«Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының Заңына өзгерістер мен толықтырулар енгізу туралы» Қазақстан Республикасының 2022 жылғы 21 желтоқсандағы № 165-VІІ Заңы

ҚАЗАҚСТАН РЕСПУБЛИКАСЫНЫҢ

ЗАҢЫ

«Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының Заңына өзгерістер мен толықтырулар енгізу туралы

1-бап. Қазақстан Республикасының мына заңнамалық актілеріне өзгерістер мен толықтырулар енгізілсін:

1. 2017 жылғы 25 желтоқсандағы «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі):

1) 1-баптың 1-тармағында:

1-тармақтың 1) тармақшасының екінші және үшінші абзацтары 2019 ж. 1 қаңтардан бастап қолданысқа енгізілді

38) тармақша мынадай мазмұндағы төртінші абзацпен толықтырылсын:

«төтенше жағдай салдарынан зардап шеккен жеке тұлғаға;»;

1-тармақтың 1) тармақшасының төртінші - жетінші абзацтары 2024 ж. 1 шілдеден бастап қолданысқа енгізіледі

45) тармақшадағы «жер қойнауының» деген сөз «құнарсыздануды есепке алмағанда, жер қойнауының» деген сөздермен ауыстырылсын;

49) тармақша мынадай редакцияда жазылсын:

«49) өндіру - минералды шикізатты немесе пайдалы қатты қазбаларды жер қойнауынан жер бетіне шығаруға және (немесе) пайдалы қазбалар жатқан жерлерден, оның ішінде техногендік минералды түзілімдерден олардың бөлінуіне тікелей байланысты, сондай-ақ жерасты суларын алуға байланысты жұмыстардың (операциялардың) бүкіл кешені;»;

49-1) тармақша алып тасталсын;

53) тармақша «салықтарды» деген сөзден кейін «және (немесе) бірыңғай төлемді» деген сөздермен толықтырылсын;

1-тармақтың 2) тармақшасы 2024 ж. 1 шілдеден бастап қолданысқа енгізіледі

2) 16-баптың 3-тармағы мынадай мазмұндағы үшінші бөлікпен толықтырылсын:

«Электрондық салық төлеуші салық органдарының веб-қосымшасы арқылы өкілдің тиісті өкілеттіктері көрсетілетін салық төлеушінің электрондық құжатын ресімдеу жолымен уәкілетті өкілді айқындауға құқылы.»;

3) 19-бапта: