«Кербұлақ ауданы бойынша 2025-2029 жылдарға арналған жайылымдарды басқару және оларды пайдалану жөніндегі жоспарды бекіту туралы» Жетісу облысы Кербұлақ аудандық мәслихатының 2024 жылғы 4 желтоқсандағы № 20-164 шешімі

Кербұлақ ауданы бойынша 2025-2029 жылдарға арналған жайылымдарды басқару және оларды пайдалану жөніндегі жоспарды бекіту туралы
Жетісу облысы Кербұлақ аудандық мәслихатының 2024 жылғы 4 желтоқсандағы № 20-164 шешімі

«Жайылымдар туралы» Қазақстан Республикасы Заңының 8-бабының 1)тармақшасына сәйкес Кербұлақ аудандық мәслихаты ШЕШІМ ҚАБЫЛДАДЫ:

1. Кербұлақ ауданы бойынша 2025-2029 жылдарға арналған жайылым айналымдарының схемасын осы шешімнің қосымшасына сәйкес бекітілсін.

2. Осы шешімнің орындалуын бақылау аудан әкімінің жетекшілік ететін орынбасарына жүктелсін.

3. Кербұлақ аудандық мәслихатының 2023 жылғы 6 сәуірдегі № 02-11 «Кербұлақ ауданы бойынша 2023-2024 жылдарға арналған жайлымдарды басқару және оларды пайдалану жөніндегі жоспарды бекіту туралы» (Қазақстан Республикасы Нормативтік құқықтық актілерінің эталондық бақылау банкінде 2023 жылдың 6 сәуірінде № 179571 болып жарияланған) шешімі жойылсын.

4. Осы шешім оның алғашқы ресми жарияланған күннен кейін күнтізбелік он күн өткен соң қолданысқа енгізіледі.

Кербұлақ аудандық мәслихатының

2024 жылғы 4 желтоқсандағы

«Кербұлақ ауданы бойынша

2025-2029 жылдарға арналған

жайылымдарды басқару және

оларды пайдалану жөніндегі

жоспарды бекіту туралы»

№ 20-164 шешіміне қосымша

Кербұлақ ауданы бойынша 2025-2029 жылдарға арналған геоботаникалық зерттеу негізінде жайылымдық айналымдар

жоспары

1. Осы жайылымдарды басқару және оларды пайдалану жөніндегі жоспар (бұдан әрі - Жоспар) «Жайылымдар туралы» Қазақстан Республикасы Заңының (бұдан әрі - Заң) 6-бабының 4-1) тармақшасына және «Мемлекеттік статистика туралы» Қазақстан Республикасы Заңының 16-бабы 3-тармағының 2) тармақшасына сәйкес әзірленді.

2. Жоспар жайылымдарды ұтымды пайдалану, азыққа деген қажеттілікті орнықты қамтамасыз ету және жайылымдардың тозу процестерін болдырмау мақсатында қабылданады.

Жоспарды әзірлеген кезде мыналар ескерілді.

1) осы Жоспарға 1-қосымшаға сәйкес нысан бойынша өңірдің жер балансының және мемлекеттік жер кадастрының ақпараттық жүйесінің деректері.