыру үшін арнайы бөлінген орындарды белгілеу туралы» (Нормативтік құқықтық актілерді мемлекеттік тіркеу тізілімінде № 5143 болып тіркелген);

2) 2021 жылғы 30 сәуірдегі № 657 «Петропавл қаласының аумағында көшпелі сауданы жүзеге асыру үшін арнайы бөлінген орындарды белгілеу туралы» Солтүстік Қазақстан облысы Петропавл қаласы әкімдігінің 2018 жылғы 29 желтоқсандағы № 1967 қаулысына өзгеріс енгізу туралы» (Нормативтік құқықтық актілерді мемлекеттік тіркеу тізілімінде № 7391 болып тіркелген).

3. Осы қаулының орындалуын бақылау Петропавл қаласы әкімінің жетекшілік ететін орынбасарына жүктелсін.

4. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.